Wobmyslenja napřećo wobmjezowanju azyla

Berlin (dpa/SN/K). Wyšnosće Němskeje maja za to, zo přińdźe lětsa na wšěch 1,5 milionow ćěkancow do zwjazkoweje republiki. W poslednim kwartalu móže so z hač do 920 000 cuzymi přichadnikami ličić. Do zymy njeje tuž wočakować, zo nawal migrantow słabnje. Zwjazkowe knježerstwo bě dotal z toho wuchadźało, zo připućuje lětsa něhdźe 800 000 ćěkancow do Němskeje.