Skutkowniše strategije trěbne

štwórtk, 27. awgusta 2015
artikl hódnoćić
(0 )
Hoberski nawal ćěkancow dožiwja tele dny Madźarska. Ludźo z arabskich krajow přichadźeja po tak mjenowanej balkanskej čarje  přez Serbisku. Połdra metra wysoki kałaty grót na mjezy jich njewottraša. Jeničce wčera su w Madźarskej wjace hač 3 200 migrantow zličili. Mjez nimi je tójšto swójbow z małymi dźěćimi, kaž tele foto pokazuje.  Foto: dpa/Darko Bandić Hoberski nawal ćěkancow dožiwja tele dny Madźarska. Ludźo z arabskich krajow přichadźeja po tak mjenowanej balkanskej čarje přez Serbisku. Połdra metra wysoki kałaty grót na mjezy jich njewottraša. Jeničce wčera su w Madźarskej wjace hač 3 200 migrantow zličili. Mjez nimi je tójšto swójbow z małymi dźěćimi, kaž tele foto pokazuje. Foto: dpa/Darko Bandić

Madźarska dožiwja nawal ćěkancow kaž nihdy

Wien/Budapest (dpa/SN/K). Dźiwajo na spochi sylniši krizowy nawal ćěkancow pyta Europska unija za skutkownymi strategijemi. Dźensa schadźuje so w awstriskej stolicy lěta 2014 załožena zapadobalkanska konferenca a wuradźuje wo přiběracej ličbje ćěkancow z tohole regiona. Na njej wobdźělenaj staj tež němska kanclerka Angela Merkel (CDU) a wonkowny minister Frank-Walter Steinmeier (SPD). Přitomni su nimo zamołwiteje EU za wonkowne naležnosće Federici Mogherini a italskeho ministerskeho prezidenta Matteja Renzija tohorunja šefojo knježerstwow Makedonskeje, Albanskeje, Bosniskeje-Hercegowiny, Kosowa, Mon­tenegra a Serbiskeje. Hišće do zahajenja konferency je sej wonkowny politikar EU Elmar Brok (CDU) žadał, wšitke zapadobalkanske staty spěšnje a po cyłej EU deklarować jako „wěste pochadne kraje“.

wozjewjene w: Kraj a swět
Prošu přizjewće so, chceće-li komentar podać

Serbska debata

nowostki LND