Drježdźany (SN/MkWj). Ze swjatočnej Božej mšu su wčera Drježdźansko-Mišnjanskeho biskopa dr. Heinera Kocha rozžohnowali. Mjez přitomnymi w kopatej połnej katedrali w Drježdźanach běchu mjez druhim prezident Sakskeho krajneho sejma dr. Matthias Rößler (CDU), biskop ewangelsko-lutherskeje krajneje cyrkwje Sakskeje dr. Carsten Rentzing, nutřkowny minister Markus Ulbig (CDU) kaž tež frakciscy předsydźa a zapósłancy w sejmje zastupjenych stron. Něhdyši ministerski prezident Sakskeje Kurt Biedenkopf bě runje tak přichwatał kaž zastupnicy prawosławneje cyrkwje a židowskeje wosady. Serbskich wěriwych zastupowaše předsyda Towarstwa Cyrila a Metoda Jurij Špitank. Nimo njeho běchu tež dalši Serbja prezentni.