Domowina budźe swoju klětušu dźěławosć ćežišćowje wopomnjeću zasłužbneho serbskeho prócowarja Jana Arnošta Smolerja składnostnje jeho 200. narodnin 3. měrca 2016 wěnować. To je jeje zwjazkowe předsydstwo wobzamknyło a z tym wočakowanje zwjazało, zo měli so Domowinjenjo na wšitkich runinach ze žiwjenjom a skutkowanjom wodźaceje wosoby serbskeho narodneho hibanja ze­znajomić.