Wohnjostroj wrotow pokazali

póndźela, 24. awgusta 2015
artikl hódnoćić
(0 )
Woči začinić a so přesadźić, běše cil Sokoła Pětra Domaški. Rodźeny Róžeńčan bě hižo po dwaceći sekundach za delanskich Sokołow wuspěšny.  Foto: J. Stephan Woči začinić a so přesadźić, běše cil Sokoła Pětra Domaški. Rodźeny Róžeńčan bě hižo po dwaceći sekundach za delanskich Sokołow wuspěšny. Foto: J. Stephan

Sokoł Ralbicy/Hórki

– Póst Germania Budyšin 5:1 (2:1)

Zestawa domjacych: Gloxyn – Lulak, B. Bjeńš, F. Bejma, von Köding, St. Bjeńš (88. M. Kurjat), Korjeńk, Wałda (63. Nuk), T. Bejma (44. Šołta), Domaška, B. Bejma

 Po hórkej derbyjowej poražce w Chrósćicach chcychu koparjo Sokoła Ralbicy/Hórki wčera pokazać, zo bě wukon tydźeń do toho negatiwne wuwzaće. Tak ležeše bul hižo po 20 sekundach prěni raz w klětce hosća. Bosćij Bejma, najsylniši Sokoł, posłuži swobodnje stejaceho Pětra Domašku, kiž do dołheho kuta přetwori. Po zažnym nawjedowanju domjacy hru dale kontrolowachu, prawe šansy pak njewuskočichu. Z ničeho přećiwnik z wólnym kopom (37.) wuruna. To bě šok Sokołam. Póst Budyšin bě přichodnym wrotam nadobo bliši hač woni. Krótko do połčasa pak bu Domaška w šěsnatce zadźeržany, a sudnik pokaza na jědnatku. Fabian Korjeńk ju k 2:1 wěsće přetwori.

wozjewjene w: Sport
Prošu přizjewće so, chceće-li komentar podać

Serbska debata

nowostki LND