Protyka (30.11.18)

pjatk, 30. nowembera 2018 spisane wot:

Pjatk 30.11. do 2.12.   Swójbny kónc tydźenja kubłanskeho srjedźišća LIPA w Smochčanskim Domje biskopa Bena

Pjatk 30.11. do 23.12.   635. Budyske Wjacławske wiki

Pjatk 30.11. 19:15 Serbski filmowy wječor w Radworskim „Słodeńku“

Sobotu 1. a 2.12.   Adwentne hornčerske wiki w Hózkowskim starym­ młynje (wot 14 do 20 hodź.)

   Adwentne wiki we Wósporku (wot 15 hodź.)

Sobotu 1.12. 10:00 Dohodowne paslenje w Čornochołmčanskim Krabatowym młynje

  10:00 Adwentne wiki w Njeswačidle

  11:00 Poswjećenje swj. křiža w Praze

  11:00 „Cyle małe adwentne wiki na dworje“ Brětnjanskeje dworoweje kofejownje

  14:00 Adwentne wiki w Brětni/Michałkach

  14:00 Adwentne wiki na Ćišćanskim statoku

  15:00 12. swjedźeń swěcow w Małym Wjelkowje

  17:00 Adwentne wiki w Malešecach

  17:00 Zhromadne zahajenje adwenta na Chróšćanskej nawsy ze zaswěćenjom adwentneje pychi a z dujer­skej hudźbu

  19:30 Komorny koncert „Agua e vinho – Słowjanske duwo“­ w Budyskej Röhrscheidtowej bašće SLA

Njedźelu 2.12. 9:30 Dwurěčne kemše z wužohnowanjom Slepjanskeho dźěćetka w Slepom

  14:00 Adwentne wiki w Njebjelčicach

  14:00 Adwentne wiki w Čornym Chołmcu

  14:30 Wotewrjenje hodowneje wustajeńcy we Łazowskim Domje Zejlerja a Smolerja

Pokiwy (30.11.18)

pjatk, 30. nowembera 2018 spisane wot:

Pohladnicy w hospodźe

Chrósćicy. Prěnje zarjadowanje noweje kulturneje zymy w Chróšćanskej putniskej hospodźe wotměje so jutře, sobotu, w 19.45 hodź. Šunowčan Gerat Šmelink, zběrar historiskich pohladnicow, wustaja a předstaji stare serbske dopisnicy. Mjez Smječkecami a Delanami budźe nimale kóžda serbska wjes ze zajimawym pohladom zastupjena – wězo tež hosćićelska wjes Chrósćicy. Wopytowarjam powěda Šmelink tu a tamnu epizodu, po kak za­šmjatanych pućach su so małe drohoćinki do jeho wobsydstwa dóstali.

Duchowna hudźba k adwentnej

Budyšin. Duchowna hudźba na akordeonje zaklinči njedźelu, 2. decembra, we 18 hodź. w Budyskej cyrkwi Našeje lubeje­ knjenje. Pod hesłom „Puće do adwen­ta“ zahudźitaj wuměłcaj skupiny Akordeon Virtuosi mjez druhim twórby Antonija Vivaldija, Johanna Sebastiana Bacha, Wladislawa Solotarjowa a Astora Piazzolle.

Nałožki – drasta – tradicije

Rozhłós (30.11.18)

pjatk, 30. nowembera 2018 spisane wot:

njedźelu hornjoserbsce

11:00 Łužica tutón tydźeń

11:10 Rozmołwa z Křesćanom Krawcom wo jeho nowej knize

11:20 Nowe hudźbne nahrawanja

11:45 Adwentne woknješko

12:00 Nabožne wusyłanje

 (farar Měrćin Deleńk)

po tym zbožopřeća

delnjoserbsce

12:30 Aktualny magacin, mjez druhim wo schadowance 2018 a wo Ochranowskej hwězdźe

13:00 Intendantka Serbskeho ludoweho ansambla Judith Kubicec

13:40 Nabožne wusyłanje

 (Christiana Piniekowa)

po tym zbožopřeća

Wuhladko wo wubrance

pjatk, 30. nowembera 2018 spisane wot:

Štó zastupuje Serbow na europeadźe 2020 w Korutanskej w Awstriskej? Z tymle prašenjom zaběra so přichodne wusyłanje hornjoserbskeho telewizijneho magacina Wuhladko jutře, sobotu, w 11.45 hodź. na telewizijnym sćelaku MDR. Trójce je koparska wubranka muži z Hornjeje Łužicy na turněrje najlěpšich mjeńšinowych mustwow Europy nastupiła. Nětko sej w Delnjej Łužicy žadaja, zo měła na přichodnej europeadźe delnjoserbska wubranka muži nastupić, z Hornjeje Łužicy pak wubranka žonow. K tomu porě­ča w studiju z jednaćelom Domowiny a zamołwitym za wubranku Markom Kowarjom. Dale zaběraja so w najnowšim wusyłanju Wuhladka z rumnostnymi wuměnjenjemi w Budyskim Serbskim instituće, předstaja Ludwiga Saksu z Radworja a jeho angažement za rjemjeslniske dźěło ze šulerjemi a pohladnu do Chróšćanskeje Zahrodnikec pjekarnje, hdźež jenož „normalny“ wosušk njepjeku, ale tež tajki cyle po wosebitym přeću kupcow, mjenujcy po starych a tajnych swójbnych receptach.

Wuhladko wospjetuja póndźelu, 3. decembra, w 6.20 hodź. na MDR a sobotu, 8. decembra, w 13.05 na RBB.

Pokiwy (29.11.18)

štwórtk, 29. nowembera 2018 spisane wot:

Pokazaja serbske filmy

Radwor. Dalši serbski filmowy wječor wotměje so jutře w 19.15 hodź. w Ra­dworskim „Słodeńku“. Mjez filmami, kotrež tam pokazaja, budu jězba z ćahom z Budyšina do Wojerec, pask z lěta 1985 „Listy“ wo dóńće dr. Marje Grólmusec, wo putnikowanju do Róžanta a dalše. Tež stare fota budu widźeć. Wšitcy zajimcy su wutrobnje witani.

Pomhaja maćeri

Budyšin. Po morjenskim delikće 7. nowembra na Budyskej Karla Marxowej, jako­ je 32lětny muž swoju 30lětnu žiwjensku towaršku morił, chcedźa sobudźěłaćerjo Klukšanskeho recyclingoweho předewzaća maćeri wopora, kotraž je jich kolegowka, z namołwu k darowanju pomhać. Za to zarjadowachu darowanske konto, zo bychu maćeri pjenježnu starosć wo žarowansku swjatočnosć a pohrjeb swojeje dźowki wzali. Dary za Sylviju Happatsch hodźa so přepokazać na kontowe čisło DE79 8555 0000 1102 2940 94 pola Budyskeje wokrjesneje lutowarnje. Za kóždužkuli pomoc so organizatorojo z cyłeje wutroby dźakuja.

Spěwy a wustajeńca

Do kina (29.11.18)

štwórtk, 29. nowembera 2018 spisane wot:

29.11.–5.12.2018 Budyski filmowy palast:­ Geister der Weihnacht: nj 10:00 a 11:30 Tabaluga: nj 14:30 Der Grinch w 3 D: wšědnje 15:00 (nimo srj), 17:15 a 20:30 | so a nj 13:00 | pj a so 22:30 100 Dinge: srj 19:45 Phantastische Tierwesen 2: wšědnje 14.30 (nimo srj) a 17:15 | nj 10:00 | srj 20:00 Phantastische Tierwesen 2 w 3 D: wšědnje 19:30 (nimo srj) | pj a so 22:30 Der Nussknacker: wšědnje 14:00 (nimo srj) | so a nj 12:00 Der Nussknacker w 3 D: wšědnje 16.15 Bohemian Rhapsody: wšědnje 17:15 (nimo nj a pó) a 20:00 Die Unglaublichen 2: nj 10:00 | štw, pj, so a wu 14:30 Pettersson und Findus: so a nj 12:45 Smallfoot: so a nj 12:30 Hotel Transsilvanien: nj 10:00 25 km/h: wšědnje 20:00 (nimo pó a srj) Der Vorname: štw, so, pó a srj 18:30 Johnny English: pj, nj a wu 18:30 Ballon: pj a so 22:30 Halloween: pj a so 22:45

Kino-ekstra: Ein Dorf zieht blank: nj 17:15 | pó 14:30, 17:15 a 20:15

Wojerowski CineMotion:

Pokiwaj (27.11.18)

wutora, 27. nowembera 2018 spisane wot:

Na wodźenje a přednošk

Budyšin. Do wosebiteje wustajeńcy Budyskeho Serbskeho muzeja „Stary lud. Ze žiwjenja Łužičanow a Milčanow“ přeproša kuratorka Andrea Pawlikowa jutře, srjedu, we 18 hodź. Wopytowarjo po­dadźa so na slědy prjedownikow, kotřiž běchu so něhdźe 700 po Chr. we Łužicy zasydlili. Wustajenych je něhdźe 400 wurywankow, rekonstrukcijow a předstajenjow słowjanskeho žiwjenja před wjac hač 1 000 lětami. W 19 hodź. přizamknje so přednošk dr. Thomasa Westphalena, nawody wotdźěla za hladanje archeologiskich pomnikow w krajnym zarjedźe za archeologiju Sakskeje. Wón porěči na temu „Budyšin w 10. a 11. lětstotku“. Dr. Westphalen rěči wo Budyskim měrje, wujednanym lěta 1018 w Budyšinje mjez Bolesławom Chrobłym a Heinrichom II. Tež aktualne archeologiske wurywanja wokoło hrodu Ortenburg chce přednošowar wopisać.

Kniha změje premjeru

Pokiwy (26.11.18)

póndźela, 26. nowembera 2018 spisane wot:

Wo renesansnej literaturje

Budyšin. Zjawny přednošk wotměje so štwórtk, 29. nowembra, w 14 hodź. w Budyskim Serbskim instituće. Filologowka prof. dr. Žanna Nekraševič-Karotkaja z Běłoruskeje uniwersity w Minsku wěnuje so łaćonskej renesansnej literaturje wuchodneje srjedźneje Europy, kotrejež literarnu originalitu a historiski wuznam wona z wubranymi přikładami znazornja. Přednošk budźe w němskej rěči.

Hotuja so na wiki

Radwor. Serbska wyša šula Radwor přewjedźe 1. a 2. decembra stajnje wot 14 do 18 hodź. swoje mjeztym jědnate hodowne wiki. Šulerjo poskića nimo samozhotowjenych hodownych paslenkow, wěncow a mnohich překwapjenkow tež nowy musical „Cyketarušk Rumpi we Łužicy“. Wšitcy starši a dalši zajimcy z Radworja a wokoliny kaž tež dobroćeljo šule su prěni adwentny kónc tydźenja na wiki přeprošeni.

Termin wuprawy jasny

Pokiwy (23.11.18)

pjatk, 23. nowembera 2018 spisane wot:

Na kermušne reje

Smjerdźaca. Z delanskej skónči so tutón kónc tydźenja slěd lětušich kermušow. Smjerdźečanska wohnjowa wobora a tamniša wjesna rada přeprosytej młodych a staršich na kermušne reje jutře, sobotu, do Smjerdźečanskeho kulturneho domu. Wot 19.30 hodź. zapiska tam znata kapała Privileg.

Pokazaja rjanosće Sakskeje

Budyšin. „Sakska, kaž ju molerjo widźa“ rěka nowa wustajeńca, kotruž wotewru jutře, 24. nowembra, w 15 hodź. w Muzeju Budyšin. Tam pokazaja wjace hač sto mólbow a wudźěłki z Mišnjanskeho pórclina z wobrazowymi dekorami z Drježdźanskeje priwatneje zběrki. Drohotne dźěła zwobraznjeja přede­wšěm napohlady sakskich wsow, městow a krajinow z časa wot 18. hač do zažneho 20. lětstotka. Kmótřistwo za wosebitu wustajeńcu je přewzała statna ministerka za wědomosć a wuměłstwo dr. Eva-Maria Stange (SPD). Z přehladku zahaji so slěd wosebitych wustajeńcow, kotrež steja w zwisku ze 150lětnym wob­staćom Muzeja Budyšin klětu.

Dźiwadźelnica čita

Płastowka (23.11.18)

pjatk, 23. nowembera 2018 spisane wot:

Spočatk pytanych słowow je wupoka­zany.

1 Glocke serbsce, 2 Patenjunge serbsce, 3 warjaca woda, 4 nic křiwy, 5 počas, 6 mać ćipkow, 7 grat za wótřenje kosy, 8 hubjenstwo, 9 jednotka wahi = lěwy rjad: dźěl kusadła

Serbska debata

nowostki LND