Sprawny remisdypk wunjesł

wutora, 14. apryla 2015
artikl hódnoćić
(0 )

TTSV Korzym/Załom

– Viktoria Worklecy 8:8

Sobotu hrajachu Worklečanscy blidotenisća w Korzymje. Püschela naruna tónraz Jurij Šwejda z třećeho mustwa. Prěnju dwójku tworještaj Manuel Šołta a Marcel Linke, kotrajž Lehnarta a Jeckoscha z 3:0 suwerenje porazyštaj. Dalšej duelej dwójkow dobychu domjacy. Jeničce Šołta a Michał Mikławšk w prěnim kole jednotliwcow přeswědčištaj, tak zo steješe 6:3 za Korzym k połojcy hry. Zo bychu sej hosćo znajmjeńša dypk zaručili, dyrbjachu so jasnje stopnjować. Šołta doby 30. raz w sezonje, a po tym zo bě Straube Schulzu porazył, mějachu Worklečenjo w srjedźnym překřižnym porje móžnosć wurunać. Linke dominowaše Jeckoscha a Michał Mikławšk pokaza wospjet sensacionelny wukon w druhej połseriji, tak zo Viktoria nětko samo nawjedowaše. Po snadnym dobyću Křesćana Mikławška móhł Šwejda nachwatansku hońtwu pozłoćić. Lehnart pak jeho porazy a tak dyrbjachu zaso do rozsudneje dwójki. Kaž hižo dźeń do toho hosćo 2:3 podležachu, běchu pak hladajo na wotběh hry z dypkom spokojom.
K. Mikławšk

Za Viktoriju hrajachu: Manuel Šołta (2,5 dypkaj), Roman Straube (1), Marcel Linke (1,5), Michał Mikławšk (2), Křesćan Mikławšk (1) a Jurij Šwejda (0).

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND