Minjene lěto wuspěšnje zakónčili

póndźela, 07. januara 2019 spisane wot:

Přewšo spokojom móža koparjo-stari knježa Sokoła Ralbicy/Hórki na lěto 2018 zhladować.

Halowa sezona bě so za nich w decem­brje 2017 na wokrjesnych mišterstwach koparjow nad 35 lětami z docpěćom 2. městna wuspěšnje zahajiła. W januarje slědowaštej dalšej turněraj. W Kulowje wobsadźichu Ralbičanscy stari knježa štwórte a we Wojerecach 3. městno. Swójski turněr tohorunja na 3. městnje zakónčichu.

Awtor dźensa

Tomaš Faska

Byrnjež tež lětsa prěni awtor tuteje tradicionalneje kolumny w našim serbskim dźeniku njebył – po tym zo je so nowačka Tereza Wićazowa zašłu srjedu tu trochu bliže předstajiła –, chcu Wam, waženi čitarjo a přećeljo sporta, ze swojimi prěnimi słowami wosobinsce hišće wupřeć strowe a wuspěšne lěto 2019. A pokuknu dźensa zdobom za Was a z Wami zhromadnje, prěnju póndźelu noweho lěta, na protyku lětušich sportowych wjerškow. Na čo směmy so wjeselić?

Wuslědki (07.01.19)

póndźela, 07. januara 2019 spisane wot:

Wokrjesna klasa mužojo, stafla sewjer

1. SC Wojerecy   5 10 : 1  10

2. Módro-běli Wojerecy III   5 8 : 3  8

3. Módro-běli Wojerecy IV   4 6 : 4  4

4. ST Kupoj-Nowa Łuka III   5 2 : 8  2

5. Viktoria Worklecy II    5 0 : 10  0

07.01.  19:00 Sokoł Budyšin –

  MSV Budyšin 04 IV

07.01. 20:00 Sokoł Budyšin –

TSV Wóspork

Wokrjesna klasa mužojo, stafla wuchod

1. SZ Budyšin sewjer   8 13:5  12

2. ST Chróstawa   4 8:0 8

3. Sokolnik Wjazońca   4 8:1 8

4. ST Marijina hwězda   6 8: 6 8

5. ST Hnašecy-Dobruša   4 4: 5 4

6. TSV Wóspork/Hrodźišćo   6 3:10 2

7. MSV Budyšin 04 IV   6 3:12 0

8. Sokoł Budyšin   4 0: 8 0

09.01. 19:00 ST Chróstawa –

  ST Marijina hwězda

(w Chróstawje)

09.01. 20:00 ST Marijina hwězda –

Sokolnik Wjazońca

(w Chróstawje)

Sport (04.01.19)

pjatk, 04. januara 2019 spisane wot:

Pytaja mustwa za koparski tenis

Sportowy zwjazk Budyskeho wokrjesa chce 15. februara dwě sportowej družinje kombinować a turněr w koparskim tenisu přewjesć. Štwórty nakład pak budźe prěni raz w sportowej hali a nic pod hołym njebjom. W sportowni na Budyskim Třělnišću wubědźuja so potom wot 19 hodź. stajnje třo hrajerjo na štyrjoch polach dźesać mjeńšin. Maksimalnje 20 mustwow smě so na zarjadowa­nju wobdźělić. Holcy a hólcy wot 15 lět smědźa so hišće hač do 11. januara přizjewić, a to pola Tomaša Henčla (03591/ 2706314), abo Leonie Gries (03591/ 2706320), l.gries@sport­bund-bautzen.de.

Delanscy koparjo přizjewjeni

Sobotu, 12. januara, přewjedźe Zapadołužiski koparski zwjazk w sportowni při Kamjenskim lětanišću tak mjenowany RB-cup. Tež Sokoł Ralbicy/Hórki je prěni raz mustwo muži za turněr přizjewiło. Hrate budźe wot 15 hodź. w dwěmaj skupinomaj. Skupinu A tworja Wojerowski FC, LSV Hory, ST Ćisk II a FSV Bretnig-Hauswalde, skupinu B Sokoł Ralbicy/Hórki, Natwar Němske Pazlicy, ST Wós­link/Skaskow a ST Mały Wjelkow.

Sokoljo startuja jako prěni

Chróšćenjo sej pokal zawěsćili

štwórtk, 03. januara 2019 spisane wot:

28. halowy koparski turněr wjesneje skupiny CDU we Worklecach

Wjesne koparske mustwo z Chrósćic je zašłu njedźelu 28. halowy turněr wjes­neje a gmejnskeje skupiny CDU we Worklecach dobyło. W finalu přesadźi so wone přećiwo zakitowarjej titula z Róžanta z 2:1. Třeće městno w dźesać cyłkow sylnym­ polu a połnje wobsadźenej Worklečanskej sportowej hali wobsadźichu wjesni koparjo z Pěskec, štwórte bu na kóncu prěnje mustwo Worklečanskich ženjenych. Duel wo třeće městno, kotryž bě so 1:1 skónčił, dyrbjachu kopy ze zdalenosće sydom metrow rozsudźić. Najlěpšej třělcaj z dźewjeć wrotami běštaj Fabian Korjeńk z Pěskec a Simon Žur z Worklec, najlěpši wrotar bě Worklečan Herbert Wagner.

Horni kraj Sprjewja SZ-cup dobył

štwórtk, 03. januara 2019 spisane wot:
Halowy koparski turněr dźenika Sächsische Zeitung w sportowni na Budyskim Třělni­šću je mustwo ST Horni kraj Sprjewja dobyło. Wone přesadźi so w finalu z 1:0 přećiwo ST Ćiskej 1993. Nawoda lokalneje redakcije SZ Ralf Haferkorn (naprawo) přepoda kapitanej dobyćerskeho mustwa Stefanej Richterej (srjedźa) pokal, nalěwo jednaćel Budissy Sven Johne. Dalše městna wobsadźichu ST Hnašecy-­Dobruša, Póst Germania Budyšin, Rakečanske ST 1990, Budissa Budyšin U21, FSV Wopaka a Zeleno-běli Bukecy. Koparjo z Hornjeho kraja smědźa so tuž na Landskron-cupje wobdźělić, kotryž budźe sobotu na samsnym městnje. Foto: Torsten Zettl

FC Hansa Rostock

– FC Energija Choćebuz 0:2 (0:1)

Zestawa hosći: Spahić – Weidlich, Stein, Matuwila, Bender, Schneider, Schlüter, Viteritti (34. Holthaus), Geisler, Mamba, Rangelow (70. Scheidhauer)

We wuchodnym derbyju steještej sej cyłkaj napřećo sebi, kotrejž běštej naposledk dołho bjez wuspěcha. Rostock njeje štyri razy pospochi dobyć móhł, Cho­ćebuz samo pjeć razow. FC Energija poda so tuž chětro pilnje do hry. Po 22 mjeń­ši­nach pak by pokutny kop pilnosć nimale podusył. Cebio Soukou měješe z jědnatku hobersku šansu za domjacych, třěli pak bul wyše wrotow Avda Spahića. Choćebuženjo přećiwnika přeco zaso z rja­nymi kombinacijemi nadběhowachu. Jedna tajka wjedźeše přez Felixa Geislera a Kevina Weidlicha w 23 min. k nawjedowanju. Móžnosć wuži Lars Bender z třělwu do dołheho kuta k 0:1.

Na 52. Budyskim silwesterskim běhu je so 397 atletow wobdźěliło, byrnjež někotre dny do wubědźowanja jenož něhdźe 150 zapisa­nych było. Najlěpši Serb bě Budyšan Jurij Nuk, kiž doběža na čarje 2,5 km w swojej starobnej klasy 80 do 84 lět jako prěni do cila. Najspěšniši serbski běhar na hłownej distancy 10,6 kilometrow bě Roman Měrćink z Baćonja. Wón bu 21cety a w swojej starobnej klasy třeći. Foto: Carmen Schumann

Šmjetelčki turněr Pawka dobyli

srjeda, 02. januara 2019 spisane wot:

Pak młodostni w nocy měrnje we łožu spja, abo so na partyjach a rejach zabawjeja. Sobotu do hód pak su w nocy sportowali. Serbske młodźinske to­war­stwo­ Pawk bě na swój kóždolětny nócny wolejbulowy turněr do Pančičan­skeje sportownje přeprosyło. Dźesać mustwow so tuž wubědźowaše, zo bychu sej hišće tróšku městna w brjuchu za hodownu pječeń spřihotowali.

Dwaj dnjej do hód je za młodostnych přeco zaso witany datum, wšako je so tón dźeń wjetšina z wulkich městow wot studija do domizny hižo nawróćiła. Tak běštej tež studentskej cyłkaj Bjarnat Krawc z Drježdźan a Sorabija Lipsk zastupjenej, ale tež tójšto wjesnych cyłkow kaž Miš-maš z Radworja a Wulkeje Dubrawy, Prachróšćenjo wězo, CTP-crew ze Serbskich Pazlic abo lokalny matador Dwójna nula z Pančic-Kukowa. Ale tež tamne mjena mustwow su młodostnym z wolejbulowych turněrow, wosebje Radija Satkula, znate. Organizator turněra Fabian Šěrak wopisowaše niwow hrow jako jara wysoki. Tež w pózdnjej hodźinje sej mustwa ničo njedarichu.

S-mobil-cup w Kamjencu

srjeda, 02. januara 2019 spisane wot:

Njedźelu, 6. januara, zetka so w Kamjencu wot 14 hodź. wosom koparskich cyłkow­ z Hornjeje Łužicy a hraje w sportowni při lětanišću wo S-mobil-trofeju. Patron budźe serbski zapósłanc krajneho sejma Alojs Mikławšk z Worklec.

W sku­pinje A nastupja: Biskopičanske KT 08, FC Hornja Łužica Neugersdorf, Wojerowski FC, ST Horni kraj Sprjewja; w skupinje B Přezjednota Niska, LSV Nowe­ Město nad Sprjewju, Jednota Kamjenc, Budissa Budyšin.

Jubilejny turněr Natwara

Sportowe towarstwo Natwar Němske Pazlicy přewjedźe njedźelu, 6. januara, wot 9 do 13 hodź. swój jubilejny 30. interny halowy koparski turněr, a to w Kamjenskej sportowni „Při Boršći“. Wšitcy su wutrobnje přeprošeni.

nawěšk

  • 21. jolka-swjedźeń w Nuknicy je nimo. Štož zwostanje su dopomnjenki na rjany žortny a zabawny wječor w Nukničanskej Brězanec bróžni. Někotre impresije serbskeho wječora w Nuknicy, kotrež je naša fotografowka-wolontarka Hanka Šěnec zhotowiła, wam tule
  • Serbske Nowiny-LND-Tuchmacherstr. 27 02625 Bautzen: Jolka 12.01.2019
  • Serbske Nowiny-LND-Tuchmacherstr. 27 02625 Bautzen: Jolka 12.01.2019

nowostki LND