Kónčny staw w Chrósćicach:

1. Wučerjo SGB     10:0

2. ST Radwor      7:3

3. Abiturienća lěta 1996      5:5

4. Viktoria Worklecy      3:7

5. SJ Chrósćicy      3:7

6. Žołto-módri Kulow      2:8


Druhi wólnočasny wolejbulowy turněr serije „top-šěsć“ skónči so w Chrósćicach z dobyćom wučerjow Serbskeho gymnazija Budyšin (SGB) před wolej­bulistami z Radworja a abiturientami lěta 1996.

Wčera tydźenja powita prezident Sportoweje jednotki Chrósćicy Jurij Kokla šěsć wolejbulowych wólnočasnych mustwow na 15. Mikławšowy turněr do tamnišeje „Jednoty“. Spočatk wubědźowanja při wysokim saku saha do lěta 2004, jako startowaše sydom cyłkow 14. decembra na tehdyšim adwentnym turněrje.

Kaž hižo loni juskachu tónraz znowa wučerjo-wolejbulisća SGB, kotřiž běchu wšitke pjeć partijow dobyli. Wot prě­njeho nadaća hač k poslednjej akciji při saku pola nich wšitko hładce běžeše. Tak zešlachći so jim pjaty cyłkowny wuspěch woblubowaneho wubědźowanja.

Načolnik wažnu hru jasnje dobył

wutora, 11. decembera 2018 spisane wot:

Traktor Malešecy

– ST Marijina hwězda 0:3 (0:1)

Zestawa domjacych: Lehmann – Meier (58. Unger), Schwurack, Günther, Stewig, Handrick, Benad, Schmidt, Rott (60. Metasch), Hoferichter, Bolz (85. Richter)

zestawa hosći: Schmidt – Ch. Cyž, Škoda, Selnack, R. Hawš, Eldar (77. Melnyk), J. Pakoßnick (85. K. Pakoßnick), Bělk (46. Lipič), R. Cyž, Peschmann, P. Hawš

Po wjace hač połsta lětach zetkaštej so mjenowanej mustwje k wažnej partiji. Štwórty tabulki wokrjesneje ligi, stafle 2, witaše suwereneho načolnika. Koparjo z Pančic wot zakopa tempo postajowachu a tłóčachu domjacych do swójskeje połojcy. Jich wrotar dwójce derje reagowaše (6./7.). Hruby zmylk mustwa Traktora w srjedźnym polu pak wuži Chris­toph Cyž a docpě nawjedowanje 0:1 (13.). Wrotar hosći pokaza wulku paradu a njedowoli wurunanje (25.). Pančičenjo mějachu na to dalšej móžnosći (30./35.). Malešanski najwuspěšniši nadběhowar Marco Benad bu w hrě kruće – hač na hranicu dowoleneho – wobstražowany, a tak bu domjacy nadběh zesłabjeny.

20. raz Mikławšowy turněr přewjedli

wutora, 11. decembera 2018 spisane wot:

Kónčna tabulka 20. Mikławšoweho kopar­skeho turněra:

1. Krajnoradny zarjad BZ  12   17:4

2. Chór Meja Radwor  10 10:4

3. Medicina Budyšin    9 11:11

4. Ewangelska wubranka    6 7 :11

5. AWO-pěstowarnja    5 6:7

6. Sakski krajny sejm     1 4 :17


Na jubilejnym 20. Mikławšowym koparskim turněrje w Radworskej „Slaviji“ wobdźěli so šěsć teamow. A wšitke šěsć běchu so tež na dotalnych 19 wurisanjach wobdźělili.

Wotewrěł je sportowe zarjadowanje mjez druhim krajny rada Michael Harig. Dobyło je turněr mustwo Krajnoradny zarjad Budyšin. Wone bě w nimale wšitkich hrach wuspěšne, jenož pozdźišemu dru­hemu, Chórej Meja z Radworja, je z 0:2 podležało. W běhu sportoweho dnja so pokaza, zo móža spěwarjo Meje tež porjadnu kopańcu hrać. Startowy pjenjez budźe wospjet za dobry skutk wužiwa­ny. Lětsa dóstanje jón wjes Minakał, zo móhła swoju sportowu halu saněrować. Wo dalš­i dźěl postaraja so sportowcy Módro-běłych Minakał ze swójskim podźě­lom. Hižo na beneficnym koncerće w Minakale nazběrachu 6 000 eurow swój­skeho podźěla. Werner Müller

Wuslědki (11.12.18)

wutora, 11. decembera 2018 spisane wot:

Kopańca, regionalna liga muži

Nordhausen – Neugersdorf 6:1 (1:1)

Halberstadt – BFC Dynamo 2:0 (1:0)

Kamjenica – Babelsberg 2:0 (0:0)

Rathenow – Meuselwitz 2:3 (0:2)

Altglienicke – Hertha BSC II 1:1 (0:1)

Berlinski AK – Fürstenwalde 4:4 (2:0)

Lok Lipsk – Viktoria Berlin 0:0 (0:0)

1. Kamjeničanski FC 19 50 : 15 51

2. Berlinski AK 19 39 : 22 39

3. Čerwjeno-běli Erfurt 18 37 : 15 36

4. Hertha BSC II 19 37 : 24 35

5. Wacker Nordhausen 19 27 : 17 33

6. FC Viktoria Berlin 19 26 : 17 31

7. SV Babelsberg 19 31 : 24 27

8. Lok Lipsk 19 23 : 22 24

9. Germania Halberstadt 19 25 : 27 22

10. VfB Auerbach 18 21 : 27 22

11. Union Fürstenwalde 19 28 : 35 21

12. Budissa Budyšin 19 13 : 26 21

13. Biskopičanske KT 19 15 : 30 21

14. ZFC Meuselwitz 19 30 : 39 20

15. VSG Altglienicke 19 29 : 38 20

16. BFC Dynamo 19 20 : 36 20

17. HŁ Neugersdorf 18 19 : 35 19

18. Optik Rathenow 18 17 : 38 9

wokrjesna liga, stafla 2

Łaz/Běły Chołmc – Mały Wosyk wupad

Chrósćicy II – Łuty0:2 (0:2)

Wojerowski FC II – Lubuš 1:1 (0:0)

Haselbachtal – Rakecy II/Šćeńca 3:0 (2:0)

Njebjelčicy – Wulka Dubrawa 7:0 (3:0)

Nadrózna Hrabowka – Ćisk II 1:2 (0:2)

1. ST Marijina hwězda 14 43 : 4 39

2. ST Ćisk II 14 30 : 12 33

3. HZ Łaz/Běły Chołmc 13 35 : 12 29

4. Traktor Malešecy 14 32 : 16 27

5. HZ Wulke Ždźary 14 20 : 20 23

6. Wojerowski FC II 14 20 : 17 22

7. ST Lubuš 14 18 : 14 20

8. FSV Łuty 14 23 : 23 17

9. SV Haselbachtal 14 21 : 23 17

10. SJ Njebjelčicy 14 21 : 20 16

11. Nadrózna Hrabowka 14 21 : 29 15

12. ST Wulka Dubrawa 14 19 : 36 14

13. SJ Chrósćicy II 14 18 : 26 13

14. ST Mały Wosyk 13 14 : 54 6

15. HZ Rakecy II/Šćeńca 14 9 : 38 5

Nazymske mišterstwo sej zaručili

póndźela, 10. decembera 2018 spisane wot:

ST Marijina hwězda

– ST Nadrózna Hrabowka 3:0 (2:0)

Zestawa domjacych: O. Schmidt – Ch. Cyž, Rab, Škoda, R. Cyž, P. Schmidt (68. Zelnak), Pjetaš, Bělk, F. Peschmann, J. Pakoßnick (83. Čornak), Eldor (74. Melnyk)

Na derje přihotowanym twjerdym hrajnišću su koparjo ST Marijineje hwězdy swoju poslednju domjacu partiju prě­nje­je połserije přewjedli. Hakle po 14 mjeńšinach mějachu prěnju mału móžnosć. Po přihrawce Jako­ba Pakoß­nicka wot zakładneje linije k Falkej Pesch­man­nej stłóči naposledk mjenowany bul nimo wrotow. Po prěnjej składnosći hosći (26.) poradźi so chowancam trenarja Erwin­a Kleinmanna nawjedowanje. Křesćan Bělk bě so w srjedźnym polu pře­sadźił a z tróšku zbožom docpě kulo­wata koža noze Peschmanna. Jeho třělwa ze zdalenosće 20 metrow zadyri na to w delnim, prawym kuće (27.). Jeno tři mjeńšiny pozdźišo klóšterscy koparjo na 2:0 zwyšichu. Wólny kop Feliksa Pje­taša přizemi we wrotach přećiwnika.

Wo klasu lěpši byli

póndźela, 10. decembera 2018 spisane wot:

SJ Njebjelčicy – ST Wulka Dubrawa 7:0 (3:0)

Zestawa domjacych: Matješk – D. Kral, Haška, Šołta, Hanuza, Pawlik, Domš (69. Hrjehor), Plaettner, Hoelzel, Wagner (59. Ričel), Korjeńk (84. Lejnart)

Bjez wrotow do zymskeje přestawki

póndźela, 10. decembera 2018 spisane wot:

Módro-běli Kulow

– Sokoł Ralbicy/Hórki 0:0 (0:0)

Zestawa domjacych: Adler – Korch, Katzer, Koplanski (71. Kubaink), Bulang, Kockert (75. Popella), Brückner, Wittek, Böttger (66. Graf), Nicolaides, Bergmann

zestawa hosći: Schöne – M. Matka, Schultz, Šewc, Materna, S. Bjeńš, Rawš, M. Kurjat (54. Strelow), Wowčerk (74. Jakubaš), Bejma, Domaška

Po třoch hrach bjez dobyća dyrbjachu koparjo Sokoła Ralbicy/Hórki sobotu k poslednjej hrě prěnjeje połserije do Kulowa. Módro-běli su dotal překwapjenka sezony, wšako steja z młodym mustwom na druhim městnje tabulki.

W prěnim połčasu bě hra wurunana. Sokołam kaž tež Kulowčanam skićeštej so dwě dobrej składnosći. Stefan Bjeńš pospyta so z 20 metrow z wólnym kopom, kotryž pak Kulowski wrotar w poslednim wokomiku hišće z kuta škrabny. Po dalšim wólnym kopje zhłójčkowa Stani Šewc na wrota, nažel pak pobrachowaše prawy ćišć. Nětko běchu domjacy hrajerjo, a to tohorunja dwójce po standardach, strašni. Najprjedy znješkódni Willi Schöne we wrotach Sokoła dobru składnosć, dalši pospyt z hłójčku dźěše pódla.

Awtor dźensa Clemens Šmit

„Hej, pój, to njesměmoj na žadyn pad skomdźić“, wona rjekny, torhny mje do taksy, a po někotrych kilometrach stejachmoj při starće. Bjez rěčnych kmanosćow, něhdźe 8 000 km zdalenaj wot Łužicy. Sportowu drastu njemějachmoj, ani prawe běhanske črije. Za mjenje hač wosom hodźin dźěše hižo lět wróćo do Němskeje. Běše to posledni wječor naju jězby po kupje Sri Lanka. Tři njedźele połne impresijow ležachu za namaj. Tři njedźele, w kotrychž běchmoj so nimale wšědnje do no­weho regiona podałoj a sej kóždy druhi dźeń hinaši nóclěh pytałoj. Pomału ze swojej partnerku ani předźěłać nje­móžachmoj, što wšo běchmoj dožiwiłoj. A nětko? A nětko wobdźělichmoj so spontanje na nócnym běhu „Colombo night run“ w stolicy Sri Lanki. Hodźinu do toho bě moja přećelka zarjadowanje w socialnej syći namakała, wačoki běchmoj w hospodźe wostajiłoj. A što dyrbju rjec? Akcija běše­ idealne zakónčenje naju jězby. Njebě tak, zo mějach přebywanje w cuzbje syte­, ale kusk mučny běch přiwšěm.

Sport (07.12.18)

pjatk, 07. decembera 2018 spisane wot:

Derby na Młynkec łuce

Na Budyskej Młynkec łuce je dźensa w 19 hodź. w regionalnej koparskej lize-sewjerowuchod derby mjez Budissu a Biskopičanskim KT. Dalše koparske hry:

08.12. 13:30 Módro-běli Kulow –

  Sokoł Ralbicy/Hórki

08.12. 13:30  Rakečanske ST –

  Zeleno-běli Bukecy

08.12. 13:30 SJ Chrósćicy II –

  FSV Łuty

08.12. 13:30 Traktor Malešecy –

  ST Marijina hwězda

09.12. 13:30 SJ Njebjelčicy –

  ST 1896 Wulka Dubrawa

09.12. 13:30 ST Porchow –

  ST Radwor

09.12. 13:30 SJ Chrósćicy –

  SZ Drježdźany-Strěžin

Turněr wupadnje

Adwentny wolejbulowy turněr Młodeje unije Budyšin za młodźinske a dalše cyłki, kotryž bě za jutřiši 8. december w sportowej hali Křesćanskeho gymna­zija Johanneum we Wojerecach plano­wany, wupadnje. Přemało mustwow je so za njón přizjewiło.

Znowa před ćežkim nadawkom

Prěnje blidotenisowe mustwo Viktorije Worklecy steji znowa před ćežkim nadawkom, tež hdyž přijědźe k njemu jutře jenož druhi 1. wobwodneje ligi. Z hosćom Viktorije budźe wot 15 hodź. mustwo MSV Budyšin 04 II. Tydźenja su Worklečanscy blidotenisća na samsnym městnje dotal njeporaženeho načolnika z Krušwicy z 9:7 přewinyli.

Přestawka za wolejbul

Jenož 1. połčas sobu dźerželi

štwórtk, 06. decembera 2018 spisane wot:

FC Energija Choćebuz

– KFC Uerdingen 0:2 (0:0)

Zestawa domjacych: Spahić – Weidlich, Stein, Matuwila, Holthaus (78. Zimmer); Gehrmann, Schlüter, Viteritti, Geisler (69. Mamba), Rangelow (90.+1 Broschinski), Scheidhauer

Minusowa kulisa 5 526 přihladowarjow w Choćebuskim stadionje bě hač do połčasa dosć wurunanu partiju koparjow FC Energije a KFC Uerdingena dožiwiła. Za domjacych mějachu Kevin Weidlich, Fabio Viteritti a Kevin Scheidhauer šansu na wrota, na stronje hosći sej žurnalisća žane móžnosće njezapisachu.

Po přestawce pak přewza team z etatom wosom milionow eurow komando a nuzowaše přećiwnika k tomu, přidatne mocy přetrjebać. Kontrolowany natwar hry hižo móžny njebě. Tak so sta, z čimž wšitcy ličichu. W rjadach KFC dóńdźe k wjacorym wobhladanjahódnym akcijam a scenam před wrotami. Z tych mó­žeštaj Maximilian Beister (76.) a Maurice Litka (80.) dwě wužić. Tak přesadźi so napo­sledk indiwidualna klasa, z kotrejž doby načolne mustwo duel dweju njeruneje postupnikow.

nawěšk

nowostki LND