Brüssel (dpa/SN). Němska móže sej žadać, zo po nowym mechanizmje solidarity Europskeje unije znajmjeńša hač do kónca lěta 2026 žanych nowych migrantow z druhich čłonskich krajow EU přijimać njetrjeba. Tole wuchadźa z analyzy komisara EU za nutřkowne naležnosće Magnusa Brunnera. Tak mjenowany pool solidarity ma krajam z wjele ćěkancami pomhać. Město toho dyrbjeli druhe kraje migrantow přiwzać abo pjenjezy płaćić: Šwedska, Madźarska a Rumunska.

Zražki w kraju Palestinjanow

Ramallah (dpa/SN). W kraju zapadnje Jordana su radikalni židowscy sydlerjo bydlenja a awta Palestinjanow zapalili a wjacorych z nich zranili. Israelske wójsko rěči wo štyrjoch zranjenych. Policija je wjacorych sydlerjow zajała. Israelscy sydlerjo běchu ratarske zawody, chaty a stany Beduinow nadběhowali. Při tym mjetachu kamjenje na Palestinjanow. W kraju zapadnje Jordana dochadźa stajnje zaso ke krawnym zražkam.

Konferencnišćo wobsadźili