Pruwowanje wobstali

srjeda, 30. septembera 2015
artikl hódnoćić
(0 )
Anne Fünfstück nadběhuje, Christin Opicec škita (wotlěwa).  Foto: Pětr Bart Anne Fünfstück nadběhuje, Christin Opicec škita (wotlěwa). Foto: Pětr Bart

Postupnik do wobwodneje volleyballoweje ligi ST Marijina hwězda je k prěnjej dypkowej hrě w Lubiju přećiwo VV Schönbachej nastupił.To bě k zazběhej twjerdy worjech, na druhim boku pak tež dobra móžnosć, přećiwo třećemu minjeneje hrajneje doby swoje zamóžnosće wupruwować.

ST Marijina hwězda – VV Schönbach 3:1 (25:17, 17:25, 25:20, 25:14)

Pančičanske volleyballistki podachu so z wulkej motiwaciju do hry. Přećiwnik wosta wužadanju napřećo skerje měrny. Wužiwaše čas mjez jednotliwymi akcijemi samo za bjesadu. To dźěše tež derje, dołhož bě sadźba wurunana. Ze seriju nadaćow wobradźi Susi Glücklichowa Marijinym hwězdźičkam nawjedowanje a sadźbowy bul. W druhim přechodźe přećiwniske hrajerki mjenje bjesadowachu a so bóle na hru koncentrowachu. Tak móžachu so rewanšować. Tež w třećej sadźbje wzachu wotežki do rukow. Hakle sylne nadaća Pančičanki Anne Fünfstück wotběh změnichu. Ze zastatka 13:14 wuwi so nawjedowanje 19:14. Z jara dobrym mustwowym wukonom zawěsćichu sej Marijine hwězdźički dalšej wuspěšnej sadźbje a zdobom prěnje dobyće­ we wobwodnej lize.

VV Schönbach – OSC Lubij 3:0

(25:15, 25:14, 25:21)

wozjewjene w: Sport
Prošu přizjewće so, chceće-li komentar podać

Serbska debata

nowostki LND