Sport zwjazuje čłowjekow

wutora, 03. meje 2022
artikl hódnoćić
(0 )
Zhromadnje ze sobudźěłaćerjom misionskeho dwora w Lěskej Steffenom Bjarnatom (stejo druhi wotlěwa, Chrósćicy) je koparska młodźina A Sportoweje jednotki Chrósćicy integracisku koparsku hru přećiwo wobydlerjam dwora z Lěskeje přewjedła. Hosćo wužichu přeprošenje, zo bychu so na tak mjenowany Isar-cup spočatk julija přihotowali. Foto: Tereza Wićazowa Zhromadnje ze sobudźěłaćerjom misionskeho dwora w Lěskej Steffenom Bjarnatom (stejo druhi wotlěwa, Chrósćicy) je koparska młodźina A Sportoweje jednotki Chrósćicy integracisku koparsku hru přećiwo wobydlerjam dwora z Lěskeje přewjedła. Hosćo wužichu přeprošenje, zo bychu so na tak mjenowany Isar-cup spočatk julija přihotowali. Foto: Tereza Wićazowa

Pod tutym hesłom-nadpismom hrajachu srjedu tydźenja na Chróšćanskim sport­nišću kopańcu. Tam nastupi Chróšćanska młodźina A přećiwo cyłkej misionskeho dwora z Lěskeje (Lieske). Zamołwići w Lěskej poskićeja tamnišim wobydlerjam mjenujcy tež kopańcu. Štyrjo hladarjo přewjedu zhromadnje ze zbrašenymi ­jónu wob tydźeń koparski trening. Aktualnje přihotuja so na integratiwny ­turněr „Isar-Cup“, kotryž so spočatk julija w Mnichowje přewjedźe. Tam wubědźuja so měšane mustwa, kiž wobsteja z hra­jerjow z a bjez handicapa. Tuž bě testowa hra za inkluziske mustwo z Lěskeje dobra móžnosć swoje kmanosće na trawniku wuspytać.

wozjewjene w: Sport
Prošu přizjewće so, chceće-li komentar podać

Serbska debata

nowostki LND