To a tamne (08.07.19)

póndźela, 08. julija 2019 spisane wot:

Swójskeho syna wobskoržiłoj staj staršej w Neuruppinje, dokelž bě jeju awto skradźu a bjez jězbneje dowolnosće wužiwał. Do toho běštaj chłostanku přespěšneho jězdźenja dla dóstałoj, na kotrejž bě 28lětny syn jako šofer spóznajomny. Dźeń po tym policisća jeho kontrolowachu a zwěsćichu přeco hišće 2,26 promilow alkohola w kreji. Młody muž wšak zastojnikam klučiki awta dobrowólnje přepoda.

W zawodźe za grilowanske wuhlo a přisłušk w Essenje je w nocy na njedźelu woheń wudyrił. Hašenske dźěła trajachu cyły dźeń, a płomjenja so jara spěšnje rozpřestrěchu. Hłowne twarjenje, hdźež bě material składowany, je so mjeztym sypnyło. Wulkeje horcoty dla njemóžachu so wobornicy hišće k centrumej wohenja předrěć a liča z hoberskej wěcnej škodu. Na zbožo so nichtó njezrani.

Rudne horiny čakaja na titul

pjatk, 05. julija 2019 spisane wot:

Baku (dpa/SN). Rozsudny kónc tydźenja to za region Rudne horiny/Krušnohoří: W azerbajdźanskim Bakuwje chcedźa na 43. lětnym posedźenju UNESCO wo tym rozsudźić, hač kónčinu na lisćinu swětoweho kulturneho herbstwa přiwozmu. Sakski ministerski prezident Michael Kretschmer (CDU) je so tuž zhromadnje z čěskej delegaciju do Bakuwa podał. Zamołwići so mjeztym 16 lět wo čestny titul prócuja. W Němskej ma jón dotal 44 městnosćow a regionow.

Syričenjo so nawróćeja

Damaskus (dpa/SN). Najebać trajace wojowanja w Syriskej so dźeń a wjace syriskich ćěkancow do swojeje domizny nawróća. Prěnje měsacy lěta je so hižo wjace hač 35 500 ludźi nawróćiło, kaž komisariat UNO za ćěkancow zdźěla. Najwjace Syričanow bě do Turkowskeje a Libanona ćeknyło. W Němskej dóstawaja woni pjenježnu podpěru, hdyž dobrowólnje domoj du. Minjenej lěće je nimale 800 syriskich ćěkancow w Němskej tajku podpěru wužiwało.

Dwělomna demonstracija mocy

Posledni šulski dźeń do wulkich prózdnin su wuknjacy Budyskich šulow we wobłuku hibanja „Fridays for future“ hišće raz za lěpši­ škit klimy demonstrowali. Zhromadnje ćehnjechu woni wot Němsko-Serbskeho ludoweho dźiwadła po Walskej hač na Trělnišćo­. Při tym stajnje zaso skanděrowachu: „My tu wótře wołamy, dokelž nam přichod kradnjeće.“ Po lětnich prózdninach chcedźa­ z tydźenskej pjatkownej akciju pokročować. Foto: SN/Maćij Bulank

Merkel na balkanskim wjeršku

pjatk, 05. julija 2019 spisane wot:

Poznań (dpa/SN). Němska zwjazkowa kanclerka Angela Merkel (CDU) je so dźensa zhromadnje z někotrymi kolegami EU w Pólskej z wodźacymi zastupnikami zapadobalkanskich statow zetkała. W Poznanju chcychu rozmołwne kontakty polěpšić a napjatosće přewinyć, kaž Angela Merkel do zarjadowanja připo­wědźi. Kraje na Balkanje maja wuhlady, Europskej uniji přistupić, dyrbja pak hišće tójšto wuměnjenjow spjelnić.

Napjatosće zbudźa mjez druhim dale trajacy konflikt mjez Serbiskej a Kosowom. W Běłohrodźe so spjećuja Kosowo připóznać, kotryž bě so lěta 2008 wot Serbiskeje wotpačił.

K wobdźělnikam lěta 2014 prěni króć zarjadowaneje konferency słušeja Serbiska, Albanska, Sewjerna Makedonska, Bosniska-Hercegowina, Montenegro, Kosowo­ a dźesać krajow Europskeje unije. Pólska konferencu lětsa zarjaduje.

To a tamne (05.07.19)

pjatk, 05. julija 2019 spisane wot:

Spodźiwnje wulki narostł je bywši francoski prezident Nicolas Sarkozy a je mjeztym samo wjetši hač jeho žona Carla Bruni. Tak znajmjeńša zdawa so to na foće na titulnej stronje magacina „Paris Match“. Dotal bě Sarkozy stajnje mjeńši hač Carla Bruni był. Po dźiwnych a wu­směšowacych ko­mentarach w interneće je magacin wěcku nětko rozjasnił. Fotografowali běchu jeju na schodach, při čimž steješe Sar­kozy schodźenk wyše hač jeho man­dźelska.

Nošenje žonow steji wot dźensnišeho w srjedźišću swětowych mišterstwow w finskim Sonkajärviju. 34 porikow je přizjewjenych, su mjez druhim z Ruskeje, Francoskeje, Němskeje, USA a Nowoseelandskeje. Mužojo dyrbja ze žonu na chribjeće 235,5 metrow dołhu čaru, połnu zadźěwkow, běžeć.

Krajny biskop dr. Carsten Rentzing wupraja so wo podpěrje Serbam w sakskej krajnej cyrkwi a wo jeje sebjezrozumjenju w towaršnosći

Krajny biskop Ewangelsko-lutherskeje krajneje cyrkwje Sakskeje dr. Carsten Rentzing bě hósć 73. serbskeho cyrkwinskeho dnja w Budyšinje. Próstwu wo interview z našim wječornikom je wón rady sćěhował.

Knježe krajny biskopje, hdyž je přeprošenje na Serbski cyrkwinski dźeń do Budyšina pola Was dóšło, ...

C. Rentzing: ... sym najprjedy tři dalše terminy šmórnył a sej prajił „Pojědu tam“.

W swojim přednošku w Michałskej cyrkwi sće wopřijeći „lud“ a „domizna“ z biblije wuwjedł. Wo nimaj so w přitomnosći přewšo kontrernje diskutuje. Kak sće na to reakcije z dźěłowych kruhow přiwzał?

Žane ranjenje zakonja

štwórtk, 04. julija 2019 spisane wot:

Karlsruhe (dpa/SN). Organizacija Němski wobswětowy škit (DUH) pohibuje so ze swojimi mnohimi skóržbami přećiwo předewzaćam na dobro přetrjebarjow w zakonskim wobłuku. Za zakoń znjewužiwace zadźerženje njeje žanych dopokazow, kaž Zwjazkowe zarjadniske sudnistwo dźensa w Karslruhe zwěsći. Mějićel předawarnje awtow bě DUH wobskoržił. Wón organizaciji wumjetowaše, zo přećiwo firmam financnych přičin dla skorži, zo by dobytk nadźěłała.

Zatajeja informacije

Moskwa (dpa/SN). Po hawariji na ruskim podnurjaku ze 14 mortwymi nochce Moskwa wšitke informacije k njezbožu wozjewić. Kaž z Krjemla rěka, su dźěl dopóznaćow wo wohenju na łódźi jako statne potajnstwo zastopnjowali. „Informacije słušeja do kategorije absolutnje tajnych datow“, zdźěli rěčnik Krjemla Dmitrij Pjeskow powěsćerni Interfax. Po prěnich informacijach je so 14 wosobow z jědojtymi płunami zadusyło. Dźěl wobsadki móžachu wuchować. Podnurjak je mjeztym zaso w zepěranišću sewjeromórskeje floty w Murmansku.

Wulkopósłanc skazany

W boju přećiwo wulkemu lěsnemu wohenjej na něhdyšim wojerskim zwučo­wanišću blisko mecklenburgsko-předpomorskeho Lübtheena chcedźa nětko priwatny wohnjowoborny­ tank wužiwać. Jězdźidło móža tam zasadźić, hdźež stara municija wěstotu wohnjowych wobornikow wohroža. Prěni wobydlerjo móžachu so do swojich bydlenjow nawróćić. Foto: dpa/Jens Büttner

Trump kritiku lěhwow dla wotpokazuje

štwórtk, 04. julija 2019 spisane wot:
Washington (dpa/SN). Prezident USA Donald Trump je kritiku njeznjesliwych wobstejnosćow w interněrowanskich lěhwach za migrantow w USA wotpokazał. „Mnozy z tych ilegalnych wukrajnikow su tam lěpje žiwi hač tam, zwotkelž přińdu, a pod wjele wěsćišimi wuměnjenjemi“, Trump wčera twitterowaše. Dyrbjeli-li interněrowani migranća hladajo na wobstejnosće w lěhwach podłu mexiskeje mjezy njezbožowni być, da „jim prajće, zo njech njepřińdu. Wšitke problemy rozrisane.“ Interny dohladowanski zarjad domizniskeho ministerstwa USA bě zwěsćił, zo su wobstejnosće w lěhwach zahubne, do kotrychž ćěkancow po ilegalnym překročenju mjezy tykaja.

Mnichow (dpa/SN). Předsyda Němskeje biskopskeje konferency kardinal Reinhard Marx by wjace transparency při cyrkwinskich rozsudach witał. „Sym 23 lět čłon biskopskeje konferency a wěm, što kontrowersne debaty woznamjenjeja“, rjekny Mnichowski a Freisingski arcybiskop wčera wječor na kóždolětnym přijeću diecezy w Mnichowje. Snadź by dobra ideja była, dźěl debatow „w telewiziji wusyłać, zo móhł so lud Boži wobdźělić“, Marx namjetowaše, „nic pak wšitko“. Něštožkuli drje dyrbi so dale za zawrjenymi durjemi wobrěčeć. Njeby pak škodźało, by-li zjawnosć wjace wo diskusijach w katolskej cyrkwi a wo pozicijach biskopow k tomu zhoniła.

nawěšk

SERBSKE NOWINY podpěruja:

Novi Sad – kulturna stolica Europy

nowostki LND