Z wotmołwu Gabriela njespokojom

srjeda, 03. junija 2015
artikl hódnoćić
(0 )

Slepo (AK/SN). Zwjazkowy minister za hospodarstwo a energiju Sigmar Gabriel (SPD) njewidźi za gmejnje Slepo a Trjebin potrjebu jednanja. „Na naše přeprošenje so wón ani poćahował njeje, runje tak nic na nowe zakładne zrěčenje, na socialnje znjesliwe přesydlenje, na zawěsćenje našeju gmejnow a na dalše žiwjenske pla­nowanje našich wobydlerjow“, podšmórny Slepjanski wjesnjanosta Reinhard Bork (CDU) na wčerawšim posedźenju gmejnskeje rady. Wón předčita wotmołwu hospodarskeho ministra na list wobeju gmejnow ze 16. apryla do Berlina.

W swojim spisu skedźbnja Sigmar Gabriel­ na wobzamknjenje zwjazkoweho knježerstwa 3. decembra. W nim dźe wo to, hač do 2020 kóžde lěto 22 mio. tonow wuhlikoweho dioksida zalutować. „Porno tomu bu loni dohromady 349 milionow tonow CO2 do powětra pušćene“, Gabriel pisa, „z toho njeje žane wohroženje brunicowych milinarnjow wučitajomne.“

wozjewjene w: Kraj a swět
Prošu přizjewće so, chceće-li komentar podać

Serbska debata

nowostki LND