Hoberska postawa Chrystusa

wutora, 22. septembera 2015
artikl hódnoćić
(0 )

Wladiwostok (B/SN). Najwyša postawa Chrystusa na swěće ma nastać w ruskim přistawnym měsće Wladiwostoku nad Pacifikom. Figura „Chrystus, wučer“ je 33 metrow wysoka – po ličbje Jězusowych žiwjenskich lět. 50 metrow wysoki zakład twori ortodoksna cyrkej. Stworił je postawu w lěće 2013 georgisko-ruski wuměłc Zurab Cereteli, wot kotrehož su tež druhe monumentalne pomniki, mjez druhim bamža Jana Pawoła II. a carja Pětra­ I. Bjez 50meterskeho zakłada stej dwě figurje Chrystusa hišće wjetšej: jedna w pólskim Świebodźinje ze 36 metrami a tamna ze 34 metrami w boliwiskim Cochabamba. Postawa „Chrystus, wumóžnik“ w brazilskim Rio de Janeiru je 30 metrow wysoka.

Žada sej iniciatiwu UNO

wozjewjene w: Cyrkej a swět
Prošu přizjewće so, chceće-li komentar podać

nawěšk

nowostki LND