Lochkoatleća SŠZC sej wjacore medalje wubědźili

srjeda, 13. januara 2016
artikl hódnoćić
(0 )
Na wobrazu Larissa Měrćinkec, šulerka Serbskeho gymnazija Budyšin, běh na distancy  800 m hišće nawjeduje. W cilu bě wona druha. Foto: Michał Nuk Na wobrazu Larissa Měrćinkec, šulerka Serbskeho gymnazija Budyšin, běh na distancy 800 m hišće nawjeduje. W cilu bě wona druha. Foto: Michał Nuk

Lědma je so nowe lěto započało, da dźěše za młodych sportowcow Budyskeho lochkoatletiskeho towarstwa OSLV hižo wo medalje a nowe wosobinske rekordy. Drježdźanske towarstwo DSC bě minjenu sobotu na regionalne halowe mišterstwa starobnych klasow U 12 do U 16 přeprosyło. Tež šulerjo Serbskeho šulskeho a zetkawanskeho centruma (SŠZC) Budyšin běchu sej tón abo tamny dobry wuslědk wuličili. Najmłódši při tym bě zdobom najwuspěšniši – Elias Kummer (M 10) ze serbskeje zakładneje šule wudoby sej w kóždej ze štyrjoch disciplinow, w kotrychž bě nastupił, medalju. Złota błyšćeše so po běhu 60 m přez płótki, hdźež so wón w sylnych 11,24 sek. jasnje wot wšitkich konkurentow wotsadźi. W dalokoskoku (3,74 m) a wysokoskoku (1,00 m) wubědźi sej slěbornej medali a wudospołni sadźbu z bronzu w sprinće 50 m (8,04 sek.).

wozjewjene w: Sport
Prošu přizjewće so, chceće-li komentar podać

Serbska debata

nowostki LND