SŠZC načolnu partiju dobył – SGB ma šansu na titul

srjeda, 27. meje 2015
artikl hódnoćić
(0 )
Pedagogojo-volleyballisća Budyskeho Serbskeho gymnazija wostanu tež po třećim hrajnym dnju načolnik wučerskeje ligi Budyskeho wokrjesa. Woni maja wulku šansu na titul, jeli kónc junija w Lubiju přećiwo kolegam SŠZC dobudu. Zady wotlěwa: Maćij Čižank, Ludwig Eckert, Roman Grzyb, Uwe Barchmann, sedźo wotlěwa: Měrko Korjeńk, Michał Eiselt a Konrad Lipič  Foto: Měrko Korjeńk Pedagogojo-volleyballisća Budyskeho Serbskeho gymnazija wostanu tež po třećim hrajnym dnju načolnik wučerskeje ligi Budyskeho wokrjesa. Woni maja wulku šansu na titul, jeli kónc junija w Lubiju přećiwo kolegam SŠZC dobudu. Zady wotlěwa: Maćij Čižank, Ludwig Eckert, Roman Grzyb, Uwe Barchmann, sedźo wotlěwa: Měrko Korjeńk, Michał Eiselt a Konrad Lipič Foto: Měrko Korjeńk

48. volleyballowe mišterstwo wučerskich mustwow před rozsudom

Pedagogojo Budyskeho wokrjesa wotměchu minjeny tydźeń třeći hrajny dźeń volleyballoweho mišterstwa w sportowni Serbskeho šulskeho a zetkawanskeho centruma (SŠZC) w Budyšinje. Serbskej cyłkaj wobkrućištej znowa z dobyćemi swoju dominowacu rólu w tutej bulosportowej družinje (hlej tabulku). To zajimawe je, zo rozsudźi direktny duel 24. junija w Lubiju mjez Serbskim gymna­zijom Budyšin (SGB) a kombinowanym cyłkom SŠZC aktualne mišterstwo. Skónči-li so partija 2:1, maja samo wučerjo 5. SŠ-eks/Melanchthonowy gymnazij Bu­dyšin šansu na cyłkowne dobyće, jeli swoju hru 2:0 dobudu. Tak je hižo dźensa brizantny wukónc zaručeny.

SŠZC – 5. SŠ-eks/Melanchthonowy gym­na­zij 2:1 (22:25, 25:19, 15:7)

wozjewjene w: Sport
Prošu přizjewće so, chceće-li komentar podać

nawěšk