Nowy start w krajnej lize z Henčlom
Z Łušćanom Tomašom Henčlom bě prěnje koparske mustwo Budissy Budyšin do regionalneje ligi postupiło a tam wjacore hrajne doby wostało. Po zestupje do wyšeje ligi po sezonje 2018/2019 pak su so zamołwići Budyskeho sportoweho towarstwa rozsudźili, zo ma prěnje mustwo zaso w krajnej lize hrać, a zo chcedźa so zaso bóle na dorostowe mustwa koncentrować. To wšo ma so z pomocu Tomaša Henčla stać. Z Łušćanom je so za Serbske Nowiny Hanspeter Benad rozmołwjał.
Z kotrymi cilemi dźeće do noweje sezony?
T. Henčl: Mój prěni nadawk je mustwo formować, kotrež móže so ze sportowym towarstwom Budissu Budyšin identifikować. To budźe wulke wužadanje! Po tym widźimy dale a formulujemy nowe cile.
Maće tež natwar koparskeje rezerwy, potajkim druheho mustwa planowany?
T. Henčl: Tale tema budźe chětro wažny a z mojeje strony njewuměnity nadawk towarstwa. Časowy ramik pak dźensa hišće mjenować njemóžemy.
Budźeće lětsa hižo prěnich koparjow z młodźiny A Budissy Budyšin do prěnjeho mustwa integrować?
Sportowy swjedźeń SGB
Posledni tydźeń do lětnich prózdnin poda so wjac hač 300 šulerjow 5. do 9. a 11. lětnika Serbskeho gymnazija Budyšin (SGB) do Sprjewineje kupjele, zo bychu tam štwórty raz za sobu sportowy swjedźeń přewjedli.
Při přijomnych temperaturach wokoło 25 stopnjow wotměwachu so zajimawe a napjate rozestajenja we wodźe, w pěsku a na trawniku. Na zelenym terenje běše při ludowym bulu sobu najwótřišo. Ći najmjeńši běchu daloko słyšeć, wšako so mjez sobu njesměrnje pohonjachu.
Na holčim turněrje 5. do 7. lětnika přesadźi so 6-1 a pola hólcow měšany team 7-2 a 7-3. Při płuwanju startowaše pjeć holcow a pjeć hólcow jedneje rjadownje a tworješe zhromadny cyłk w dwěmaj wubědźowanjomaj. Kóžda rjadownja płuwaše cyłkownu distancu 250 metrow, a to w stafli kaž tež w směšnej stafli na deskach (hlej foto). Tež tu běštej přiklesk a mócne pohonjowanje ze wšěch stron słyšeć.
Bičwolejbulowa tura Radija Satkula
Wuslědki (16.07.19)
Tabulki dorosta Zapadołužiskeho koparskeho zwjazka (WFV)
młodźina D, wokrjesna liga, stafla 1
1. HZ Traktor Malešecy/
Budissa 08 Budyšink 20 206 : 39 54
2. Zeleno-běli Bukecy 20 160 : 30 54
3. HZ Wernarjecy/Załom 20 140 : 49 48
4. Budissa Budyšin III 20 143 : 74 40
5. ST Wulka Dubrawa 20 89 : 120 30
6. Póst Germania Budyšin 20 75 : 74 27
7. HZ Hodźij/ST Huska 20 57 : 82 23
8. TSV 90 Wjazońca 20 55 : 114 22
9. ST Horni kraj Sprjewja 20 43 : 96 15
10. ST Bart 20 43 : 146 12
11. ST Budyšin 20 20 : 207 3
młodźina D, wokrjesna liga, stafla 2
1. Liegau-Augustusbad II 18 113 : 25 47
2. Liegau-Augustusbad 18 113 : 32 43
3. TSV Wachau 18 101 : 60 37
4. SG Großnaundorf 18 102 : 50 36
5. ST Drohotka Ramnow 18 91 : 39 33
6. HZ Hlinowc/Pančicy 18 49 : 69 21
7. HZ Kinspork/Łužnica II/
Zeleno-běli Sepicy 18 47 : 73 21
8. HZ Postup Großharthau/
Drjewnica/Seeligstadt 18 27 : 105 13
9. HZ Großnaundorf II/
Lomnitz 18 34 : 79 12
10. HZ FSV Bretnig-Hauswalde/
Drohotka Ramnow II 18 28 : 173 3
młodźina D, wokrjesna liga, stafla 3
1. HZ Łaz/Běły Chołmc 18 123 : 21 49
2. Němske Pazlicy/Wóslink/Skaskow/
ST Běła/Cunnersdorf 18 117 : 41 40
3. HZ Łužica Wětnica/Hola/
Nadrózna Hrabowka 18 81 : 40 38
4. Wojerowski FC II 18 75 : 59 30
5. SJ Njebjelčicy 18 70 : 67 27
6. Njeswačidło/Rakecy II 17 59 : 63 20
7. Sokoł Ralbicy/Hórki 17 59 : 97 17
8. SJ Chrósćicy 18 27 : 77 11
9. Módro-běli Kulow 18 27 : 107 11
10. HZ LSV Hory/ST Ćisk 18 21 : 87 10
Třeći serbski supercup w Njebjelčicach
Přihoty za mjeztym hižo 3. serbski supercup w Njebjelčicach, kotryž budźe njedźelu, 21. julija, su nimale zakónčene. Turněr, kotryž su 2017 prěni raz přewjedli, započina so w 14.30 hodź. na Njebjelčanskim trawniku a wuhraje so po znatym modusu. Wobdźělnicy su lětsa zakitowar pokala SJ Chrósćicy, Sokoł Ralbicy Hórki, ST Marijina hwězda, postupnik do wokrjesneje wyšeje ligi a domjacy koparski cyłk SJ Njebjelčicy. Po połfinalomaj sćěhujetej hra wo třeće městno a na to wulke finale.
Filip Kral z dumperom najspěšniši
Fairny a napjaty sportowy bój
Pjaty raz wotmě so sobotu na Worklečanskim sportnišću bičwolejbulowy turněr Captainscup. Tež lětsa běchu wupisane dźesać městnow z časom wuknihowane, štož organizatorow Matthija Šěna, Ludwiga Eckerta a Marcela Rjelku chětro zwjeseli. Samo z Lipska, Kamjenicy a Choćebuza su hrajerjo přichwatali.
Časowy započatk turněra, kotryž steješe prěni króć pod kmótřistwom Alojsa Mikławška, běše na wubědźowanskim dnju hišće tróšku njejasny, dokelž so mócnje kidaše a trawnik sportnišća steješe zdźěla pod wodu. Snano tež hladajo na wjedro stej potom tola hišće dwaj cyłkaj krótkodobnje wotprajiłoj. Ale nalada přitomnych hrajerjow běše najebać to dobra a krótko do 10 hodź. so pomału wuwjedri. Tak móžachu hry dypkownje zahwizdać.
Widźał, słyšał, napisał (15.07.19)
Awtorka dźensa
Tereza Wićazowa
Njedawno čitach zajimawy artikl, kiž so ze zadźerženjom a psychologiju wrotarja při třělenju jědnatkow zaběra. Jědnatka je prototyp za psychoduel w kopańcy. Slědźerjo ju lubuja, dokelž so wona pod standartizowanymi wuměnjenjemi wotměwa a skića z tym idealny psychologiski slědźenski objekt. Za wrotarja je to skerje njepřijomna situacija, dokelž pod wulkim ćišćom steji a je poslednja šansa, dokelž je pak za dobyće, pak za poražku zamołwity. Kóždy wrotar so hinak přihotuje. Pak čini „hamplmuža“ abo pohibuje so naprawo abo nalěwo, zo by třělca iritěrował, pak ma špikcedlku při sebi, zo by wědźał, do kotreho róžka třělc najhusćišo třěli abo prosće přećiwnika njewědomje manipuluje. Wšitke tři přikłady móža na swoje wašnje wuspěšne być.
Wuslědki (15.07.19)
Tabulce dorosta Zapadołužiskeho koparskeho zwjazka (WFV)
młodźina C, wokrjesna liga, stafla 3
1. HZ Njeswačidło/Rakecy 14 105 : 14 33
2. Großnaund./Lomnitz 14 61 : 25 31
3. TSV 90 Wjazońca 14 77 : 30 27
4. TSV Wachau 14 46 : 27 26
5. HZ Wětnica/Hola/
Lubuš/Njedźichow 14 53 : 38 21
6. ST Bart 14 37 : 59 16
7. HZ Hlinowc/Halštrow 14 24 : 86 6
8. Wóspork/Hrodźišćo 14 18 : 142 0
młodźina D, wokrjesna wyša liga
1. ST Porchow II 22 133 : 48 54
2. HZ Ottendorf-Okrilla/
Hermsdorfske ST 22 120 : 45 50
3. Budissa Budyšin II 21 124 : 60 41
4. ST 1922 Radwor 22 129 : 66 39
5. Motor Kumwałd 22 72 : 44 39
6. ST Kinspork/Łužnica 22 66 : 52 36
7. Jednota Kamjenc II 22 81 : 69 36
8. TSV Połčnica 22 93 : 97 25
9. SC Großröhrsdorf 21 50 : 69 21
10. Biskopičanske KT II 22 57 : 98 20
11. Arnsdorfske KT 22 43 : 116 20
12. Rakečanske KT 22 19 : 223 1
Sport (12.07.19)
Třeći běh dumperow
W Baćonju přewjedu dumperowcy jutře, 13. julija, swój třeći běh motorsportoweje sezony 2019. Start pola Donatec budźe w 14 hodź., kwalifikaciske běhi su tam hižo wot 11 do 12 hodź. Amtěrowacy němski dumperowy mišter Filip Kral z Róžanta cyłkowny klassement před Pawlom Domšom a Křesćanom Grutku nawjeduje. Dalšej terminaj za štwórty a pjaty běh stej 31. awgusta w Drjowku a 29. septembra w Hórkach.
Marathonowe płuwanje
W přistawje Klětno při Bjerwałdskim jězoru budźe jutře, sobotu, 11. marathonowe płuwanje. Wot 10 hodź. wubědźuja so tam dźěći a dorosćeni na wjacorych distancach w płuwanju a w płuwanju z pjericami. Dalše informacije pod www.baer-service.de.
Přeprošeja na soccer-cup
Wjesny klub Sernjany přeproša wšitkich wólnočasnych kaž tež dalšich koparjow na tak mjenowany soccer-cup. Sobotu, 3. awgusta, hraja tam třo přećiwo třom, a to stajnje wosom mjeńšin. Započatk budźe w 13.30 hodź., maksimalnje dźesać mustwow smě so wobdźělić. Přizjewjenja su móžne pod telefonowym čisłom 01 62 / 7 62 40 29 abo e-mailnje pod .
Captainscup w bičwolejbulu
