Njehódna ćahańca

póndźela, 15. junija 2015
artikl hódnoćić
(0 )

Ćahańca grjekskeje zadołženja dla je spochi hórša – a zdobom dale a njezrozumliwiša. Pjenjezydawarjo wobstawaja na raznych reformach, Athenske knježerstwo ludnosći dalše wobćeženja njepřicpěwa.

Brüssel/Athen (dpa/SN/K). Wčera bě prezident komisije Europskeje unije spytał sposrědkować, wuspěcha wšak žadyn njedocpěł. Jeho rěčnik po tym w belgiskej stolicy Brüsselu rjekny: „Prezident Jean-Claude Juncker wostanje přeswědčeny, zo hodźi so ze zesylnjenymi prócowanjemi Grjekskeje wo reformy kaž tež z dobrej wolu wobeju stron do kónca měsaca rozrisanje namakać.“

Čas woprawdźe ćěka. 30. junija so dwójce podlěšeny pomocny program za Grjeksku kónči, potom hrozy jej statny bankrot. Nimo toho dyrbi Athen 30. junija měnowemu fondsej 1,6 miliardow eurow wróćić. Reformy pak su wuměnjenje za wupłaćenje sydom miliardow eurow pomocnych pjenjez.

wozjewjene w: Kraj a swět
Prošu přizjewće so, chceće-li komentar podać

Serbska debata

nowostki LND