Wjace hač 600 serbskich dźěći je so tele dny we wjacorych wosadach na lětušim nabožnym tydźenju wobdźěliło. Na Chróšćanskim farskim dworje su wobdźělnicy tamnišeje skupiny wčera na spěw „Macarena“ rejowali. Tež wosadny farar Měrćin Deleńk njeda so dołho prosyć a je sobu rejwał. Foto: SN/Maćij Bulank

Wulkej hołk a tołk knježeštej wčera a dźensa w lěsnych a dalšich kupjelach pod hołym njebjom (naše foto). Poměrnje mało ludźi bě porno tomu w hali, kaž w Röhrscheidtowej kupjeli w Budyskej Strowotnej studni. Kaž kóžde lěto budźe tale kupjel w lěću, tónkróć wot 26. junija do 28. awgusta, zawrjena. W tym času chcedźa halu po planje saněrować a rjedźić. Foto: Michael Helbig

Sudoku (24.06.16)

pjatk, 24. junija 2016 spisane wot:
Wudospołńće pobrachowace ličby slěda 1–9. Ličby smědźa so w kóždej wodorunej kaž tež padorunej špalće jenož jónu jewić. Wuhódanje z minjeneho tydźenja:

W měsće hudźa

póndźela, 20. junija 2016 spisane wot:
Kamjenc. Kaž kóžde lěto wotměje so tež lětsa po cyłym swěće wutoru, 21. junija, nadróžny festiwal Fête de la Musique, tak tohorunja w Kamjencu. Započatk je w 17 hodź. Na wjacorych jewišćach wustupja na torhošću, parkowanišću, pi­wowych zahrodach, w cyrkwjomaj abo w młodźinskim klubje kapały, rejwanska skupina abo hraje so na pišćelach. Wot 18.30 do 19.30 hodź. móža lubowarjo tohole zarjadowanja duwo Łužičenjo na zahrodźe Muzeja zapadneje Łužicy dožiwić. Zastup je wšudźe darmotny, wšako kóždy wuměłc tón dźeń bjez honorara­ wustupi.

Miłočanska skała, hdźež je 40 wandrowskich rjemjeslnikow minjene dny lětnju kuchnju a wobhrodźenje natwariło, budźe jutře a njedźelu jedna ze stacijow Wuměłstwoweho busa. Dalša stacija je Budyski krajnoradny zarjad. W nim pokazuje Serbski muzej přehladku fotow Maćija Bulanka „Prjedy hač woteńdźeš“ a moderne warianty serbskeje drasty. Foto: Helmut Schippel

Wopominaja Brězana

štwórtk, 16. junija 2016 spisane wot:
Budyšin. Swjedźenske zarjadowanje k 100. posmjertnym narodninam Jurja Brězana přewjedu Budyski wokrjesny zwjazk Lěwicy, město Budyšin a zapósłanča zwjazkoweho sejma Caren Lay dźensa, štwórtk, w 19 hodź. w Budyskim Kamjentnym domje. Nimo podijoweje diskusije budu tam z tekstow spisowaćela čitać. Zastup je darmotny.

Wušła je CD oratorija „Wětrnik a časy“, kotruž jutře po koncerće w Chróšćanskej „Jednoće“ přepodadźa. W 17 hodź. spěwarki a spěwarjo chóra 1. serbskeje kulturneje brigady, komorny orchester SLA kaž tež kapała Malte Rogacki oratorij zanjesu. Hudźbny nawod změje Friedemann Böhme. Wón nawjedowaše minjenu srjedu tohorunja probu na žurli SLA. Foto: Stefan Cuška

Tipować a dobyć

pjatk, 10. junija 2016 spisane wot:

Zhromadna akcija Serbskich Nowin a Serbskeho rozhłosa

K lětušim mjeztym 3. koparskim mišterstwam europskich narodnych mjeńšin přewjedu Serbske Nowiny a Serbski rozhłós znowa zhromadnu akciju, při kotrejž móžeće něšto dobyć. Dyrbiće jeničce na dwě prašeni wotmołwić.

Swojej wotmołwje pósćelće pak z póštu na adresu:

Redakcija Serbskich Nowin

Sukelnska 27

02625 Budyšin

pak z e-mailku na: abo wotedajće swój tip w interneće. Pod www.serbske-nowiny.de/europeada namakaće trěbne formulary k tipowanju a wupjelnjenju. A štó wě, snano słušeće bórze k dobyćerjam.

Njezabudźće pak z tipom swoju dospołnu adresu podać. Njedospołne tipy njemóžemy bohužel wobkedźbować.

Tipujće sobu a dobudźće! Ze wšitkich prawych wulosujemy rjane myta z podpismami hrajerkow a hrajerjow koparskeju wubrankow. Na slědowacej prašeni maće wotmołwić:

 Kak daloko přińdźe Serbska koparska wubranka muži na lětušej europeadźe w Italskej?

o njepřetraje předkoło

o docpěje štwórćfinale

o nastupi w połfinalu

o docpěje finale

o dobudźe europeadu

Znowa rěčny kurs

štwórtk, 02. junija 2016 spisane wot:
Budyšin. Rěčny centrum WITAJ zarjaduje lětsa zaso intensiwny kurs čěšćiny za Serbow w Chrósćicach, a to wot 1. do 6. awgusta. Čech Pavel Šlechta budźe wšědnje šěsć hodźin wuwučować. Popołdnju čěscy hóstni referenća w swojej maćeršćinje k čěskej kulturje, stawiznam a dalšim najwšelakorišim temam přednošuja. Nimo­ wulěta do Čěskeje su zabawne wječorki z čěšćinu planowane. Zajimcy njech­ so přizjewja w Rěčnym centrumje WITAJ­ pod telefonowym čisłom 03591/ 550 400 abo e-mailnje pod witaj-bau­t­. Na swojej internetnej stronje www.recny-centrum-witaj.de po­dawa rěčny centrum dokładniše informacije a program.

Njewšědny wuměłstwowy projekt móža sej zajimcy w Choćebuzu wobhladać. Sochar a docent Braniborskeje techniskeje uniwersity Choćebuz-Zły Komorow Jo Achermann je tam njedawno pod hesłom „Wotwonka nutř. Wot městna k městnu“ wobchodźomnu, pawiljonej podobnu skulpturu stworił a zjawnosći přewostajił. Foto: Michael Helbig

nawěšk

  • Sernjany su swoju róčnicu prěnjeho naspomnjenja wsy před 600 lětami z wosebitym wjesnym swjedźenjom wuspěšnje woswjećili. Tule nańdźeće někotre fotowe impresije wo tym:
Zerna feierte unlängst die Ersterwähnung des Ortes vor 600 Jahren mit einem beson

nowostki LND