Sport (14.02.25)

pjatk, 14. februara 2025 spisane wot:

Prěnje přizjewjenja za běhi

Sobotu, 19. apryla, přewjedu so mjeztym hižo 46. Biskopičanske běhi na dołhich distancach. Jednotliwe čary maja distancu 5,1 km, 10,2 km a 20,3 km. Předšulske dźěći a młódši šulerjo wubědźuja so na 0,8 km. Start a cil wšitkich běhow budźetej při Biskopičanskim stadionje. W 14 hodź. so běhi započnu.

Pokalne finale blidotenisa

We Worklečanskej ćěłozwučowarni přewjedźe so jutře wokrjesne pokalne finale w blidotenisu. Zakitowar pokala su blidotenisća prěnjeho blidotenisoweho cyłka muži Viktorije Worklecy. Wot 14 hodź. nastupja we Worklecach zastupnistwa TTV Kamjenc, SZ Čerwjene Noslicy, MSV Budyšin a ST Viktoria Worklecy.

Druha połserija jutře startuje

Koparjo we wokrjesnej wyšej lize startuja z pjeć partijemi na kóncu tydźenja do druheje połserije.

15.02.  13:00  Rakečanske ST –

  TSV Połčnica

15.02.  13:30  Biskopičanske KT 08 –

  RSV Eintracht 1949

15.02.  13:30  Ludwigsfeldski KK –

  Budissa Budyšin

16.02.  14:00  SJ Chrósćicy –

  ST Horni kraj-Sprjewja

16.02.  14:00  Drohotka Ramnow –

  Sokoł Ralbicy/Hórki

16.02.  14:00  SG Großnaundorf –

  Módro-běli Kulow

16.02.  16:30  FC Energija Choćebuz –

  SC Verl

Wolejbulowe hry

Liški dale na kursu pre-playoffs

štwórtk, 13. februara 2025 spisane wot:

Krefeldske pinguiny –

Łužiske lodohokejowe liški 4:2 (1:0, 1:1, 2:1)

Wot prěnjeje mjeńšiny běchu pinguiny lěpše a hru postajowace mustwo. Poslednja konsekwenca we wotzamknjenju pak hišće falowaše. W 6. min. padnychu potom tola prěnje wrota. Max Newton wotćahny ze centralneje pozicije, Matt Marcinew zlochka wotfalšowaše a tak njemóžeše Anthony Morrone we wrotach hosći 1:0 wjac wotwobarać.

Spočatk druheho połčasa Newton bully přěhra, tola Lucas Lessio zdoby sej tačel w ofensiwnym pasmje. Tón suny puk dokładnje na Newtona, kotryž přetwori direktnje přez noze wrotarja k 2:0 (21.). Najebać dalšich šansow so Krefeldej njeporadźi nawjedowanje wutwarić. Běła Woda to wuži a skrótši w 36. min. přez Clarke Breitkreuza na 2:1. Jenož dwě mjeńšinje pozdźišo měješe Alexander Dosch móžnosć wurunać, tola Feliks Bick mócnje parěrowaše a wuchowa nawjedowanje do přestawki.

Dobre šansy njewužiwali

srjeda, 12. februara 2025 spisane wot:

ST 1922 Radwor –

ST Hbjelsk 1923 1:1 (0:0)

Zestawa domjacych: Pěčak, Šěrak – B. Grubert, Omran, Wjacławk, Wjeńka, Adam, Hetaš, Wróbl, Paška, Dźisławk, Dej, Elsner, Wawrik

Po dwěmaj tydźenjomaj treninga w nowym lěće bě prěni přećiwnik Radworčanow ST Hbjelsk z wokrjesneje wyšeje ligi.

Hra bě wurunana, při čimž zamó Hbjelsk hrajersce bóle přeswědčić. Hižo po někotrych mjeńšinach wuhrachu sej Radworčenjo prěnje dobre šansy, kotrež pak njewužiwachu. Před wrotami falowaše dokładnosć. Hbjelsk porno tomu spytaše přeco z dołhimi bulemi Radworski škit přewinyć. Tola škitarjo z Radworja běchu na městnje. Z někotrymi wudobytymi bulemi spytachu hosćićeljo potom spěšnje před přećiwniske wrota přińć. W jednym nadběhu Danilo Dej a Caspar Dźisławk nadběh derje wuhraštaj, ale Dźisławk wuwostaji šansu k nawjedowanju. Stajnje zaso so hrajerjo na woběmaj stronomaj wuměnjachu.

Turbulentnu hru přěhrali

srjeda, 12. februara 2025 spisane wot:

LSV Hory II –

SJ Chrósćicy II 4:2 (3:1)

Zestawa hosći: M. Mark – B. Sćapan, Dórnik, F. Zahrodnik, J. Mark, Młynk, Budar, G. Zahrodnik, Bjeńš, M. Zahrodnik, Kř. Zahrodnik, T. Donat, Šram, Wowčer, B. Donat

Tydźenja njedźelu poda so Chróšćanska koparska rezerwa do Kamjenca, zo by tam přećiwo druhemu zastupnistwu towarstwa z Horow nastupiła.

Kolesowar Kay Sobe ze Złeho Komorowa je loni we wobłuku tak mjenowaneje Čěskeje enduroserije pod serbskej chorhoju za Łužicu startował.

Endurowubědźowanje móže so skrótka jako kombinacija měrjenych a njeměrjenych wotrězkow kolesowanja wopisać. Pasaže, na kotrychž so čas měri, su přewažnje krótše. Na čarje su přirodne abo kumštne zadźěwki, hdźež so fyziska a techniska wukonliwosć wubědźowarjow pruwuje. Hinak hač pola wulkich wotjězdow abo nahłych a wužadacych XC-wubědźowanjow njetrjebaja so kolesowarjo skokow bojeć. Zabawa a naročne kolesowanje stejitej w srjedźišću enduroserije. Tu njeńdźe wo ekstremne kolesowanje, ale wo sport, kotryž je šěrokemu kolesowanskemu publikumej přistupny. Tohodla poskićeja w Čěskej dwě kategoriji: race a hobby, při čimž je kategorija hobby jenož technisce jednoriše pruwowanja spěšnosće.

Zakładny koncept endura

Kulowčenjo testowu hru dobyli

wutora, 11. februara 2025 spisane wot:

Hlinowski SK –

Módro-běli Kulow 1:4 (1:1)

slěd wrotow: 1:0 (30.) Lennart Franke, 1:1 (31.) Frank Wittek, 1:2 (52.) Lukas Koplanski, 1:3 (60.) Lukas Koplanski, 1:4 (65.) Billy Kisch

W Halštrowje měještej na kumštnym trawniku w prěnim połčasu přihotowanskeje koparskeje hry wobě mustwje wjacore dobre móžnosće, tak zo podaštej so z njerozsudnym 1:1 do přestawki.

„W druhim wotrězku pak potom hišće raz někotre šćěpki připołožichmy a sej tójšto wulkich šansow wuwojowachmy. Před startom do dypkowych hrow přichodny tydźeń bě to cyłkownje widźane dobry test za moralku“, měnješe wrotar Hubertus Čórlich. W prěnim połčasu běchu so Hlinowčenjo hišće derje zakitowali, tola w druhim połčasu hosćo swoje sylnosće lěpje wuhrachu a zasłužbnje dobychu.

Robin Paß po hrě rjekny: „Smy swoje treningowe wukony před startom do dypkowych hrow pokazać móhli. Spočatnje mějachmy ćeže. Po času pak smy lěpje do hry namakali a myto toho bě dobyće 4:1.“ Přihoty na druhu połseriju su Módro-běli tuž pozitiwnje zakónčili. Tu hišće dalšej měnjeni:

Worklečenjo super wukon pokazali

wutora, 11. februara 2025 spisane wot:
Sportowe wubědźowanje „Čiń sobu!“ za zakładne šule wotmě so minjeny štwórtk w zakładnej šuli „Při Boršći“ w Kamjencu. To bě zapadołužiski finale sakskeho šulerskeho wubědźowanja „Młodźina trenuje za olympiju“. Mjez wobdźělnikami běchu tež šulerki a šulerjo 2. do 4. lětnika Serbskeje zakładneje šule „Michał Hórnik“ z Worklec. Nimo stafloweho běha z wšelakorymi přidatnymi nadawkami dyrbjachu dźěći wušiknosć a koordinaciju dopokazać. Jednotliwe discipliny běchu na přikład skakanje přez płótki, mjetanje měška, slalomowy běh a skakanje z powjazom. Wubědźowanje bě hač do kónca wurunane a jara napjate. Na kóncu wobsadźichu serbscy šulerjo a šulerki 3. městno. Jenož dwaj dypkaj pobrachowaštej za druhe městno a za kwalifikaciju za regionalne finale. Dobyła je šulskosportowe zarjadowanje zakładna šula z Kinsporka. Foto: Tadej Cyž

Najprjedy tole: Nichtó nochce pyrotechniske akcije na kromje koparskich hrow. Zo pak so sportowe towarstwa za kóžde jednotliwe kontrolowane zapalenje pyrotechniki, kaž tydźenja w Aachenje składnostnje 59. narodnin towarstwa FC Energija Choćebuz, z pjenježnymi pokutami chłostaja, njemóžu zrozumić. W tym nastupanju je chwalobne, zo su so nětko někotre towarstwa třećeje a štwórteje ligi w tutej naležnosći zetkali, zo bychu žadanje za wotstronjenjom chłostanjow za zasadźenje pyrotechniki přesadźili.

Wuslědki (11.02.25)

wutora, 11. februara 2025 spisane wot:

Kopańca;

regionalna liga muži

FSV Luckenwalde – FC Eilenburg 0:2 (0:1)

Dynamo – BSG Chemija Lipsk 2:0 (1:0)

Greifswaldski KK – Babelsberg  2:1 (1:0)

Lok Lipsk – FC Viktoria Berlin 1:0 (0:0)

Kamjeničanski FC – C. Zeiss Jena 1:2 (1:0)

VFC Plauen – FSV Zwickau wupad

VSG Altglienicke – Halleski FC 1:3 (0:2)

Hertha Zehlendorf – Meuselwitz 2:2 (1:1)

1. Lok Lipsk 21 37  :  12 50

2. Halleski FC 21 34  :  14 44

3. FC Carl Zeiss Jena 20 44  :  25 35

4. BFC Dynamo 21 31  :  20 33

5. FC Čerwjeno-běli Erfurt 20 30  :  25 33

6. FSV Zwickau 20 28  :  31 33

7. Greifswaldski KK 21 31  :  23 32

8. Hertha BSC II 19 31  :  30 31

9. Kamjeničanski FC 20 16  :  13 27

10. VSG Altglienicke 19 21  :  18 25

11. SV Babelsberg  21 30  :  35 25

12. ZFC Meuselwitz 20 24  :  35 24

13. FC Viktoria Berlin 20 22  :  31 22

14. BSG Chemija Lipsk 20 16  :  37 19

15. Hertha 03 Zehlendorf 20 27  :  35 17

16. FC Eilenburg 20 23  :  32 17

17. FSV 63 Luckenwalde 20 18  :  31 16

18. VFC Plauen 19 19  :  35 15

Energija so klewernje přesadźiła

póndźela, 10. februara 2025 spisane wot:

FC Energija Choćebuz –

ST Wehen Wiesbaden 2:1 (1:0)

Zestawa FC Energije Choćebuz: Bethke – Rorig, Kusić, Slamar, Bretschneider, Ciğerci (90.+1 Campulka), Pelivan (75. Möker), Borgmann, Copado (90.+1 Hofmann), Thiele (63. Engelhardt), Halbauer (63. Krauß)

wrota: 1:0 Ciğerci (32.), 1:1 Goppel (64.), 2:1 Krauß (71.)

Po tym zo bě FC Energija Choćebuz hižo w prěnjej hrě we Wiesbadenje swoje kmanosće pokazała, ale přiwšěm přěhrała, zamó FCE we wróćohrě w Choćebuzu 2:1 dobyć. Tak so mustwo dale na čole tabulki dźerži.

Hosćo w prěnich 20 mjeńšinach hru dominowachu a z tym wotwobaranje domjacych poćežowachu. Z trochu zbožom Choćebuženjo tutu fazu hry přetrachu. W 32. min. potom Tolcay Ciğerci prěnje wrota třěli. Tele wrota běchu wuswobodźenje.

W 64. min. hosćo staw wurunachu, jako daloka třělwa do směra wrotow lećeše a hewak bjezporočny wrotar FC Energije Elias Bethke bul podhódnoći. Krótko do napřećiwnych wrotow trenar Wollitz klewernje jednaše a ofensiwu přestaji. Erik Engelhardt a třělc wrotow Maksimilian Krauß wuwojowaštaj 2:1.

Chróšćan Šulerjo

nowostki LND