Jonas Krawčikrozsudne wrota docpěł

póndźela, 07. awgusta 2017 spisane wot:

FSV Budissa Budyšin – TSG Neustrelitz 1:0 (0:0)

Zestawa Budissy: Ebersbach – Kunze, Hausdorf, Hoßmang, Heppner, Krawčik, Pfanne, Rosendo, Schmidt (79. Mack), Bönisch (75. Gehrmann), Hänsch (62. Müller)

7. koparski camp Ewag Kamjenc

póndźela, 07. awgusta 2017 spisane wot:
57 dźěći je so při Baltiskim morju w štwórtym prózdninskim tydźenju na sedmym koparskim campje Zapadołužiskeho koparskeho zwjazka wobdźěliło. Woni přebywachu w Fuhlendorfje w bliskosći połkupy Zingst. 55 hólcow a dwě holcy běchu z 20 sportowych towarstwow z cyłeho wokrjesa Budyšin, ale tež ze Zhorjelca, Drježdźan, Mišna, Kamjenicy a samo Magdeburga. Tójšto z nich wězo k prěnjemu razej. Starało je so wo dźěći 16 dorosćenych mjez kotrymiž bě tež Budyšan Józef Šwon, čłon předsydstwa Serbskeho Sokoła. Jurij Bjeńš

Dynamocampw Delanach

póndźela, 07. awgusta 2017 spisane wot:
Koparska šula Dynama Drježdźany budźe w oktoberskich prózdninach zaso prózdninski camp w Ralbicach pola Sokoła Ralbicy/Hórki zarjadować. Wot 9. do 13. oktobra smědźa tam dźěći (holcy a hólcy) wot 7 do 14 lět kóždy dźeń pod nawodom profesionalnych nazwučowarjow trenować. Camp płaći 194 €, swójby z wjacorym dźěćimi dóstanu 10% rabata. Dalše informacije namakaće na stronje www.dynamo-dresden.de. SN

Widźał, słyšał, napisał (07.08.17)

póndźela, 07. awgusta 2017 spisane wot:
Awtor dźensa André Strelow

Skónčnje je tež pola nas tak daloko. W Němskej kopańcy swjećeše kónc tydźenja widejowy sudnik swoju premjeru. Žadanje, tajkeho sudnika skónčnje zasadźić, bu w zašłych lětach stajnje wótřiše. Sportowe towarstwa a zamołwići koparksich cyłkow pytachu přičinu swójskeje poražki prawidłownje mjez sudnikami. W supercupje, hdźež hrajachu lońši mišter FC Bayern Mnichow a pokalny dobyćer Borussia Dortmund přećiwo sebi, techniku hižo zasadźichu. Diskusije pak wostanu. Přihladowarjam rozsudy mjenujcy transparentne njejsu. Njepokazaja wšak w telewiziji, kak widejowy sudnik swoje dźěło wukonja a po kotrych kriterijach wón doskónčny rozsud twori. Hač je Joshua Kimmich w nimohrě stał abo nic, njehodźeše so zašłu sobotu hižo doskónčnje dopokazać. Wćipny sym tež, kak so technika přez dlěši čas wuwije. Před dwěmaj tydźenjomaj wobhladach sej w Lipsku swětowe mišterstwa w tesakowanju. Tam hižo wjacore lěta widejoweho sudnika zasadźuja. Při dwělomnych dypkach móže sej jednotliwc zasadźenje widejoweho sudnika wuprosyć.

Wuslědki (07.08.17)

póndźela, 07. awgusta 2017 spisane wot:

Regionalna koparska liga

Neugersdorf – ZFC Meuselwitz 3:1 (1:0)

TSG Neustrelitz – VfB Auerbach 2:1 (0:1)

FSV Nordhausen – Berlinski AK 3:0 (1:0)

FSV Luckenwalde – Hertha BSC II 0:2 (0:0)

Ener. Choćebuz – Bud. Budyšin 3:1 (2:0)

Altglienicke – Halberstadt 0:1 (0:1)

Chemija Lipsk – Babelsberg 03 1:0 (0:0)

Fürstenwalde – 1. FC Lok Lipsk 0:2 (0:0)

1. Energija Choćebuz 3 12 :1  9

2. FC Neugersdorf 3 7 :2  7

3. 1. FC Lok Lipsk 3 3 :0  7

4. FSV Nordhausen 2 4 :1  4

5. FSV Fürstenwalde 3 6 :5  4

6. SV Babelsberg 03 3 2 :2  4

7. VfB Halberstadt 3 2 :3  4

8. Berlinski AK 3 4 :6  4

9. BFC Dynamo 1 4 :1  3

10. FC Viktoria 1 2 :0  3

11. ZFC Meuselwitz 2 2 :3  3

12. Hertha BSC II 3 4 :6  3

13. Budissa Budyšin 3 2 :6  3

13. TSG Neustrelitz 3 2 :6  3

15. BSG Chemija Lipsk 3 1 :6  3

16. VfB Auerbach 3 3 :4  2

17. VSG Altglienicke 3 1 :3  1

Sport (04.08.17)

pjatk, 04. awgusta 2017 spisane wot:

Dypkowa kopańca

Regionalna koparska liga-sewjerowuchod ma kónc tydźenja hižo třeći hrajny dźeń. Na hrajnym planje steji tam mjez druhim koparski derby mjez mustwomaj z Delnjeje a Hornjeje Łužicy. Sobotu wot 13.30 hodź. wočakuje FC Energija Choćebuz Budissu Budyšin. We wyšej lize­-stafli juh maja prěni hrajny dźeń. W Kamjencu nastupi jutře, sobotu, wot 14 hodź. Jednota přećiwo FC Carl Zeiss Jenje II.

Poslednja stacija beachtury

Volleyballowe mustwo Škit Budyšin wuhotuje póndźelu, 7. awgusta, poslednju staciju 4. beachvolleyballoweje tury Radija Satkula. Hry přewjedu wot 18 hodź. w sportowym parku MSV Budyšin na Nowosólskej dróze 57. Wulke finale budźe 28. awgusta w Miłoćicach.

Za Powerserb so přizjewić

Lětuše sportowe wubědźowanje Powerserb budźe 9. septembra wot 13 hodź. w Kopšinje. Wšako jón tamniše mustwo Traktor Kopšin wuhotuje. Z młodźinskim towarstwom Pawk, kotrež je zarjadowar, su so traktorisća na wosom stacijow dojednali. Startowy pjenjez wučinja dźesać eurow a mustwo ma wobstać z pjeć hólcow a jedneje holcy. Přizjewjenja su móžne na Facebooku pod Flex Wokx.

Bilancablidotenistow z Konjec

štwórtk, 03. awgusta 2017 spisane wot:

Přewšo wuspěšni běchu blidotenisća Konječanskeho DJK w sezonje 2016/2017. W prěnjej wokrjesnej lize, stafli I je prěnje mustwo z 32:4 dypkami suwerenje dobyło. Konječanska lěpšina porno tamnym zastupnistwam bě, zo mějachu lědma wupady. Jeničce Pětr Bejma bě zranjenja dla dlěši čas wupadnył. W rjadnych lisćinach bu Maćij Kokla w hornim křižnym porje z 21:13 dypkami sedmy. Alojs Čóška, hewak najlěpši Konječan, njebě ze swojej bilancu 14:22 dypkow spokojom. W srjedźnym křižnym porje je Dierk Šewc 28:8 dypkow docpěł a prěnje městno wobsadźił. Třeći bu z 25:11 dypkami Andrej Čórlich. Prěni bu tež Michał Elstner – a to w delnim křižnym porje z 22:8 dypkami. Z 15:7 dypkami bě Pětr Bejma pjaty.

Druhe a třeće mustwo DJK Konjec hraještej wobě w prěnjej wokjesnej klasy. Z 19:17 dypkami bu druhe mustwo štwórte tabulki. Najsylniši Konječenjo běchu Jurij Brězan z 21:1, Dietmar Hrjehor z 21:13 a Stefen Woko ze 17:17 dypkami. Třeće mustwo bu z 11:25 ličakami w kónčnym hódnoćenju dźewjate. Norbert Gall wšak cyłu sezonu wupadny, hewak by lěpše zaměstnjenje móžne było. Najlěpšej běštaj Frank Šołta z 19:5 a Daniel Zukunft ze 16:14 dypkami.

Testowu hru w Pólskej dobyli

štwórtk, 03. awgusta 2017 spisane wot:

NKS Start Namysłów

– SJ Chrósćicy 2:3 (2:0)

Zestawa hosći: M. Cyž – Kunze, M. Zahrodnik, L. Zahrodnik, F. Cyž, D. Bogusz, Młynk, Věchet, Němec, J. Bogusz, Krá­líček

Wot minjeneho štwórtka hač do njedźele běchu koparjo 1. mustwa Chróšćanskeje SJ w treningowym lěhwje w Pólskej. A na kóncu přewjedźechu testowu hru přećiwo NKS Startej Namysłów. Dokelž knježachu tropiske temperatury, so mustwje dojednaštej jenož dwójce 35 minutow hrać. Chróšćanskaj trenar Pavel Runt a rutinjej Miroslav Sentivan chcyštaj so za pokalne a dypkowe hry w přichodnej sezonje šonować. Tak bě zestawa hosći poměrnje młoda a njena­zhonita. Najebać to pokazachu woni dobry wukon.

Přiwšěm Namysłów hru wot spočatka dominowaše. Wosebje jeho jara spěšni a technisce sylni nadběhowarjo přeswědčichu. Tak docpě hosćićel w 19. min. zasłužene 1:0. Najebać wulku prócu so Chróšćanam w ofensiwje do połčasa ničo tak prawje njeporadźi.

TSG Neustrelitz

– FC Energija Choćebuz 0:4 (0:1)

Zestawa hosći: Meyer-Schade – Starcew, Matuwila, Viteritti, Mamba, De Freitas Costa, Zimmer (78. Ziegenbein), Kruse (66. Geisler), Stein, Schlüter, Förster (66. Gehrmann)

Z wonkownym dobyćom 4:0 pola TSG Neustrelitza je Energija Choćebuz wuspěšnje do sezony 2017/2018 regionalneje koparskeje ligi-sewjerowuchod startowała a so najprjedy raz na prěnje městno tabulki sunyła. Hač do přestawki wšak rěkaše jenož 1:0, po tym zo bě Fabio Viteritti (26.) pokutny kop přetworił.

W druhim połčasu pak běchu koparjo z Delnjeje Łužicy hišće trójce wuspěšni. Z dwójnym dyrom přez Marcela de Freitasa Costu (53.) a Strelija Mambu (57.) běchu woni zazběhowemu dobyću sezony kročeli bliže. Mamba docpě pjeć mjeńšin do wothwizdanja hry swoje druhe wrota dnja, kotrež­ wjedźechu zdobom ke kónčnemu 4:0.

Zakitować chce FC Energija načolnu poziciju tež w domjacymaj hromaj. Najprjedy přijědźe k njej dźensa do Stadiona přećelstwa postupnik Chemija Lipsk, prjedy hač pohosći wona sobotu hornjołužiskich koparjow Budissy Budyšin. Georg Zielonkowski

Na nowu sezonu přihotowani

srjeda, 02. awgusta 2017 spisane wot:
Tole je zestawa koparskeho mustwa Módro-běli Kulow za hrajnu dobu 2017/2018: Zady wotlěwa su to Norbert Kubaink, Alexander Lohan, Tobias Pohl, Paul Graf, Marcus Thomas, Benjamin Pohl; srjedźa wotlěwa trenar Dirk Rettig, Felix Brückner, Jan Pfennig, Bjarnat Korch, Simon Kubaink, John-Pascal Streicher, Tino Schapals, mustwowy nawoda Vitus­ Rudolf; deleka wotlěwa Paul Kockert, Steve Bergmann, Paul Korch, Maik Nicolaides, Clemens Mattick. Na wobrazu pobrachuja: Martin Sauer, Christoph Rettig, Frank Popella, Mario Korch, Christian Adler, Marcus Thomas a Frank Wittek. Foto: Werner Müller

Serbska debata

nowostki LND