Prěni wulki wuspěch wdruhej połseriji

póndźela, 22. februara 2016
artikl hódnoćić
(0 )
Tójšto Chróšćanskich fanow bě sobu na Horach, zo bychu swojich koparjow pohonjeli.  Foto: Jörg Stephan Tójšto Chróšćanskich fanow bě sobu na Horach, zo bychu swojich koparjow pohonjeli. Foto: Jörg Stephan

LSV Hory – SJ Chrósćicy 1:3 (0:2)

Zestawa hosći: Králíček – Schulze, Bětnar, Šafář, Dórnik, Kunze, Runt (85. Pöpel), Zahrodnik, Dehn, Domaška, Šmit (73. Młynk)

Při prawym „jendźelskim wjedrje“, njepřestajnym dešću, wubědźi sej prěnje koparske mustwo Chróšćanskeje SJ wčera, njedźelu, na twjerdym hrajnišću na Horach prěnje dobyće lěta 2016. Byrnjež dopołdniši hrajny čas runjewon optimalny njebył, wone swój nadawk pola druheho tabulki jara derje zmištrowa.

Prěnje poł hodźiny so ničo naspomnjenjahódne njesta. Hra wotměwaše so hłownje mjez šěsnatkomaj. Hakle krótko do połčasa Chróšćenjo ceptar přewzachu. Stajnje znowa spytachu so z dalokimi třělwami do strašneho pasma přećiwnika předrěć. Z jednej tajkej posłuži kapitan Tomaš Domaška młodeho Maksi­miliana Zahrodnika, kiž bul wrotarjej zymnokrejnje mjez nohomaj do saka suny (38.). Kajke to wjeselo před „sćěnu“ swójskich fanow. Krótko na to Chróšćenjo zwyšichu. Po róžku zleća domjacemu škitarjej bul na ruku. Postajenu jědnatku Pavel Runt wěsće přetwori (42.). Z dobrym polstrom dźěše tuž do přestawki.

wozjewjene w: Sport

Galerija

dalši wobraz (1) Maksimilian Zahrodnik (při bulu) krótko do prěnich wrotow za Chróšćansku SJ.
Prošu přizjewće so, chceće-li komentar podać

Serbska debata

nowostki LND