Chorownja maltezow přeproša

Zhorjelc (SN/ch). Składnostnje dnja Karolusa 2015 wotměje Zhorjelska chorownja maltezow swj. Karolusa 12. septembra dźeń wotewrjenych duri. Tón bě w minjenymaj lětomaj stajnje něhdźe tysac ludźi wužiwało, zo bychu so wo strowotniskich prašenjach a wo chorowni wobhonili. ­Lětsa steji tema „črjewo a zežiwjenje“ na programje. Za dźěći wutworja chorownju za bariki, w kotrejž smědźa wone swoje lubuški přepytować. Lěkarjo chorownje maltezow přednošuja wo profylaksy přećiwo rakej črjewa. Loni smědźachu wopytowarjo přez model wulkich płucow kročić, lětsa přez model črjewa. Wone je z dwanaće metrami najdlěši organ čłowjeka. Młodostni dóstanu informacije wo hladanskich powołanjach. Tež partnerojo chorownje so předstaja.

Móst zaso cyle wobjězdźomny