Serbscy awtorojo čitaja na knižnych wikach

srjeda, 16. měrca 2016
artikl hódnoćić
(0 )

Lipsk (SN). We wobłuku Lipšćanskich knižnych wikow so tele dny tež serbscy awtorojo prezentuja. Ze swojeho němskorěčneho powědančka za dźěći „Abessinka, wo bist du?“, kotraž wuńdźe w nakładnistwje Lychatz, čita Jurij Koch jutře, štwórtk, w 16 hodź. w „Lesebude 2“. Zetkanje­ z awtorom je premjera „detektiwki“, kotruž je Thomas Leibe ilustrował.

Beno Budar a Benedikt Dyrlich staj sobu zastupjenaj w nowej antologiji „Das andere Dresden“. Knihu předstaja jutře, štwórtk, w 10 hodź. w hali 4, stejnišćo E505. Moderaciju změje Benedikt Dyrlich. Samsny dźeń na samsnym městnje spřistupnja zajimcam w 11 hodź. literaturu serbskich awtorow a jich přećelow w časopisu „Bawülon“. Zastupjeni w antologiji „Brücken im Zugwind“ su mjez druhim Milan Hrabal, Tomasz Nawka, Marion Kwicojc, Karl Vouk, Dietrich Šołta a dalši. Na zarjadowanje přeprošatej nakładnistwo­ POP a Zwjazk serbskich wuměłcow.

wozjewjene w: Serwis
Prošu přizjewće so, chceće-li komentar podać

Serbska debata

nowostki LND