WORKWUB wšitkich zahorił
Druhi WORKWUB (WORKlečanske WUBědźowanje) je dorosćenym a dźěćom znowa tójšto wjesela wobradźił. Dźěći běhachu napřemo, mjetachu buliki a pospytachu so w dalokoskoku. Po kofejowej přestawce wubědźowachu so swójby w staflowym běhu. Tón přewjedźechu Worklečanki a Worklečenjo lětsa pod motom „Čiń sobu, čiń kaž tamni, čiń lěpje“. Sydom swójbnych mustwow wojowaše na parcoursu, kotryž wjedźeše přez wjacore zadźěwki, wo najlěpše časy. Nimo toho móžachu sej wotpisanja pjeć minusowych sekundow wubědźić, mějachu-li prawe wotmołwy na kwisowe prašenja.
Dobył je lětuše wurisanje team „Viktoria Łučny puć“ z jednej sekundu předskoka porno mustwu „Noten Chaoten“. Třeće městno wobsadźi team „Schorf Fale“.
Wulki dźak słuša Hozec swójbje, kotraž je wšo organizowała, wšitkim pomocnikam młodych swójbow, sportowemu towarstwu Viktoria Worklecy, Worklečanskej gmejnje, firmje ELDAKON a Šlapec pjekarni. Gernot Schweitzer
Město třoch dypkow sej jedyn sobu domoj přiwjezli
LSV Hory
– ST Radwor 2:2 (1:1)
Zestawa hosći: Kral – Schild, Henka, Šěrak, Bejmak, Omran, von Karwin, Zimmermann, Winar, Schulze (90.+2 Bauer), Kurjat
Ze zasłuženym dypkom wróćichu so Radworscy koparjo z Horow. Dalšej dypkaj pak su woni zapasli, přetož běchu krótko do kónca hry hišće 2:1 nawjedowali. Horjenjo spěšnje započachu a wukonjachu ćišć na Radworske wrota. W 11. min. mějachu po dalokim kopje přez Stefana Koarka tež wuspěch. Třělwa dźěše bjez dótknjenja hrajerjow přez šěsnatku do wrotow Bena Krala. Šokowani pak hosćo njeběchu. Poněčim namakachu so lěpje do hry a mějachu přez hłójčkowane bule Křesćana Bejmaka a wosebje Franca Winarja, kiž swobodnje stejo na wrotarju domjacych zwrěšći, dobre móžnosće (16., 17., 40.). Zbožo tež bě, zo domjacy hrajer bul ze zdalenosće pjeć metrow nimo sadźi (13.). Z wuběrnej paradu zadźěwa Kral wjetšemu zastatkej, jako wón wótru třělwu z krótkeje distancy wotwobara (18.). Dobre zasadźenje Toma Schulzy na prawym křidle přinjese hosćom wurunanje. Sylnu třělwu wotwobara Danny Püschel do swójskeje klětki (24.).
Hwězdźički w nowej zestawje
Za sezonu 2017/2018 maja volleyballistki prěnjeho mustwa ST Marijineje hwězdy nowu zestawu. Dźěl druheho zastupnistwa bu do prěnjeho přiwzaty. Tak hraje we wobwodnej lize-wuchod nětko tróšku změnjeny cyłk. Prěnja dypkowa hra budźe sobotu, 23. septembra w 14 hodź. w Pančicach-Kukowje. Tam nastupja Marijine hwězdźički přećiwo volleyballistkam ze Žitawy a přećiwo Ochranowskim volleyfantkam. Wotlěwa stejo: Jana Kralec, Jennifer Otto, Stefanie Montagowa, Patricia Šustrec, Tereza Wićazec, Johanna Fieglerec, Anja Markec, Christin Opicec, trenarka Daniela Kralec; sedźo wotlěwa: Anne Fünfstück, Carolin Wjeselina, Anne Šołćic, Pia Šołćic, Lydia Rachelic. Na foće pobrachuje Stephanie Schmidt.
Foto: Jana Kralec
Z konterom sej dobyće zawěsćili
SJ Chrósćicy
– Drježdźany-Laubegast 4:3 (2:1)
Zestawa domjacych: Králíček – Dehn, Cyž, Hrdlitschka, Bětnar, Sentivan, Henčl, Bogusz (68. Runt), Zahrodnik, Věchet, Žur
Za Chróšćanskich koparjow bě do hry jasne, zo trjebaja dypki. Sylnje hrajacy nadběhowar Radim Věchet měješe w 15. min. prěnju dobru składnosć. Po róžku skoči kulowata koža k njemu, wrotar pak kop z nohu wotwobara. Někotre mjeńšiny pozdźišo měješe Věchet přichodnu šansu, a tu wón k nawjedowanju přetwori. Po nadběhu přez lěwu stronu bě jemu Feliks Zahrodnik preciznu flanku podał, a Věchet bul suwerenje do dołheho kuta zhłójčkowa. W 31. min. Chróšćenjo na 2:0 zwyšichu. Po dołhej třělwje přez Drježdźanski škit kopny hóstny wrotar zwonka jědnatki bul direktnje k Simonej Žurej. Tón spěšnje reagowaše a třěli bul do klětki. Běše to prěni króć w sezonje, zo Chróšćenjo w dypkowej hrě nawjedowachu. Krótko do połčasa pak dóstachu hosćo jědnatku, po tym zo bě Tom Henčl přećiwnika foulował. Pokutny kop bu suwerenje k 2:1 (45.) přetworjeny.
Zmylki k poražce wjedli
Módro-běli Kulow
– Sokoł Ralbicy/Hórki 3:0 (1:0)
Zestawa domjacych: Adler – Pohl, Lohan, Korch, Sauer, Schapals, Thomas (72. Pfennig), Rettig, Bergmann, Graf (56. Wittek), Kubaink (78. Nicolaides)
Zestawa hosći: Gloxyn – Čórlich (82. Lulak), Šewc, Krohmer, Materna (46. K. Matka), M. Matka, Janca (85. J. Bjeńš) Strelow, S. Bjeńš, Domaška, Kurjat
Kóždy tydźeń dyrbja koparjo Sokoła Ralbicy/Hórki hnydom wjacore pozicije přestajić, dokelž stajnje zaso někotři z nich z najwšelakorišich přičin pobrachuja. Tak dyrbješe trenar Jiří Krohmer w Kulowje znowa kopački w škiće šnórować, a w srjedźnym polu wupomha hrajer starych knjezow a Ralbičanski sudnik André Strelow.
Widźał,słyšał, napisał (18.09.17)
Awtorka dźensa
Halena Jancyna
Přećelska abo tež testowa hra je dobra móžnosć, wukonowy staw mustwa a jednotliwych hrajerkow-volleyballistkow přepruwować. Je dotalny trening wunošny był? Na čim ma so hišće dźěłać? Kotre kmanosće maja jednotliwe hrajerki? Štó je za kotru poziciju mysleny? Tež Marijine hwězdźički wotměchu přećelski duel, a to z Dźiwimi mickami Viktorije Worklecy. Bě to zdobom zakónčaca hra treningoweho lěhwa, kotrež su Pančičanki w awgusće přewjedli. Zjednoćiwši dwě klóšterskej mustwje wuprajichu so wone za intensiwny trening a za dwě treningowej lěhwje, zo bychu jednotliwe hrajne kmanosće a staw techniki spóznali. Nimo toho dyrbješe cyłk zeznać a hromadu zrosć. Tež nowy hrajny system měješe so nazwučować. W meji přewjedźechu tuž mjeńše a w awgusće třidnjowske lěhwo.
Znowa jasnje lěpši byli
Germania Halberstadt
– FC Energija Choćebuz 0:5 (0:3)
Zestawa hosći: Spahić – Starcew, Karbstein, Stein, Schlüter, de Freitas, Weidlich (74. Gehrmann), Viteritti (74. Ziegenbein), Zimmer (78. Schneider), Geisler, Mamba
FC Energija (FCE) Choćebuz bě na šestym hrajnym dnju regionalneje koparskeje ligi jasnje lěpša hač nowačk Germania Halberstadt. FCE doby suwerenje 5:0. Hižo do přestawki bě partija po dwojich wrotach Fabija Viterittija a jednych Strelija Mamby rozsudźena.
Tež pozdźišo Energija dospołnje přežadanych hosći a hru jasnje kontrolowaše a třěli hišće wobhladanjahódne 4:0 přez Mambu (71.) a 5:0, kotrež trjechi Marcelo de Freitas w 76. min. Andreas Petersen, mjenowaše jich „Bayerow regionalneje ligi“. Georg Zielonkowski
Wuslědki (18.09.17)
Krajna koparska klasa
Mužakow – Ćisk5:1 (2:1)
Drježdźanski SC – Oderwitz 2:2 (2:1)
Chrósćicy – Laubegast 4:3 (2:1)
1. FSV Oderwitz 4 12 : 6 10
2. ST Ćisk 4 8 : 8 9
3. Čerwjeno-běli Mužakow 4 16 : 5 8
4. ST Horni kraj Sprjewja 4 11 : 7 7
5. FC Neugersdorf II 4 6 : 3 7
6. SZ Drježdźany-Strěžin 4 12 : 5 6
7. LSV Nowe Město 4 16 : 14 6
8. ST Trjebin 4 5 : 9 6
9. FSV Nowosólc-Hródk 4 7 : 7 4
10. SG Weixdorf 4 6 : 6 4
11. SJ Chrósćicy 4 8 : 9 4
12. Drježdźanski SC 4 12 : 20 4
13. Drježdźany-Laubegast 4 6 : 13 1
14. SC Borea Drježdźany 4 6 : 19 1
wyša koparska liga
Carl Zeiss Jena II – Schott Jena 2:1 (1:0)
Askania Bernburg – Kamjenc 1:0 (0:0)
Biskopicy – Union Sandersdorf 2:1 (1:1)
1. Biskopičanske KT 4 14 : 3 12
2. VFC Plauen 4 4 : 0 10
3. FC International Lipsk 4 4 : 1 9
Sport (15.09.17)
Běhi wokoło Butroweje hory
Sportowe towarstwo TV 1848 Biskopicy přewjedźe 23. septembra 17. běhi kołowokoło Butroweje hory. Start a cil budźetej w Pikowje (Pickau). Časowy plan: 14 hodź. – 0,6 km / 14.05 hodź. – 1,2 km / 14.15 hodź. – 2,5 km / 14.40 – 9,5 km / 15 hodź. – 5 km. Tež serbski starter Richard Paška steji na wubědźowanskej lisćinje. Rodźeny Kanečan je za hłowny běh 9,5 kilometrow zapisany.
Poskićeja pospytny kurs
MC Jawora poskića zajimowanym holcam a hólcam njedźelu, 17. septembra, ponuchanski kurs. Tak móža so raz na motocrossowej mašinje pospytać. Přizjewjenski formular a dalše informacije pod www.mc-jauer.de
Kónctydźenska kopańca
15.9. 19:00 Budissa Budyšin
– Halberstadt
16.9. 13:00 Wojerowski FC II
– SJ Chrósćicy II
16.9. 13:00 Kulow II – FSV Łuty II
16.9. 14:00 Jednota Kamjenc
– 1. FC Lok Stendal
16.9. 15:00 Módro-běli Kulow
– Sokoł Ralbicy/Hórki
16.9. 15:00 ST Wjelećin
– Rakečanske ST
17.9. 10:30 LSV Hory – ST Radwor
17.9. 13:00 Lomnitz-Großnaund. II
– SJ Njebjelčicy II
17.9. 13:00 ST Marijina hwězda
– Rakečanske ST II
17.9. 15:00 SJ Chrósćicy
– FSV Nowosólc-Hródk
17.9. 15:00 SV Haselbachtal
– SJ Njebjelčicy
Blidotenisowe dypkowe hry
15.9. 19:00 DJK TTV Konjecy
– ST Seeligstadt
18.9. 19:00 DJK TTV Konjecy
– Gersdorf-Möhrsdorf II
16.9. 15:00 TTC Nowosólc-Hródk
W pokalu prěni raz dobyli
HZ Łaz/Běły Chołmc II
– SJ Chrósćicy II 2:5 (0:1)
Zestawa hosći: Matješk – Wićaz (75. M. Dórnik), A. Dórnik, F. Dórnik, Förster, Budar, Liznar, Pjetaš, Dehn, Młynk, Šmit
Koparska rezerwa Chróšćanskeje SJ je we wokrjesnym pokalnym kole we Łazu nastupiła. Tam wočakowaše ju druhe mustwo Hrajneho zjednoćenstwa Łaz/Běły Chołmc. Trenarska trójka Klimant/Wowčer/Dórnik měješe 13 hrajerjow k dispoziciji. A woni běchu jasny faworit. K połčasej steješe 0:1 za SJC, móhło pak tež 0:4 stać. Chróšćenjo mějachu wjele wrotowych šansow, trjechił pak bě jenož Stefan Liznar (23.).
