Hroženje UEFA přećiwo Ruskej snano njetrjebawše

štwórtk, 16. junija 2016
artikl hódnoćić
(0 )
Francoske koparske mustwo je so wčera z 2:0 přećiwo Albanskej přesadźiło. Na wobrazu Paul Pogba (nalěwo) a Albanjan Odise Roshi.  Foto: dpa/Sabestian El-Saq Francoske koparske mustwo je so wčera z 2:0 přećiwo Albanskej přesadźiło. Na wobrazu Paul Pogba (nalěwo) a Albanjan Odise Roshi. Foto: dpa/Sabestian El-Saq

Lille. Po randalach do, srjedź a po skupinskej hrě Jendźelska–Ruska je europski koparski zwjazk UEFA woběmaj krajnymaj koparskimaj zwjazkomaj hrozył, zo jej po wospjetnych wukročenjach z turněra wuzamknje. Za ruski cyłk by tale sankcija po wčerawšej poražce 1:2 móhło njetrjebawša być, wšako njejsu šansy k docpěću wosmifinala nětko runjewon najlěpše. Wočakowane randale drje wuwostachu, za to pak pokaza ruska wubranka słaby wukon. W 32. mjeńšinje bě Vladimir Weiss dołhu flanku k 1:0 přetworił a krótko do połčasa bě zawěsće cyła Słowakska z konopeja abo stólca skočiła, jako Marek Hamsík po dalšim róžku z krasnymi wrotami na 2:0 (45.) zwyši. Čestne wrota Denisa Glushakova 10 mjeńšin do kónca stachu so přepozdźe, dokelž njemějachu Rusojo hižo mocow dosć, na 2:2 wurunać.

wozjewjene w: Sport

Galerija

dalši wobraz (1)
Prošu přizjewće so, chceće-li komentar podać

Serbska debata

nowostki LND