Sport (15.07.16)
Simsony so wubědźuja
Jutře, sobotu, wot 12 hodź. wubědźuja so na skłoninje Lejnjanskeho jězora dźesaty raz ze Simsonami. Młodźinski klub Lejno, kotryž woblubowany motorsportowy podawk zarjaduje a wuhotuje, liči z rekordnym wobdźělenjom 150 starterow. Mjez nimi budźe tež tójšto serbskich z Kulowa, Róžanta, Ralbic, Nuknicy a Chrósćic.
Za kulowatej kožu honić
Jutře přewjedu wólnočasni koparjo Viktorije Worklecy swój prěni turněr za hobbyjowe mustwa w Jaseńcy. Wot 11 hodź. wojuja tam teamy w sylnosći 1:4 potom stajnje dźesać mjeńšin přećiwo sebi. Startowy pjenjez na mustwo płaći 20 eurow. Zajimcy njech so hišće e-mailnje přizjewja, a to pod richardkm-richard@web.de abo tobias-heidusch.
Koparske testowe hry
16.07. 15:00 Kulow – Lubuš
16.07. 15:00 Chrósćicy – Großenhain
16.07. 18:00 International Lipsk – Budissa
23.07. 14:00 Budissa – Rudolstadt
23.07. 15:00 Chrósćicy – ST Ćisk
23.07. 15:00 Běła Woda – Kulow
27.07. 18:30 Kamjenc – Biskopicy
29.07. 18:30 Wulka Dubrawa – Ralbicy
Beachtura Radija Satkule
Pokalne hry wulosowane
Zamołwići Sakskeho koparskeho zwjazka (SFV) su hry prěnjeho a druheho koła sakskeho pokalneho wubědźowanja wulosowali. Lońši dobyćer FC Rudne horiny Aue swój titul hižo zakitować njemóže, dokelž njesmě so jako postupnik do druheje zwjazkoweje ligi na wubědźowanju wobdźělić. Wo titul wojować smědźa tuž jenož mustwa třećeje, regionalneje a wyšeje ligi kaž tež krajneje ligi a krajneje klasy. Dale za wobdźělenje woprawnjeni su dobyćerjo 13 wokrjesnych pokalow.
Zajimawe je, zo nastupitej přichodnu hrajnu dobu w tymle wubědźowanju nimo FC International Lipsk, Budissa Budyšin abo Jednota Kamjenc, tež serbskej mustwje. Koparjo Sokoła Ralbicy/Hórki nastupja jako dobyćer wokrjesneho pokala w prěnim kole. Na nich čaka mustwo ST Horni kraj-Sprjewja. Tež Chróšćenjo su jako nowi čłonojo krajneje klasy w pokalu zastupjeni. Woni startuja hakle w druhim kole přećiwo cyłkej SV Hainsberg.
Sudnicy WFV na němskich mišterstwach wuspěšni
16. njeoficialne němske mišterstwa koparskich sudnikow wotměchu so w Beelitzu pola Podstupima. Tam přewjeduja kóžde lěto najwjetši turněr koparskich sudnikow. Hižo wječor do wubědźowanja poda so 13 wosobow Zapadołužiskeho koparskeho zwjazka (WFV) na puć do Braniborskeje, zo bychu so na nje přihotowali. Turněr zahajili su nazajtra z prominentnymi hosćimi, kaž na přikład zwjazkowym wonkownym ministrom Frankom-Walterom Steinmeierom (SPD).
W předkole měješe kóžde mustwo štyri hry. Wubranka WFV wudoby sej sydom dypkow a wrotowy poměr 5:3. Tak wobsadźi wona w swojej skupinje 2. městno a steješe w štwórćfinalu. Tam čakaše na nju lońši wicemišter. Tež tu pak sakski cyłk doby a zaćahny do połfinala. Přećiwo pozdźišemu dobyćerjej wšak třělenje z 9 metrow ze 4:5 přěhra. W małym finalu běchu sudnicy WFV zaso wuspěšni a zawěsćichu sej bronzowe městno. To bě wulkotny wukon, hladajo na lońše 7. městno a hakle druhe wobdźělenje na tajkim turněrje.
Beachvolleyball wabjacy
Jězdźa rady na koparske turněry
Hobbyjowi koparjo Viktorije Worklecy wobdźělichu so w minjenymaj měsacomaj hnydom na třoch turněrach. W meji podachu so na fanowy do Choćebuza. Dokelž maja w swojich rjadach mnohich přiwisnikow FC Energije, je za Worklečanow hižo z tradiciju, zo su na Choćebuskim wurisanju pódla. Po dwěmaj dobyćomaj a jednym remisu steješe Viktoria tam w štwórćfinalu. W třělenju z dźewjeć metrow pak 2:3 podleža. Na kóncu dosahaše serbskim koparjam z dwěmaj dalšimaj wuspěchomaj za 5. městno, z kotrymž běchu jara spokojom.
Jubilejne crossowe běhi přewjedli
Treningowy zazběh pola HFC
Tabulki hrajneje doby 2016/2017:Wokrjesna wyša koparska liga ST Ćisk ...
Tabulki hrajneje doby 2016/2017:
Wokrjesna wyša koparska liga
ST Ćisk 1993
DJK Módro-běli Kulow
DJK Sokoł Ralbicy/Hórki
ST Hnašecy-Dobruša
ST Kinspork/Łužnica
TSV Połčnica 1920
Rakečanske ST
Drohotka Ramnow
SC Großröhrsdorf
LSV Hory 1920
Motor Kumwałd
Póst Germania Budyšin
Zeleno-běli Bukecy
ST Wjelećin
Wojerowski FC
FV Ottendorf-Okrilla 05
wokrjesna liga, stafla I
ST Budyšin
Traktor Malešecy
FV Concordia Załom
TSV 1859 Wjernarjecy
HZ Wulka Dubrawa/Minakał
ST Wjelećin II
Germania Budyšin II
Postup Großharthau
ST Porchow
ST Kubšicy
TSV 90 Wjazońca
HZ Wóspork/Hbjelsk II
ST Hodźij 04
ST Horni kraj-Sprjewja II
wokrjesna liga, stafla II
Sokoł Ralbicy/Hórki II
Rakečanske ST II
Módro-běli Njeswačidło
ST 1922 Radwor
ST Nadrózna Hrabowka
ST Ćisk 1993 II
LSV Bluń 74
LSV Hory 1990 II
HZ Wulke Ždźary
ST Lubuš
FSV Łuty
HZ Łaz/Běły Chołmc
LSV Nowe Město nad Sprjewju II
Wojerowski FC II
wokrjesna liga, stafla III
TSV Wachau
Arnsdorfske KT
ST Marijina hwězda
SV Frankenthal
ST Drjewnica (Großdrebnitz)
Natwar Němske Pazlicy
SG Großnaundorf
Nowosće z wokrjesneje kopańcy
Po hrě je do hry, to woznamjenja tež tójšto běrokratiskich naležnosćow, prjedy hač so nowa sezona zahaji.
Intensiwnje nanowu sezonu sopřihotowali
20. junija bě so za regionalneho koparskeho ligista Budissu Budyšin přihotowanski čas za hrajnu dobu 2016/2017 zahajił. Nowi a dotalni hrajerjo su mjeztym tójšto razow trenowali a dotal pjeć testowych hrow přewjedli. Prěnju tajku mějachu Budyšenjo pola ST Ćiska, kotrež trenuje Stefan Hoßmang, něhdyši kotrenar prěnjeho mustwa Budissy. Wokrjesny wyši ligist bě wězo jasny outsider, Ćišćenjo pak so prima wobarachu.
Druha přihotowanska hra wjedźeše koparjow ze sprjewineho města k Slovanej Liberec w Čěskej. Tam pak steješe hižo k połčasej 4:0 za hosćićela. Po přestawce zwyši Slovan hišće na 5:0.
Třeći test wotmě Budissa pola Halleskeho FC, kotryž hraje w třećej lize Němskeje. A to bě wulki narok za Budyšanow. Jim pak runje tajke partije leža. Tak móžachu derje sobu dźeržeć, tež hdyž hosćićeljo hru postajachu a 2:0 dobychu.
Dalšej testowej hrě mějachu chowancy trenarja Linkerta doma přećiwo FC Rudnym horinam Aue, zastupjerjej druheje zwjazkoweje ligi, a w Nowosólcu-Hródku, hdźež porazychu cyłk z krajneje klasy ze 4:0. Clemens Werner
Wuslědki testowych hrow Budissy Budyšin:
