Łužica (11.09.15)

pjatk, 11. septembera 2015 spisane wot:

Wustaja mólby Gröszera

Choćebuz (dpa/SN/ch). Choćebuski wuměłstwowy muzej Dieselowa milinarnja pokaza wot jutřišeje soboty něhdźe 40 twórbow Berlinskeho molerja Clemensa Gröszera (1951–2014). Přehladka rjadu „Konstelacija“ traje hač do 15. nowembra. Wustajene budu wosebje samowobrazy a portrety dźowki wuměłca. Mólby su dopokaz trajneho zajima za jedyn sujet a pochadźeja předewšěm ze zawostajenstwa Gröszera. Dieselowa milinarnja je znata za swój bohaty fundus wuměłstwa z NDRskeho časa.

Přepytować přestali

Choćebuz/Hirschfelde (dpa/SN/ch). Choćebuske statne rěčnistwo je přestało přepytować nastupajo morjeneho wjelka, kotremuž bu hłowa wotćata. „Njejsmy skućićela zwěsćić móhli“, zdźěli rěčnik zarjada Horst Nothbaum. Mortwe zwěrjo běchu loni w decembru blisko Hirschfelde na mjezy k Sakskej našli. Podobny podawk sta so hižo samsne lěto w awgusće pola Luboraza. W tym padźe pak po słowach Nothbauma hišće přeń- dźenja přećiwo družinoškitnemu zakonjej dla přepytuja. Za to zamołwity je krajny kriminalny zarjad.

Žurle hrodu restawrowane

Wjele politiki ćěkancow dla

štwórtk, 10. septembera 2015 spisane wot:

Biskopja zesylnja angažement za zaměstnjenje ćěkancow

Berlin/Frankfurt n. M. (dpa/SN/K). Zo rozdźěla 160 000 ćěkancow po zawjazowacym kluču na wšitke čłonske staty Europskeje­ unije a zo dóstanje so Madźarskej, Italskej a Grjekskej tak woló­ženje, je kanclerka Angela Merkel (CDU) w generalnej debaće Němskeho zwjaz­koweho sejma „prawu kročel“ mjeno­wała. Mjeztym je Norwegska w lisće generalnemu sekretarej UNO Ban Ki-moonej namjetowała, přewjesć konferencu mjezynarodnych dawarjow za něhdźe dwanaće milionow přez wojowanja w Syriskej­ wuhnatych ludźi. Jutře zetkataj so w Praze wonkownaj ministraj Němskeje a Luxemburga z kolegami Visegrádskeje štyrki, zo bychu zhromadnje wo politice nastupajo ćěkancow wuradźowali.

Z aplawsom witana

štwórtk, 10. septembera 2015 spisane wot:
Berlin (dpa/SN). Zwjazkowa kanclerka Angela Merkel (CDU) je dźensa wotnožku Zwjakoweho zarjada za migraciju a ćěkancow w Berlinje-Spandauwje wopy­tała. Tam ju ćěkancy z přikleskom wi­tachu. Kanclerka wopyta tež prěnju při­jimarnju, hdźež ćěkancow registruja. W měšćanskim dźělu Kreuzberg poby wona w tak mjenowanej witanskej rjadowni. Tam migranća němčinu wuknu.

Bjez nowych dawkow

štwórtk, 10. septembera 2015 spisane wot:
Berlin (dpa/SN). Němska móže krizu ćěkancow po słowach hospodarskeho ministra Sigmara Gabriela (SPD) zmištrować, bjez toho zo dyrbjała wudawki za wobydlerjow skrótšić abo dawki zwyšić. To je móžno, dokelž je zwjazkowe knježerstwo swoje přilubjenje dodźeržało a so noweho zadołženja wzdało, rjekny wicekancler na dźensnišej debaće zwjazkoweho sejma wo etaće 2016 w Berlinje.

Bjez dojednanja

štwórtk, 10. septembera 2015 spisane wot:
Berlin (dpa/SN). Ministerscy prezidenća 16 zwjazkowych krajow su swoje wuradźowanja wo přichodnych financnych poćahach mjez krajemi wčera wječor bjez wuslědka skónčili. Po informacijach wobdźělnikow njemóžachu so na mechanizmy rozdźělenja dojednać. Pječa chce so hižo kónc tydźenja mały kruh ministerskich prezidentow zetkać, zo bychu přichodne koło přihotowali.

Suicid nad 60 lětami přiběra

štwórtk, 10. septembera 2015 spisane wot:
Berlin (dpa/SN). Kwota sebjemorjenja ludźi nad 60 lětami dale přiběra, štož dawa přičinu so starosćić. Tole zdźěla Němska załožba za škit pacientow składnostnje dźensnišeho swětoweho dnja suicida. Mjez kóždolětnje 10 000 ludźimi, kotřiž sej w Němskej žiwjenje bjeru, je 45 procentow nad 60 lětami, byrnjež tale skupina jeno 27 procentow wšeho wobydlerstwa wučinjała, kaž čłon předsydstwa załožby Eugen Brysch powěsćerni dpa zdźěli. Bohužel njeje na polu suicidneje profylaksy žane polěpšenje wotwidźomne. Po wšěm swěće sej kóžde lěto něhdźe milion ludźi žiwjenje bjerje. W Němskej z něhdźe 100 000 sebjemordarjow 10 000 wumrěje. „To je wjace mortwych hač přez wobchadne njezboža, mordarstwo, drogi a aids hromadźe“, Brysch informuje. Často ćerpja potrjecheni na depresije, kotrež nichtó njespóznawa. Załožić dyrbjał so tohodla akciski program, wěnowacy so z psychoterapeutiskimi a neurologiskimi fachowcacmi skupinje nad 60 lětami a poskićacy ludźom pomoc, kotruž mnozy nuznje trjebaja.

Diplomatisce wo Ukrainje

štwórtk, 10. septembera 2015 spisane wot:
Berlin (dpa/SN/K). Spočatk oktobra dóńdźe prawdźepodobnje w Parisu k zetkanju němskeje kanclerki Angele Merkel a francoskeho prezidenta Françoisa Hollandea z ruskim prezidentom Wladimirom Putinom a ukrainskim prezidentom Petrom Porošenkom. Rěčnik zwjazkoweho knježerstwa Steffen Seibert wobkrući, zo su wšitcy štyrjo politikarjo mjez sobu telefonujo so k tomu zwólniwi wuprajili. Tohorunja woni wobkrućichu, zo so z po- srědkowanjom trilateralneje kontaktneje skupiny 1. septembra dojednany přiměr za wuchodnu Ukrainu w dalokej měrje dodźerži. Přichodna wažna kročel de­eskalacije by była, wotćahnyć wójnski grat z fronty. 

To a tamne (10.09.15)

štwórtk, 10. septembera 2015 spisane wot:

To drje bě přechrobłe: Paduch je so w sauerlandskim Fröndenbergu do wob­choda wróćił, hdźež bě runje T-shirtaj pokradnył, a prašeše so předawarki za titu. Ta pak muža jako pakostnika spózna. Policisća­ 33lětneho zajachu. Spěšnje bě jasne, čehodla paduch titu trjebaše. Pola njeho namakachu kradnjene wěcy z pjeć wobchodow: T-shirty, płokadło, předešćnik, swěčki a gel za włosy. Na muža čaka nětko sudniska skóržba.

Runje na swojich 18. narodninach je so motorski pola Heilbronna na hromadźe błóta wobsunył. Při tym pak so jeno snadnje zrani. Młody muž jědźeše za nakładnym awtom, kotrehož zadnje wěko so njejapcy wočini a 200 kilogramow błóta z wodočisćernje so wula. 18lětny zhubi kontrolu nad motorskim a padny. Najebać to wupřachu jemu zastojnicy wjele zboža do noweho žiwjenskeho lěta.

Łužica (10.09.15)

štwórtk, 10. septembera 2015 spisane wot:

Před paduchami so škitać

Drježdźany/Choćebuz (dpa/SN/ch). Tójšto rjemjeslniskich zawodow w namjeznym rumje Braniborskeje a Sakskeje chce so z widejowymi wobkedźbowanjemi, płotami a alarmowymi připrawami před paduchami škitać. Za to žadaja sej podpěru krajow. Rjemjeslniskej komorje Drježdźany a Choćebuz wuprajištej so wčera za krajne spěchowanske programy, kotrež maja zawodne wěstotne naprawy podpěrać. „Začuće wěstoty našich rjemjeslnikow chětro ćerpi“, rozłoži prezident Choćebuskeje rjemjeslniskeje komory Peter Dreißig. Komorje zepěratej so při swojej próstwje na swójske naprašowanje mjez firmami w južnej Braniborskej a Sakskej k namjeznej krimina­liće a k wěstotnemu połoženju.

Šulerjow wuznamjenili

W mnohich namjeznych kónčinach Europy je maja: dwurěčne wjesne tafle, kotrež šoferow tež w mjeńšinowych rěčach strowja. Tak je tomu tohorunja w němsko-danskej namjeznej kónčinje – znajmjeńša južnje mjezy: W němskim Flensburgu wužiwaja tež danske Flensborg, a Niebüll na němskim zapadnym přibrjohu Sewjerneho morja rěka frizisce tež Naibel.

W danskim Sewjernym Schleswigu žadaše sej němska mjeńšina hižo před wosom lětami dwurěčnje popisane wjesne a měšćanske tafle, tehdy pak žadanje Němcow w Danskej raznje wotpokazowachu. Wuznamne wosobiny mjeńšiny dóstawachu samo hroženja.

nawěšk

nowostki LND