Köln (dpa/SN). Štóž je z čłonom AfD, njemóže wotnětka hižo sobustaw Kolpingowcow w Němskej być. Tole je katolski socialny zwjazk z hłownym sydłom w Kölnje na swojej hłownej zhromadźiznje ­rozsudźił. Wotnětka je móžno, kóždeho wuzamknyć, „kiž w słowach a skutkach“ pokazuje, zo podpěruje přeswědčenja, kotrež směrnicam Kolpinga njewotpowěduja, zwjazk zdźěla. K tomu słušeja tež pozicije AfD. Kolpingowy zwjazk ma w Němskej 200 000 čłonow a 10 000 přistajenych.

Blokadu poněčim přewinyć

Washington (dpa/SN). Prěni króć po zahajenju zasakłeje zwady wo etat USA su so demokraća a republikanojo na konkretne kročele dojednali, zo bychu blokadu dźěła knježerstwa přewinyli. Senat hłosowaše minjenu nóc za to, wo přechodnym etaće wothłosować, kotryž bě dom reprezentantow zapodał. Z tym je prěni wažny zadźěwk k skónčenju naj­dlěšeho shutdowna w stawiznach USA přewinjeny, kiž dźěło ministerstwow haći.

Přetwar dale spěchuja