Wažne dypki ležo wostali

wutora, 17. meje 2022 spisane wot:

ST 1922 Radwor – FSV Łuty 1:1 (0:0)

Za Radwor zasadźeni: Grenzemann – Reineke, Jendrewski (87. Grubert), Kral, Paška, Glücklich, Wjacławk (75. Šnajder), Pječak, Nuk (79. Šěrak), Wjeńka, Schulze

Na njezwučenej soboće witaše Sportowe towarstwo 1922 Radwor hosći z Łutow na hrajny dźeń. Njedźelu mjetachu w Radworju mjenujcy meju. Při słónčnym wjedrje je sej něhdźe 60 přihladowarjow na napjatu hru dóšło. Prěnje mjeńšiny Radworčenjo zaspachu, byrnjež hewak přez bojowniske zasadźenje spěšnje do duela přińdu. Přiwšěm pak běchu hosćićeljo w prěnim połčasu dominantne mustwo na hrajnišću. Z do­brymi kombinacijemi móžachu sej wuhladne móžnosće wuhrać, za wrota pak hišće njedosahaše. Prěni połčas skónči so tuž 0:0.

Znowa sej dypk wubědźili

wutora, 17. meje 2022 spisane wot:

SJ Chrósćicy –

ST Wesenitztal 1:1 (0:0)

Zestawa domjacych: Králíček – F. Zahrodnik (86. Mark), F. Cyž, Sentivan, L. Zahrodnik, Młynk, Hawš, M. Zahrodnik (55. Matješka), G. Zahrodnik, Krawc (74. Handrik), Bogusz

Při rjanym słónčnym wjedrje nastupichu Chróšćenjo w dypkowej hrě přećiwo hosćom z Wesenitztala. Tamniše mustwo słuša k načolnym cyłkam krajneje klasy stafla wuchod. Kaž hižo w zašłych hrach pósła trenar Pavel Runt samsnych spočatnych hrajerjow na hrajnišćo. Wot swojich chowancow wočakowaše, zo znajmjeńša dypk doma wostanje.

Serbja nastupja nětko w skupinje D

wutora, 17. meje 2022 spisane wot:
Serbska wubranka muži nastupi na lětušim 4. koparskim turněrje europskich narodnych mjeńšin Europeada wot 25. junija do 3. julija pod hesłom „Together unique“ (Zhromadnje jónkrótni) pola Korutanskich Słowjencow w Awstriskej na 2. poziciji skupiny D. Fortuna wčerawšeho znowawulosowanja, wiceprezidentka FUEN Angelika Minar (nalěwo), je mustwo wulosowała. Tuž maja serbscy koparjo přećiwo Romam z Madźarskeje, Cymbram z Italskeje a Pomakam z Bołharskeje nastupić. ­Při wulosowanju dyrbjachu wjacore wubranki wo skupinu přestorčić, zo njebyštej w jednej stafli dwě narodnej mjeńšinje z jednoho kraja byłoj, mjez druhim Cymbrojo z Italskeje. Kaž zdźěli zarjadowar turněra Federalistiska unija europskich narodnych mjeńšin FUEN, njejsu žónske skupiny znowa wulosować trjebali, dokelž su ­jenož štyri ­mustwa přizjewjene. Janek Wowčer

Ze zbožom mału sensaciju docpěli

póndźela, 16. meje 2022 spisane wot:

ST Horni kraj Sprjewja – ST Marijina hwězda 3:3 (3:2)

Zestawa hosći: Matik – R. Cyž, R. Hawš, Kreuz (72. Lipič), Wróbl, Zelnak, P. Schmidt, D. Jurš (77. F. Langer), Pjetaš, Eldor (56. P. Lugge), J. Pakoßnick

Prěnje koparske mustwo Sportoweje jednotki Njebjelčicy je wčera sylny wukon pokazało a přećiwo hosćom z Wulkeje Dubrawy 2:2 (2:1) hrało. Po zastatku 0:1 (25.) móžachu Njebjelčenjo hru z dwójnym dyrom Floriana Domša (38.) a Handrija Korjeńka (40.) hišće do połčasa zwjertnyć. 2:2 poradźi so hosćom w druhim połčasu (66.). Wulkodubrawčenjo běchu jasny faworit, dokelž steja w načolnej skupinje wokrjesneje ligi stafla 2. Hrajer domjacych Leopold Hoelzel (ležo, Njebjelčicy) wotwobara na wobrazu ­na prěni wid hnydom dwaj bulej. Foto: Konstantin Hrjehor

Awtor dźensa

Toni Ryćer

Wuslědki (16.05.22)

póndźela, 16. meje 2022 spisane wot:

Wokrjesna liga, stafla 1, čoło tabulki

1. FV Ottendorf-Okrilla 05 13 60 : 13 34

2. Arnsdorfske KT 13 27 : 11 31

3. TSV Wjernarjecy 12 26 : 16 23

4. SV Haselbachtal 12 29 : 24 19

5. ST Kubšicy 11 23 : 18 18

wokrjesna liga, stafla 2

Kulow II – Módro-běli Minakał 3:1 (1:0)

ST Lubuš – Wojerowski FC II 0:1 (0:0)

Rakečanske ST II – FSV Łuty 7:2 (4:1)

SJ Chrósćicy II – Malešecy 3:2 (0:2)

SJ Njebjelčicy – Wulka Dubrawa 2:2 (2:1)

Nadr. Hrabowka – ST Hlinowc 0:6 (0:4)

ST Radwor – Hórnikečanski jězor 4:0 (1:0)

1. ST Radwor 14 44 : 7 38

2. ST 1896 Wulka Dubrawa 14 35 : 19 28

3. Wojerowski FC II 14 38 : 29 27

4. Traktor Malešecy 14 32 : 25 26

5. ST Hlinowc 14 39 : 25 22

6. FSV Łuty 14 32 : 26 21

7.  HZ Wóslink/Skaskow/Kulow II 

 14 29 : 30 21

8. SJ Chrósćicy II 14 22 : 34 19

9. HZ Hórnikečanski jězor 14 29 : 35 16

10. Módro-běli Minakał 14 35 : 41 15

11. SJ Njebjelčicy 14 26 : 32 14

12. Rakečanske ST II 14 21 : 41 12

13. Nadrózna Hrabowka 14 26 : 41 9

14. ST Lubuš 14 14 : 37 7

Sport (13.05.22)

pjatk, 13. meje 2022 spisane wot:

Finale lětsa w Drjowku

Po prěnim běhu wo Němske dumperowe mišterstwa (DDM) zašły tydźeń ­w Adelsdorfje steja nětko tež dalše terminy. Spočatk julija dźe w Baćonju dale, na to sćěhujetej běhaj w Hórkach a Bad Freienwalde. Wulki finale budźe lětsa w Drjowku pola Choćebuza.

Kopańca kónc tydźenja

14.05. 14:00  FC International Lipsk –

  Budissa Budyšin

14.05.  15:00  Módro-běli Kulow –

  ST Horni kraj-Sprjewja

15.05.  12:30  SJ Chrósćicy II –

  Traktor Malešecy

15.05.  13:00  FC Energija Choćebuz –

  BSG Chemija Lipsk

15.05.  13:00  SJ Njebjelčicy II –

  Sokoł Ralbicy/Hórki II

15.05.  14:00  ST Marijina hwězda –

  Wojerowski FC

15.05.  15:00  ST Kinspork/Łužnica –

  Sokoł Ralbicy/Hórki

15.05.  15:00  SJ Njebjelčicy –

  ST 1896 Wulka Dubrawa

15.05.  15:00  ST Radwor –

  HZ Hórnikečanski jězor

Běh po Krakečanskich hórkach

Stajnje srjedu nawječor do Božeho spěća wotměwa so po tradiciji wurisanje po Krakečanskich hórkach. A tak budźe tomu nadźijomnje tež srjedu, 25. meje, mjeztym hižo 34. króć. Wubědźowanje organizuje zaso sportowe zjednoćenstwo Módro-běli Krakecy. Přizjewjenja su pod móžne. Planowany je kołokurs přez lěsy a łuki a zdźěla na asfaltowanych pućach. Zapisać móžeće so za čary 350 m, 700 m, 2 km, 5 km a 10 km.

W měsće dwójce dypkowali

štwórtk, 12. meje 2022 spisane wot:

Tři wučerske mustwa Budyskeje wučerskeje wolejbuloweje ligi su so před ­něšto časom w měsće na nachwatanski hrajny dźeń zetkali.

W prěnjej hrě steještej sej mustwje Budyskeho powołanskošulskeho centruma a wyšeje šule Wjazońca napřećo sebi. Mjez hrajerkami a hrajerjemi z Wjazońcy hraješe serbski wučer w Slepom Tomaš Suchy sobu.

W prěnjej sadźbje přesadźi so šěstka Powołanskošulskeho centruma jasnje z 25:12. Dołho wupadaše tež w druhim přeběhu tak, zo Budyšenjo dobudu. Po nawjedowanju 24:19 pak pokaza přećiwnik z Wjazońcy sylniše čuwy a sadźbu ze 27:25 hišće za sebje rozsudźi. Napjatosć wosta tež w tiebreaku wysoka, štož rezultat 16:14 za Budyski powołanskošulski centrum wobkrući.

Jednaćel wokrjesneho sportoweho zwjazka Lars Bauer (naprawo) je šulerkam a šulerjam Léona-Foucaultoweho-gymnazija Wojerecy Nickej Schwarzej, Linje Gruhn, ­Clemensej Braunerej (wotlěwa) a sportowej wučerce Steffi Wagner dobyćerski pokal a šek přepodał. Kubłanišćo je při wubědźowanju sportoweho znamješka najlěpše wukony w kategoriji wyše šule a gymnazije pokazało. Druhe a třeće městno wob­sadźištej Lessingowy gymnazij z Kamjenca a Wyša šula „Při Halštrowskej niwje“ ­Kamjenc. Prěnje městno pola zakładnych šulow dźěše do Hornjeje Hórki, druhe wobsadźichu šulerki a šulerjo z Wjelećina a třeće Za­kładna šula Bukecy.

Foto: Wokrjesny sportowy zwjazk Budyšin

nawěšk

nowostki LND