Olsenowa cwólba ma w Budyšinje swěrny kruh přiwisnikow. Zajim za lětušu inscenaciju lětnjeho dźiwadła NSLDź je tak wulki, zo su hižo prěni dźeń předpředanje minjenu sobotu 6 400 tiketow wotbyli – telko kaž hišće ženje do toho. Wot 9. junija do 17. julija witaja Kjeld (Rainer Gruß), Benny (István Kobjela) a Egon Olsen (Olaf Hais, wotl.) publikum na Hrodźe. Foto: Carmen Schumann

Dobyćerjo jutrowneje křižowki SN

pjatk, 08. apryla 2016 spisane wot:
Wjace hač 50 čitarjow je našu křižowku ze 24. měrca wuhódało a nam prawu wotmołwu „Hladamy na procesiony“ připósłało. Ćežki bě nadawk redakciskeje fortuny, mjena dobyćerjow zwěsćić. Lisćikaj za koncert „Rocklegenden“ ze skupinami Puhdys, City a Karat swjatki, 15. meje, dóstanje Hańžka Deleńkowa z Njebjelčic. Na wopyt Krabatowych swjedźenskich hrow w Čornym Chołmcu 22. junija wjeselić smě so Joachim Šefer z Wulkeje Dubrawy, kotremuž připósćelemy zastupnej lisćikaj. A skónčnje přewostajimy Janej Čórlichej w delnich Sulšecach swójbny zastupny lisćik do Małowjelkowskeho prazwěrjenca.

Ze serbskimi a němskimi hrónčkami pomolowane šklěnčane a pórclinowe wudźěłki z dźěłarnje Birgit Patokoweje na Horach wudospołnjeja tuchwilny poskitk w Smolerjec kniharni w Budyšinje. Foto: Axel Arlt

Kak družku hotować?

pjatk, 01. apryla 2016 spisane wot:
Chrósćicy. Župa „Michał Hórnik“ přeproša sobotu, 16. apryla, na dźěłarničku woblěkanja družčeje drasty, a to w 15 hodź. na Chróšćanskej farje. Wjacore serbske hotowarniče žonam pokazaja, kak so družka zdrasći. Štóž ma móžnosć, njech swoju dźowku abo holcu kaž tež drastu sobu přinjese. Lěpšeho planowanja dla njech so zajimče hač do 13. apryla přizjewja, a to telefonisce pod 035796/ 96 254 abo e-mailnje pod .

Twjerde zynki

pjatk, 01. apryla 2016 spisane wot:
Nuknica. Štóž chcył so po póstnym času zaso jónu prawje wucychnować, njech sej jutře wječor we wosmich do Nukničanskeje baraki dojědźe. Na koncerće pod hesłom „Heawie rettl“ móža sej hosćo­ při twjerdych zynkach třoch skupin metaloweje hudźby tak prawje hłowu a włosy přetřasć. Wočakuja was „Abjured“ z Halle a Drježdźanskej sku­pinje „Scavange“ a „Plastic Surgery Di­saster“.

Na Maćičnu akademiju

wutora, 29. měrca 2016 spisane wot:
Budyšin. Přichodne zarjadowanje Maćičneje akademije wotměje so štwórtk, 7. apryla, w 19.30 hodź. w Budyskim „Wjelbiku“ na Žitnej. Nawodnica archiwa, biblioteki a pokładownje Budyskeho tachantstwa dr. Birgit Mitzscherlich porěči na temu „Stawizny a stawiznički ze Serbskeho seminara w Praze“. Přednošk budźe němskorěčny, zastup darmotny. Stawizniska­ sekcija Maćicy Serbskeje wšitkich wutrobnje přeprošuje.

Předawaja lisćiki

wutora, 29. měrca 2016 spisane wot:
Budyšin. Zastupne lisćiki za lětuše dźiwadłowe lěćo Němsko-Serbskeho ludoweho dźiwadła započnu sobotu, 2. apryla, w 11 hodź. předawać. Wot 3. apryla poskića potom lisćiki tohorunja internetnje. Lětsa pokazaja na dworje Budyskeho hrodu inscenaciju wo Olsenowej cwólbje. Premjera budźe 9. junija.

Do zwěrjenca

štwórtk, 24. měrca 2016 spisane wot:
Jutře wjeseli so jutrowny zajac „Baba“ we Wojerowskim zwěrjencu na pućowanje. Kaž kóžde lěto su dźěći ćichi pjatk wot 10 do 14 hodź. na dundanje a wěcywustojne wodźenje po coologiskej zahrodźe witane. Foto: Stefanie Jürß

Korbiki plesć

štwórtk, 24. měrca 2016 spisane wot:
Nimo debjenja jutrownych jejkow jutře a jutrowničku wot 13 do 17 hodź. móža dźěći na Rěčičanskim Erlichtec dworje jutře wot 10 hodź. zajacej pomhać, jutrowne korbiki plesć. Foto: Marion Girth

Z jutrownej paru

štwórtk, 24. měrca 2016 spisane wot:
Jutře, ćichi pjatk, zahaja sezonu Mužakowskeje lěsneje železnicy. Z jutrownej paru móža so pućowacy z Běłeje Wody do Mužakowa z ćahom po kolijach ko­lebać dać. Prěni do Kromolanskeho parka wot­jědźe w 10.15 hodź. Foto: J. Rjela

nawěšk

nowostki LND