×

Powěsć

Failed loading XML...

Čista Łužica je wulke wužadanje

póndźela, 10. awgusta 2015
artikl hódnoćić
(0 )

Janšojce (SN/JK). We wobłuku 5. łužiskeho klimoweho campa su škitarjo wobswěta a přećiwnicy zmilinjenja brunicy sobotu swój protest a žadanja na markantne wašnje před Janšojskej milinarnju zwuraznili. Protest měješe zjawnosć skedźbnić na palace problemy zmilinjenja brunicy. Hižo pjatk su z blokadu zachoda dźěłarnistwa BCE w Choćebuzu dźěłarnistwo namołwili, sobu zamołwitosć přewzać za strukturnu reformu.

Po studiji Stuttgartskeje uniwersity z lěta 2013 wustorkuje milinarnja koncerna Vattenfall telko drobnopróška, dusykowych oksidow, žiweho slěbra a dalšich škódnych maćiznow do powětra, zo so tak lětnje 4 000 lět žiwjenja niči. Statistisce woznamjenja to 373 dočasnych wumrěćow. „Z Janšojskej milinarnju wostanje najwjetši wustorkowar škódnych maćiznow na syći, a Němska dale a wjace miliny z brunicy do wukraja eksportuje. Je-li škit klimy za Vattenfall wjac hač jenož wuprajenje, měli tutu milinarnju skónčnje ze syće wzać a hasnyć“, žadaše sej Marvin Kracheel, zastupjer klimoweho campa.

wozjewjene w: Kraj a swět
Prošu přizjewće so, chceće-li komentar podać

Serbska debata

nowostki LND