Kónčny staw regionalneho wolejbuloweho finala – holcy
1. Serbski gymnazij Budyšin 6 6:0
2. Gymnazij Radeberg 4 4:2
3. Gymnazij Lubij 2 2:4
4. Pow.-šulski centrum Kamjenc 0 0:6
hólcy
1. Pow.-šulski centrum Zhorjelc 4 6:2
2. Serbski gymnazij Budyšin 2 4:4
3. Pow.-šulski centrum Kamjenc 0 2:6
Wolejbulistki 11. a 12. lětnika Serbskeho gymnazija Budyšin (SGB) wubědźichu sej we Wojerecach na regionalnym finalu šulerskeho wubědźowanja „Młodźina trenuje za olympiju“ złoto a hólcy samsneje starobneje klasy slěbro.
W stawiznach wolejbula Serbskeho gymnazija Budyšin docpě prěni raz jedne holče mustwo w najstaršej starobnej skupinje I (11. do 13. lětnik) na regionalnym finalu 1. městno. Bjez dźiwa, wšako nastupi we Wojerecach najwuspěšniše šulerske holče mustwo wuchodneje Sakskeje minjenych šěsć lět. Nimo šěsć złotych medaljow wuwojowachu sej hrajerki wokoło kapitanki Luizy Šubertec w sakskim finalu jónu slěbro, trójce bronzu a jónu šeste městno.
Serbski gymnazij Budyšin – Humboldtowy gymnazij Radeberg 2:0
FC Energija Choćebuz
– 1. FC Magdeburg 1:0 (0:0)
Zestawa domjacych: Spahić – Starcew (87. Grundmann), Matuwila, Konrad (46. Raak), Schlüter, Zickert (46. Knechtel), Geisler (72. Graudenz), Schneider, Rangelow (65. Broschinski), Mamba, Scheidhauer (83. Baude)
W žanej fazy přećelskeho duela mjez zastupjerjom z druheje koparskeje ligi Němskeje Magdeburg a klasu niže hrajacej FC Energiju njebě klasowy rozdźěl spóznajomny. A to zaležeše na tym, zo su aktualnje dźewjeć zranjenych hrajerjow młodźi koparjo FCE jara derje a energisce zastupowali. Přeco zaso woni hosći z Magdeburga nadběhowachu a njedachu jim tak trěbne rumy k rozwiću. Tajku wurunanu partiju zamołwići wočakowali njeběchu. Dźesać mjeńšin do kónca Energija duel potom za sebje rozsudźi. Kevin Scheidhauer bě schowany pas do centrale hrał, w kotrejž startowaše 18lětny Moritz Broschinski do směra na wrota hosći a muža w klětce Alexandera Brunsta k wjeselu 812 přihladowarjow k 1:0 přewiny.
Do dalšich dypkowych hrow po zymskej přestawce wotmołwi coach FCE Claus-Dieter Wollitz na sćěhowace hesła:
W mjezyfazy do prěnjeho lětušeho starta w rjadnymaj lisćinomaj Drježdźanska wobwodna lisćina a Wopačanski cup běharjow 2019 su so mnozy atleća hišće na tajkich tradicionalnych wurisanjach wubědźowali, kaž su to kóždolětnej silwesterskej běhaj w Budyšinje a Oberlichtenauwje a nowolětny běh we Wojerecach. Spočatk noweho lěta je cyle wěsće kóždy sportowc wo wukonach na swojim polu přemyslował. Wšako chce wědźeć, hač su so nałožena móc a wudawki zadanili a kak ma so na sezonu hišće lěpje přihotować.
Nětko přihotuja so běharjo na nowu sezonu. Nimo zaso intensiwneho treninga w přirodźe při najwšelakorišim wjedrje činja woni to po datych móžnosćach a wuměnjenjach wězo tež na sněhakach abo smykačach. Momentanje su dotalne přihoty w našich kónčinach za wurunanje tajkeho treninga wosebje na lodźe date. Štóž pak dyrbi runje w tutej dosć ćežkej fazy za ćěło a duch dźěle ze swojeho intensiwneho treninga šmórnyć, dyrbi potom w poprawnej wubědźowanskej sezonje wosebje we wutrajnosći ze słabšimi wukonami ličić.
Józef Šwon a Jan Hrjehor, zamołwitaj Serbskeho Sokoła za 37. sokołski wolejbulowy turněr wo pokal Domowiny, staj sobotu we Worklečanskej sportowni zhromadnje z wolejbulistkami Hrajneho zjednoćenstwa Pančicy-Worklecy stafli za turněr wulosowałoj, kotryž budźe 2. měrca w sportowni na Budyskim Třělnišću.
Dokelž wotmě so wulosowanje do partijow Pančičankow a Worklečankow we wobwodnej lize, móžeše hnydom 14 wolejbulistkow 14 losow z losowanskeje šklě wućahnyć. Hłowje staflow A a B tworitaj finalistaj zašłeho lěta. Na A1 bu cyłk Serbskeho domu Budyšin sadźeny, na B1 zakitowar pokala Bratrowstwo Róžant. Tak je najprjedy raz zaručene, zo mustwje w skupinskej fazy přećiwo sebi njenastupitej.
W staflomaj budźe w předkole kóždy přećiwo kóždemu hrać, potom dobyćer stafle A přećiwo druhemu stafle B w prěnim połfinalu a dobyćer stafle B přećiwo druhemu stafle A w druhim połfinalu. W kónčnym kole wubědźuja so mustwa potom jenož hišće wo městna 1 do 14.
Tež lětsa zaso je so prěnje koparske mustwo muži Sportoweho towarstwa Marijineje hwězdy w Husce na halowym koparskim turněrje wo pokal firmy Berry-Metall wobdźěliło.
Pančičanscy koparjo nastupichu bjez wuwučeneho wrotarja. Pólny hrajer Matijas Wróbl, hewak jako škitar zasadźeny, zastupowaše poprawneho wrotarja Olivera Schmidta a pokaza dobre akcije.
Awtor dźensa
Beno Šołta
Budźe formula E naslědnik formule 1? Z tymle prašenjom započa so njedawny interview z Nicom Rosbergom, kiž je něhdyši swětowy mišter formule 1. Poprawom mje woboje wulce njezaběra. Formulu 1 sym jako młodostny rady hladał, mjeztym sym lóšt na njej zhubił, dokelž je mi tróšku přewostudła. Po interviewje z Rosbergom pak pohladach raz do formule E.
Kopańca na kumštnym trawniku
Přihotowanske koparske hry budu sobotu a njedźelu nimale wšitke na kumštnym trawniku. Regionalny ligist Budissa Budyšin hraje jutře w 11 hodź. w Humboldtowym haju přećiwo Radebeulskemu BC. Njedźelu potom na kumštnymaj trawnikomaj w Kamjencu a we Wojerecach za bulom honja. W Lessingowym měsće wot 11 hodź. SJ Njebjelčicy – SG Großnaundorf a w 14 hodź. SJ Chrósćicy – ST Porchow. Testowu hru Módro-běli Kulow – ST Ćisk zahwizda sudnik André Wende jutře w 13 hodź. we Wojerecach.
FCE startuje do dypkowych hrow
W třećej koparskej lize Němskeje startuje FC Energija Choćebuz jutře do dypkowych hrow lěta 2019. Wot 14 hodź. rěka jeho přećiwnik w Stadionje přećelstwa SV Wehen Wiesbaden.
Wulosuja skupiny za pokal
Za 37. sokołski wolejbulowy turněr wo pokal Domowiny wulosuje Serbski Sokoł jutře w 12.45 hodź. we Worklečanskej sportowni dwě skupinje. Losowanske soniny budu wolejbulistki Hrajneho zjednoćenstwa Pančicy-Worklecy. Prěnju sobotu w měrcu chce dohromady 14 mustwow wo pućowanski pokal Domowiny při wysokim saku nastupić.
Wolejbul jutře a za tydźeń
Wolejbul, wobwodna liga – mužojo
1. Volleys Koblicy 11 33 : 5 33
2. CVJM Zhorjelc 10 27 : 13 25
3. Viktoria Worklecy 9 22 : 13 18
4. ST Wulka Dubrawa 11 17 : 24 13
5. Módro-běli Wojerecy II 9 16 : 15 12
6. TSV Niederoderwitz 10 13 : 24 10
7. TSV Kundraćicy 9 13 : 23 8
8. MSV Bautzen 04 II 10 15 : 25 8
9. OSSV Kamjenc 9 10 : 24 5
TSV Niederoderwitz
– Viktoria Worklecy 3:2
(25:18, 22:25, 25:18, 19:25, 15:11)
Po grandioznym wukonje wolejbulistow Viktorije Worklecy w sakskim krajnym pokalnym kole čakaše na nich we wobwodnej lize minjenu sobotu zaso dypkowa hra. K zazběhej druheje połserije wjedźeše jich puć do Žitawskich horin k TSV Niederoderwitzej. Na papjerje běchu hosćo jasny faworit, předznamjenja do hry pak běchu špatne. Z Janom Bětnarjom a kapitanom Ludwigom Eckertom pobrachowaštaj hnydom dwaj sylnaj hrajerjej, jedyn zranjenja a tamny schorjenja dla. Tak steješe znowa jeno sydom mjenow Worklečanskich hrajerjow na hrajnym protokolu. Šelma by nětko snano prajił: „Tak njedawa znajmjeńša žane prašenje wokoło zestawy.“