Pola načolnika poražku poćerpjeli

wutora, 25. awgusta 2015
artikl hódnoćić
(0 )
Egon Hübner z mustwowym kolegu Robinom Jolitzom.  Foto: Torsten Zettl Egon Hübner z mustwowym kolegu Robinom Jolitzom. Foto: Torsten Zettl

FSV Zwickau – Budissa Budyšin 3:0 (2:0)

Zestawa hosći: J. Jakubov – Patka (82. Fröhlich), Klippel, Pfanne, Kral, Rosendo, Kolan, Čermák, Reher (58. Heppner), Hansch (88. Walther), Salewski

Koparjo Budissy Budyšin su w Zwickauwje přećiwo načolnikej regionalneje ligi nastupili. Wobaj cyłkaj běštej do hry hišće bjez poražki. Hosćo mějachu tři njerozsudne wuslědki na konće, domjacy tři dobyća bjez přećiwniskich wrotow. Trenar Budissy Tomaš Henčl by sej ze swojim­ mustwom rady dypk sobu domoj wzał, byrnjež wědźał, zo budźe to ćežko­. Do stadiona přišło je 2 027 přiwisnikow, mjez nimi 16 z Budyšina. Dwaceći mjeńšin bě hra wotewrjena a hosćićel njeměješe ani jeničku prawu móžnosć. Prěnja strašna třělwa Fricka pak dźěše do wrotow Budissy (22.). Na to měješe Hansch za nju šansu, přećiwnik pak tomu zadźěwa. W 30. min. bě to znowa Frick, kiž zwyši na 2:0. Hosćićel hru jasnje dominowaše a přećiwnikej nimale ničo wjace njedowoli.

wozjewjene w: Sport
Prošu přizjewće so, chceće-li komentar podać

Serbska debata

nowostki LND