Testowu hru wysoko dobyli poručenje

wutora, 04. awgusta 2015
artikl hódnoćić
(0 )
Trenar a kopar Tobias Škoda (stejo) bě z minjenym kóncom tydźenja jara spokojom, dokelž pokazachu jeho chowancy najebać napinace treningowe lěhwo jara dobry wukon w testowej hrě. Foto:  Jörg Stephan Trenar a kopar Tobias Škoda (stejo) bě z minjenym kóncom tydźenja jara spokojom, dokelž pokazachu jeho chowancy najebać napinace treningowe lěhwo jara dobry wukon w testowej hrě. Foto: Jörg Stephan

ST Marijina hwězda ST – Ćisk II 10:3 (5:1)

Z domjacych zasadźeni: O. Schmidt, Mattick – Róbl, Škoda, Łušćanski, Hawš, T. Jurš, Sbjeznie, Bělk, Rab, Pakoßnik, D. Jurš, P. Schmidt, Langer, Hübner

Minjeny kónc tydźenja přewjedźechu koparjo ST Marijineje hwězdy swoje treningowe lěhwo, a to na domjacym sportnišću. Najwšelakoriše treningowe jednotki wot pjatka hač do njedźele stejachu na programje. Njedźelu chcychu poprawom přećiwo ST Hnašecam/Dobruši testować. Wokrjesny wyši ligist pak je mało hrajerjow dla wotprajił. Na zbožo namaka so z rezerwu ST Ćiska krótkodobnje hišće narunanje.

Hižo po dźesać mjeńšinach steješe 3:0 za Marijinu hwězdu. Dawid Jurš bě so wo hattrick postarał. Po spěšnym 3:1 zwyšištaj znowa Jurš a Bělk k połčasnemu 5:1. Wosebje Bělk, Pakoßnik a Jurš pokazachu jara dobry wukon. Tež po přestawce klóšterscy koparjo njepopušćichu a tak trjechi Dawid Jurš po rjanej akciji swoje pjate wrota k 6:1. Tež Róbl z hłójčku, Peschmann, Hübner a hrajer trenar Škoda so hišće do lisćiny třělcow zapisachu, tak zo bě jich na kóncu 10 wrotow za Marijinu hwězdu. Dalše dwoje wrota za hosći běchu jenož hišće kosmetika.

wozjewjene w: Sport
Prošu přizjewće so, chceće-li komentar podać

nawěšk

  • SERBSKE NOWINY – Wědźeć, što so stawa! –

Ze swjedźenskim kóncom tydźenja su njedawno w Slepom 9. mjezynarodny festiwal dudakow a zdobom 750. róčnicu wobstaća wsy hódnje woswjećili. Jako mały přikusk k rozprawnistwu podawamy zajimowanym čitarjam SN-o

nowostki LND