W prózdnjeńcy lawow dobyli

wutora, 17. nowembera 2015
artikl hódnoćić
(0 )
 Wid na nadaće Ludwiga Eckerta (nalěwo w pozadku) je přez Jurja Lipiča (22), Jana Bětnarja (5), Clemensa Eckerta (1), Stefana Gedika (4) a Marcela Rjelku (8) zaračeny. W Lubiju přesadźichu so Worklečanscy volleyballisća z 3:1 přećiwo cyłkej OSC Lubij.  Foto: Jörg Stephan Wid na nadaće Ludwiga Eckerta (nalěwo w pozadku) je přez Jurja Lipiča (22), Jana Bětnarja (5), Clemensa Eckerta (1), Stefana Gedika (4) a Marcela Rjelku (8) zaračeny. W Lubiju přesadźichu so Worklečanscy volleyballisća z 3:1 přećiwo cyłkej OSC Lubij. Foto: Jörg Stephan

OSC Lubij – Viktoria Worklecy 1:3 (25:23, 22:25, 14:25, 18:25)

Na tribunje Lubijskeje sportoweje hale je wulka módroběła chorhoj z napisom „Tu knježa lawy!“ připrawjena. Wuslědki zašłych lět wobkrućeja, zo je chětro ćežko sej w „prózdnjeńcy lawow“ dypki wubědźić. Bilanca mjez Worklecami a Lubijom je wurunana. Husto dyrbješe pjata sadźba duel rozsudźić. Sobotu pobrachowachu Worklečanam hnydom wobaj stajnaj wonkownaj nadběhowarjej. Jedyn měješe swójbnu přičinu, dalši je zranjeny. Na zbožo běše stary kapitan Clemens Eckert kónc tydźenja we Łužicy a wobsadźi jednu z wakantneju pozicijow ze wšej swojej rutinu a preciznosću. Dalšeho wonkowneho nadběhowarja zastupowaše Milan Budar z wulkej kuražu. A potom sedźe­štaj na ławce hišće dalšej hrajerjej, kotrajž chcyštaj swoju šansu wužić.

Prěnja sadźba skićeše to, štož wobaj cyłkaj wuznamjenja. Dynamiske hraće, zasadźenje, mócne nadběhi a finesu. Hač do 22:22 njewobsteješe za žadyn z cyłkow lěpšiny. Hakle někotre njekoncentrowanosće na stronje hosći postarachu so wo mólički předskok 25:23 za hosćićela.

wozjewjene w: Sport
Prošu přizjewće so, chceće-li komentar podać

Serbska debata

nowostki LND