Načolnika mjerzali

wutora, 09. februara 2016
artikl hódnoćić
(0 )
Anne Fünfstück nadběhuje, w pozadku libera Halena Jancyna  Foto: Pětr Bart Anne Fünfstück nadběhuje, w pozadku libera Halena Jancyna Foto: Pětr Bart

Načolnik a druhi tabulki jako hosćej w Pančicach – to běše wužadanje za Marijine hwědźički. Jako předposlednje chcychu so tak droho kaž móžno předać. Trenar Ralf Wachsmann zastupuje měnjenje, zo móže we wobwodnej lize kóždy kóždeho porazyć. Na kóncu rozsudźi přeco kondicija hrajerkow.

Marijina hwězda – OSC Lubij 0:3 (21:25, 19:25, 15:25)

Hižo w Lubiju běchu prěnje rozestajenje z 0:3 přěhrali. Tež tónraz dźěše wěc „do cholowow“. Na spočatku kóždeje sadźby hišće sobu dźeržachu. Tola OSC ćišć zesylni. To bě za Marijine hwězdźički zahubne.

Marijina hwězda – VV Schönbach 2:3 (25:21, 17:25, 27:25, 11:25, 9:15)

Aktualny načolnik ze Schönbacha je skerje po słodźe Marijinych hwězdźičkow. W prěnjej hrě nazymu běchu přećiwnika z 3:1 přewinyli. Tehdy pobrachowaše hłowna nadběhowarka Schönbacha. Do Pančic přijědźechu z kompletnym mustwom. Tola tež to njepomhaše. Domjacy hrajachu kaž lědma hdy do toho. Dobyće bě zasłužene.

wozjewjene w: Sport

Galerija

dalši wobraz (1) Libera Cornelia Berndt wotwobara bul přećiwnika. Scenu wobkedźbuje přistajerka Anne Šołćic, kotraž swjećeše na tutym dnju swoje 25. narodniny.
Prošu přizjewće so, chceće-li komentar podać

Serbska debata

nowostki LND