Sport (12.02.16)

pjatk, 12. februara 2016 spisane wot:

Sokoł Ralbicy/Hórki informuje

Halowy koparski turněr starych knjezow SJ Sokoł Ralbicy/Hórki budźe pjatk, 19. februara, wot 18 hodź. w Ralbičanskej sportowni. Pjatk, 10. junija, wobdźěli so Ralbičanske mustwo starych knjezow na jubilejnym 20. koparskim turněrje Serbskeho Sokoła w Njebjelčicach. Termin za lětušu sportowu wuměnu tež steji. Wot 24. do 26. junija pojědu Ralbičanske Sokołki a Sokoljo do Čěskeje do městačka Spálené Poříčí blisko Plzenja.

Ryćer startuje w Dortmundźe

Serbja wokoło Dortmunda a tež dalši zajimcy maja móžnosć, 20. a 21. februara w Dortmundźe němske halowe lochkoatletiske mišterstwa w starobnej klasy U 20 sćěhować. Ze staflu 4x200 m startuje tam Šunowčan Marko Ryćer.

Koparske dypkowe hry

13.02. 14:00 Póst Budyšin – Ralbicy

13.02. 14:00 Załom – Radwor

14.02. 11:00 Rakecy – Wachau

14.02. 12:00 Chrósćicy II – Něm. Pazlicy II

14.02. 12:00 Marijina hwězda II– Kulow II

14.02. 14:00 Chrósćicy – Kulow

14.02. 14:00 Großnaundorf – Njebjelčicy

14.02. 14:00 Mar. hwězda – Großharthau

14.02. 15:00 Wojerecy 1919 – Ralbicy

Blidotenisowe dypkowe hry

15.02. 19:30 Radwor – Budyšin 04 IV

18.02. 19:30 Póst Budyšin – Worklecy II

26.02. 19:30 Kamjenc – Konjecy

Volleyballowe dypkowe hry

25.02. 19:00 Sok. Budyšin – Wjazońca

25.02. 21:00 Sok. Budyšin – Budyšin se.

Jara napjaty a njerozsudny derby

štwórtk, 11. februara 2016 spisane wot:

Dźiwje micki z Worklec a Módro-běli z Wojerec běchu hosćo druheho mustwa Marijinych hwězdźičkow. Cyła šwita přihladowarjow bě přichwatała, a to wosebje wćipni na dwójny derby Worklecy přećiwo Pančicam. Škoda bě, zo falowaštej hosćićelej w nadběhu Bettina Weclichowa a Nadine Ćižankec. Tola tež Worklecy dyrbjachu bjez Anne Kramlowsky a Christiny Hermanec nastupić.

Marijina hwězda II – Viktoria Worklecy 1:2 (26:24, 21:25, 16:18)

Póstniska mučnota hrajerkow bě widźomna. Njetrjebawše zmylki so na woběmaj stronomaj přeco zaso jewjachu. Tak bě sadźba hač do kónca wurunana.

Worklecy jako prěnje w druhej sadźbje wotućichu. To přinjese jim dobry předskok, kotryž hač do kónca zakitowachu.

W tiebreaku namakachu so potom tež Marijine hwězdźički přeco lěpje do hry. Cyły čas nawjedujo dachu so na kóncu tola přelesćić. Z finalnym spurtom wutorhny jim hósć dobyće z 16:18.

Marijina hwězda – Módro-běli Wojerecy 0:2 (12:25, 22:25)

Wuslědki (11.02.16)

štwórtk, 11. februara 2016 spisane wot:

Wokrjesna klasa, stafla sewjer – žony

1. Módro-běli Wojerecy II  12 22 : 2

2. ST Viktoria Worklecy 10 14 : 6

3. ST Marijina hwězda II 12 14 : 10

4. SC Wojerecy 10 8 : 12

5. MSV Budyšin 04 III 10 6 : 14

6. ST Marijina hwězda III 12 2 : 22

Furiozny hrajny dźeń z dwojimaj dobyćomaj

srjeda, 10. februara 2016 spisane wot:

Jako halowy rěčnik Roman Hajnk po zwučenym wašnju Worklečanskich volleyballistow předstaji, so tróšku časa miny. K prěnjemu razej w tutej sezonje běchu mjenujcy wšitcy akterojo přitomni – tež Clemens Eckert, kiž bě zaso raz do domizny přichwatał. To běše tež wažne, wšako chcychu Worklečenjo z wuspěchomaj zwisk k načolnikej z Kupoje dźeržeć a sej hišće minimalnu šansu na mišterstwo wobchować. Do Worklec běštej tón dźeń posledni tabulki z Mittelherwigsdorfa a třeći z Kundraćic přijěłoj.

Viktoria Worklecy – Traktor Mittelherwigsdorf 3:0 (25:13, 25:14, 25:16)

Prěnja hra njeby směła poprawom k wulkim problemam wjesć, w předehrě pak Worklečenjo přećiwo Mittelherwigsdorfej najlěpši wukon njepokazachu. Tuž běchu warnowani a hnydom z najlěpšej šěstku započachu, zo njebychu žane nje­trjebawše dypki zhubili. To so tež poradźi. Fanam pokazachu najrjeńši volleyball. Čiste přiwzaća, precizne přihrawki a sylne nadběhi postarachu so wo spěšny předskok. Tak dóstachu hrajerjo na ławce hižo zahe swoju šansu.

Wuslědki (10.02.16)

srjeda, 10. februara 2016 spisane wot:

Volleyball, wobwodna liga, mužojo

1. ST Kupoj Nowa Łuka 12 34 : 11 31

2. ST Viktoria Worklecy  12 32 : 10 30

3. Módro-běli Wojerecy II 12 26 : 18 21

4. TSV Kundraćicy 11 20 : 20 17

5. OSC Lubij 12 21 : 24 15

6. TuS Niska 10 19 : 22 14

7. VfB Zhorjelc 12 21 : 28 14

8. TSG Hamor Běła Woda 11 11 : 30 7

9. Tra. Mittelherwigsdorf 10 7 : 28 4

Načolnika mjerzali

wutora, 09. februara 2016 spisane wot:

Načolnik a druhi tabulki jako hosćej w Pančicach – to běše wužadanje za Marijine hwědźički. Jako předposlednje chcychu so tak droho kaž móžno předać. Trenar Ralf Wachsmann zastupuje měnjenje, zo móže we wobwodnej lize kóždy kóždeho porazyć. Na kóncu rozsudźi přeco kondicija hrajerkow.

Marijina hwězda – OSC Lubij 0:3 (21:25, 19:25, 15:25)

Hižo w Lubiju běchu prěnje rozestajenje z 0:3 přěhrali. Tež tónraz dźěše wěc „do cholowow“. Na spočatku kóždeje sadźby hišće sobu dźeržachu. Tola OSC ćišć zesylni. To bě za Marijine hwězdźički zahubne.

Marijina hwězda – VV Schönbach 2:3 (25:21, 17:25, 27:25, 11:25, 9:15)

Aktualny načolnik ze Schönbacha je skerje po słodźe Marijinych hwězdźičkow. W prěnjej hrě nazymu běchu přećiwnika z 3:1 přewinyli. Tehdy pobrachowaše hłowna nadběhowarka Schönbacha. Do Pančic přijědźechu z kompletnym mustwom. Tola tež to njepomhaše. Domjacy hrajachu kaž lědma hdy do toho. Dobyće bě zasłužene.

Tež poslednju testowu hru dobyli

wutora, 09. februara 2016 spisane wot:

SC Großschweidnitz-Lubij II

– ST Marijina hwězda 3:4 (1:0)

Zestawa hosći: Schmidt (75. Matik) – Wróbl, Czapik, Łušćanski, Lipič – Hawš, Škoda (59. Sbjeznie), Pakoßnick, Langer (62. Bejmak) – Peschmann (75. Hübner), Jurš

K poslednjej přihotowanskej hrě za druhu połseriju sezony 2015/16 po­dachu so klóšterscy koparjo do Lubija. Tam nastupichu přećiwo rezerwje SC Großschweidnitz-Lubij. Wona hraje tež we wokrjesnej lize. Hosćićel zahaji hru z wysokim tempom a wrotar Oliver Schmidt dyrbješe swoje kmanosće hižo sčasom pokazać. Po spěšnje wuwjedźenym wólnym kopje nasta 1:0 (14.). Přeco zaso nadběhowaše domjacy Do Carmo Martinson wrota Schmidta, kiž pak wosta při tři stoprocentnych šansach dobyćer. W prěnim połčasu mějachu Pančičanscy koparjo jenož mało šansy, to pak so w druhim změni.

Wurunanje 1:1 (55.) přez Dawida Jurša bě Richard Hawš přihotował. Nawjedowanje 1:2 (63.) poradźi so zaso Juršej z hłowu a 1:3 (70.) docpě wospjet wón po wuběrnej přihrawce Jakuba Pakoßnicka. krótko do kónca poradźi so hosćom po konteru 2:3 (86.). K 2:4 (89.) trjechi Jakub Pakoßnick a w 92. min. 3:4 zaso hosćićelej, po tym zo běchu hosćo w škiće njekoncentrowani. Tobias Nowak

Hornjołužiski koparski derby

wutora, 09. februara 2016 spisane wot:

Budissa Budyšin

– Hornja Łužica Neugersdorf 1:1 (0:1)

Zestawa domjacych: Jakubov – Kolan, Klippel (10. Pfanne), Patka, Čermák, Hoßmang, Reher, Heineccius (73. Rosendo), Kral, Hansch, Walther

Zestawa hosći: Flückinger – Petrick, Wolf, Dittrich (82. Sobe), Krawčik (66. Nemec), Temel, Banaskiewicz, Merkel, De Freitas Costa, da Silva (73. Huth), Kusić

Z wulkej napjatosću wočakowany hornjołužiski koparski derby w regionalnej lize sewjerowuchod wuhraštej cyłkaj z Budyšina a Neugersdorfa pjatk wječor w Budyšinje pod swětłomjetakami na Młynkec łuce. Byrnjež wjedro chětro špatne było, namaka 1 100 přihladowarjow puć do stadiona. Woni widźachu 90 mjeńšin napjatu kopańcu.

Hosćo mějachu w prěnim połčasu snadne lěpšiny. Po 10 mjeńšinach pak dyrbješe Christoph Klippel, stratega w škiće Budissy, hrajnišćo zranjenja dla wopušćić. Na to nastachu pola trenarja Tomaša Henčla přidatne starosće. Potom sta so hosćićelej w srjedźnym polu tež hišće fatalny zmylk, kotryž wjedźeše k 0:1 (45.). Flanku Filipa Kusića zhłójčkowa Maxim Banaskiewicz do wrotow Budissy. To bě wězo chětro njezbožowne, krótko do połčasa.

Derby hač do kónca napjaty

póndźela, 08. februara 2016 spisane wot:

Sokoł Ralbicy/Hórki

– SJ Chrósćicy 1:1 (1:0)

Zestawa domjacych: Gloxyn – von Köding (74. Lulak), Schultz, B. Bjeńš, Korjeńk, St. Bjeńš, Šołta, Wałda, Bejmak, Domaška (71. Kurjat), Bejma

Zestawa hosći: Králíček – Dórnik, Schulze, Bětnar, Cyž, Šmit (63. Młynk), Domaška, Runt, Šafař (55. Dehn), Zahrodnik, Žur

Wjace hač 250 přihladowarjow běše na wčerawšej njedźeli z hosćom w Ralbičanskim Stadionje přećelstwa. Mnozy z nich přichwatachu samo z kolesom, wšako njemóhło w tutym počasu wjedro rjeńše być. Wuměnjenja za derby mjez Ralbicami a Chrósćicami běchu potajkim optimalne, wšako bě hewak twjerde hrajnišćo rjenje mjechke. Wot spočatka sy napjatosć wobeju cyłkow pytnył.

Chrósćicy maja nowopřichad

póndźela, 08. februara 2016 spisane wot:

W zymskej přestawce so jenož za druhu połseriju njetrenuje. Někotre cyłki dźěłaja tež na mustwowym kadrje. Tak sta so to na přikład pola SJ Chrósćicy. Za Serbske Nowiny je so Fabian Pöpel z nowopřichadom Tonijom Kunzu rozmołwjał.

Witaj, Tonijo, předstaj so prošu skrótka čitarjam Serbskich Nowin.

T. Kunze: Rěkam Toni Kunze, sym 23 lět młody a pochadźam z Huski (Gaußig). Bydlu pak tučasnje dźěła dla w Drježdźanach. Bul kopać sym jako pjećlětny započał.

Zwotkel sy do Chrósćic wotešoł a što Će poprawom sem do Serbow ćěri?

T. Kunze: Sym z Drježdźanskeho 06 Laubegast přišoł. Woni hraja ligu wyše hač SJC, potajkim w krajnej klasy. Nastork k změnje běchu přećeljo dali kaž tež swójba. Wšako je mój nan hižo w towarstwje skutkował.

Što je poprawom Twój nan, minjenu sezonu hišće ko-trenar tu pola SJC, k tutej kročeli prajił?

T. Kunze: Wón je so z toho jara wjeselił. Su jeho tež přeco witali a derje přiwzali a je so tu jara derje čuł. Je mi prajił, zo nječinju z tutej kročelu ničo wopačne.

Na kotrej poziciji Ty hraješ respektiwnje sy najsylnišo nastajeny?

nawěšk

nowostki LND