Farar Christoph Rummel w Hodźiju zaso serbske kemše zawjedł
Farar ma z přikładom być – to je hladajo na křesćanske žiwjenje samozrozumliwe a hladajo na hajenje serbskeje kultury dobra tradicija. Zo móžeš pak tež jako rodźeny Němc a farar ze serbskorěčnym přikładom być, je w dźensnišim času skerje wusahowace. Farar Hodźijskeje ewangelsko-lutherskeje wosady swjateju Pětra a Pawoła Christoph Rummel je tajki wusahowacy přikład. W oktobrje 2008 je wón tamnišu wosadu přewzał.