Njelepje so zadźerželi
FC Energija Choćebuz – Budissa Budyšin 3:1 (2:0)
Zestawa Energije: Alexander Meyer-Schade – Andrej Startsev, Jose Matuwila, Marc Stein, Lasse Schlüter, Tim Kruse, Fabio Viteritti (89. Paul Gehrmann), Marcelo De Freitas Costa, Maximilian Zimmer (58. Felix Geisler), Benjamin Förster, Streli Mamba (80. Malte Karbstein)
Zestawa Budissy: Maik Ebersbach – Johann Weiß (33. Eduardo Rosendo), Jonas Krawčik (64. Jonas Mack), Franz Hausdorf (80. Paul Milde), Tony Schmidt, Daniel Hänsch, Tobias Heppner, Franz Pfanne, Martin Hoßmang, Kevin Bönisch, Sepp Kunze
Wyšoklasowe mustwo porazyli
Sokoł Ralbicy/Hórki – FV Gröditz 2:1 (1:1)
Zestawa domjacych: K. Gloxyn – Rawš, Šewc, Korjeńk, B. Bjeńš, St. Bjeńš, D. Gloxyn, Wowčerk (89. J. Bjeńš), Matka, Janca (80. Młynk), G. Kurjat
Po dobyću wokrjesneho pokala w juniju smědźachu Sokoljo njedźelu doma přećiwo mustwu FV Gröditz w prěnim kole Sakskeho pokala nastupić. Wězo bě hósć do partije faworit. Nic jenož, dokelž hraje w krajnej klasy, ale dokelž dyrbja Sokoljo tež dale hrajerjow kaž Pětra Domašku, Bosćija Bejmu abo Antoniusa Wałdu narunać. Wšitcy su přeco hišće zranjeni.
Koparski wječor z pjeć wrotami krónowany
FC Energija Choćebuz – Chemija Lipsk 5:0 (1:0)
Zestawa Energije: A. Meyer-Schade – Andrej Startsev, Jose Matuwila, Dabio Viteritti, Streli Mamba, Marcelo De Freitas Costa (78. B. Ziegenbein), Maximilian Zimmer (70. F. Geisler), Tim Kruse (60. J. Zickert), Marc Stein, Lasse Schlüter, Benjamin Förster
Jonas Krawčikrozsudne wrota docpěł
FSV Budissa Budyšin – TSG Neustrelitz 1:0 (0:0)
Zestawa Budissy: Ebersbach – Kunze, Hausdorf, Hoßmang, Heppner, Krawčik, Pfanne, Rosendo, Schmidt (79. Mack), Bönisch (75. Gehrmann), Hänsch (62. Müller)
7. koparski camp Ewag Kamjenc
Dynamocampw Delanach
Widźał, słyšał, napisał (07.08.17)
Skónčnje je tež pola nas tak daloko. W Němskej kopańcy swjećeše kónc tydźenja widejowy sudnik swoju premjeru. Žadanje, tajkeho sudnika skónčnje zasadźić, bu w zašłych lětach stajnje wótřiše. Sportowe towarstwa a zamołwići koparksich cyłkow pytachu přičinu swójskeje poražki prawidłownje mjez sudnikami. W supercupje, hdźež hrajachu lońši mišter FC Bayern Mnichow a pokalny dobyćer Borussia Dortmund přećiwo sebi, techniku hižo zasadźichu. Diskusije pak wostanu. Přihladowarjam rozsudy mjenujcy transparentne njejsu. Njepokazaja wšak w telewiziji, kak widejowy sudnik swoje dźěło wukonja a po kotrych kriterijach wón doskónčny rozsud twori. Hač je Joshua Kimmich w nimohrě stał abo nic, njehodźeše so zašłu sobotu hižo doskónčnje dopokazać. Wćipny sym tež, kak so technika přez dlěši čas wuwije. Před dwěmaj tydźenjomaj wobhladach sej w Lipsku swětowe mišterstwa w tesakowanju. Tam hižo wjacore lěta widejoweho sudnika zasadźuja. Při dwělomnych dypkach móže sej jednotliwc zasadźenje widejoweho sudnika wuprosyć.
Wuslědki (07.08.17)
Regionalna koparska liga
Neugersdorf – ZFC Meuselwitz 3:1 (1:0)
TSG Neustrelitz – VfB Auerbach 2:1 (0:1)
FSV Nordhausen – Berlinski AK 3:0 (1:0)
FSV Luckenwalde – Hertha BSC II 0:2 (0:0)
Ener. Choćebuz – Bud. Budyšin 3:1 (2:0)
Altglienicke – Halberstadt 0:1 (0:1)
Chemija Lipsk – Babelsberg 03 1:0 (0:0)
Fürstenwalde – 1. FC Lok Lipsk 0:2 (0:0)
1. Energija Choćebuz 3 12 :1 9
2. FC Neugersdorf 3 7 :2 7
3. 1. FC Lok Lipsk 3 3 :0 7
4. FSV Nordhausen 2 4 :1 4
5. FSV Fürstenwalde 3 6 :5 4
6. SV Babelsberg 03 3 2 :2 4
7. VfB Halberstadt 3 2 :3 4
8. Berlinski AK 3 4 :6 4
9. BFC Dynamo 1 4 :1 3
10. FC Viktoria 1 2 :0 3
11. ZFC Meuselwitz 2 2 :3 3
12. Hertha BSC II 3 4 :6 3
13. Budissa Budyšin 3 2 :6 3
13. TSG Neustrelitz 3 2 :6 3
15. BSG Chemija Lipsk 3 1 :6 3
16. VfB Auerbach 3 3 :4 2
17. VSG Altglienicke 3 1 :3 1
Sport (04.08.17)
Dypkowa kopańca
Regionalna koparska liga-sewjerowuchod ma kónc tydźenja hižo třeći hrajny dźeń. Na hrajnym planje steji tam mjez druhim koparski derby mjez mustwomaj z Delnjeje a Hornjeje Łužicy. Sobotu wot 13.30 hodź. wočakuje FC Energija Choćebuz Budissu Budyšin. We wyšej lize-stafli juh maja prěni hrajny dźeń. W Kamjencu nastupi jutře, sobotu, wot 14 hodź. Jednota přećiwo FC Carl Zeiss Jenje II.
Poslednja stacija beachtury
Volleyballowe mustwo Škit Budyšin wuhotuje póndźelu, 7. awgusta, poslednju staciju 4. beachvolleyballoweje tury Radija Satkula. Hry přewjedu wot 18 hodź. w sportowym parku MSV Budyšin na Nowosólskej dróze 57. Wulke finale budźe 28. awgusta w Miłoćicach.
Za Powerserb so přizjewić
Lětuše sportowe wubědźowanje Powerserb budźe 9. septembra wot 13 hodź. w Kopšinje. Wšako jón tamniše mustwo Traktor Kopšin wuhotuje. Z młodźinskim towarstwom Pawk, kotrež je zarjadowar, su so traktorisća na wosom stacijow dojednali. Startowy pjenjez wučinja dźesać eurow a mustwo ma wobstać z pjeć hólcow a jedneje holcy. Přizjewjenja su móžne na Facebooku pod Flex Wokx.
Bilancablidotenistow z Konjec
Přewšo wuspěšni běchu blidotenisća Konječanskeho DJK w sezonje 2016/2017. W prěnjej wokrjesnej lize, stafli I je prěnje mustwo z 32:4 dypkami suwerenje dobyło. Konječanska lěpšina porno tamnym zastupnistwam bě, zo mějachu lědma wupady. Jeničce Pětr Bejma bě zranjenja dla dlěši čas wupadnył. W rjadnych lisćinach bu Maćij Kokla w hornim křižnym porje z 21:13 dypkami sedmy. Alojs Čóška, hewak najlěpši Konječan, njebě ze swojej bilancu 14:22 dypkow spokojom. W srjedźnym křižnym porje je Dierk Šewc 28:8 dypkow docpěł a prěnje městno wobsadźił. Třeći bu z 25:11 dypkami Andrej Čórlich. Prěni bu tež Michał Elstner – a to w delnim křižnym porje z 22:8 dypkami. Z 15:7 dypkami bě Pětr Bejma pjaty.
Druhe a třeće mustwo DJK Konjec hraještej wobě w prěnjej wokjesnej klasy. Z 19:17 dypkami bu druhe mustwo štwórte tabulki. Najsylniši Konječenjo běchu Jurij Brězan z 21:1, Dietmar Hrjehor z 21:13 a Stefen Woko ze 17:17 dypkami. Třeće mustwo bu z 11:25 ličakami w kónčnym hódnoćenju dźewjate. Norbert Gall wšak cyłu sezonu wupadny, hewak by lěpše zaměstnjenje móžne było. Najlěpšej běštaj Frank Šołta z 19:5 a Daniel Zukunft ze 16:14 dypkami.
