W słabej partiji zbožowniše mustwo dobyło

štwórtk, 18. junija 2015
artikl hódnoćić
(0 )

Natwar Němske Pazlicy

– ST Marijina hwězda 2:3 (1:0)

Zestawa hosći: Matik – Wróbl (84. Czapik), Škoda, Łušćanski, Lipič, T. Jurš (61. Rab), Sbjeznie, Bělk, Schmidt (46. Pakoßnick), Winkler, D. Jurš

Při rjanym słónčnym wjedrje podaštej so wobě koparskej zastupnistwje Spor­toweho towarstwa Marijineje hwězdy do Něm­skich Pazlic. W předehrě poradźi so klóšterskej rezerwje njerozsudne 1:1. Wrota za ST Marijinu hwězdu II třělił bě Měrko Korjeńk.

Prěnje mustwo ST Marijineje hwězdy chcyše z dobyćom 5. městno w tabulce zakitować. W spočatnej fazy wšak mě­jachu domjacy dwě dobrej móžnosći (8., 12.). 1:0 poradźi so jim w 15. min. přez Neubauera. Wólny kop z połlěweje pozicije bu w šěsnatce hišće wotfalšo­wany. Jeno tři mjeńšiny pozdźišo ležeše bul we wrotach domjacych. Po dołhim pasu Škody přelesći Dawid Jurš přećiw­niskeho wrotarja, jako jeho přezběhny. Sudnik pak pokaza na nimohru. Panči­čenjo mějachu wjace hrajnych podźělow, hosćićeljo pak lěpše móžnosće. Jeničku wulku składnosć za wurunanje měješe Łušćanski krótko do połčasa, jako steješe nadobo sam před wrotarjom.

wozjewjene w: Sport
Prošu přizjewće so, chceće-li komentar podać

Serbska debata

nowostki LND