Wo drasće ze žołtym křižom poručenje

póndźela, 20. apryla 2015
artikl hódnoćić
(0 )

Wuskutki wudobywanja brunicy tema na hłownej zhromadźiznje EFA

Budyšin (SN/at). Europska swobodna alianca (EFA) žada sej kónc brunicowych aktiwitow a podpěruje žadanja ciwilneje towaršnosće, swójski parlament Serbski sejmik wutworić. To stej Serbow potrje­ch­jacej wuslědkaj kónctydźenskeje hłow­neje zhromadźi­zny EFA w Budyšinje.

Nastróženi běchu sobotu w rjadach wobdźělnikow. Runje běchu rozprawy wo­bydlerskich iniciatiwow wo tym sły­šeli, kak zahubnje so wudobywanje brunicy na přirodu a žiwjenje wobydlerjow we Łužicy wuskutkuje. Rozprawjerjo praktikowanu politiku wobskoržowachu.

Młodźi ludźo z Katalonskeje, z kupy Korsika a z Waliziskeje běchu do toho swoje předstawy wopisali, kak měli Katalanojo, Korsojo a Walizojo za dwaceći lět w Europje žiwi być. Woni mějachu dora­zne hospodarjenje za wažne wuměnjenje. Tak njeměł turizm na Korsice dźěłowy zakład tamnišich ratarjow wohrozyć.

wozjewjene w: Kraj a swět
Prošu přizjewće so, chceće-li komentar podać

Serbska debata

nowostki LND