Azylowy kompromis dojednany
Zhorjelc (SN/ch). W přitomnosći decernenta Wernera Genauwa bu před někotrymi dnjemi azylowy kompromis mjez swobodnym statom kaž tež wokrjesami a bjezwokrjesnymi městami dojednany. Na zeńdźenju Genau zhoni, kak prekerne tuchwilne połoženje kraja je. Zarjadnišća za prěnje přijimanje su dospołnje přepjelnjene, bjeztoho zo móhła so wotpowědna ličba ćěkancow komunam dale posrědkować. Přičina je jara dlijace so přijimowanje prěnich próstwow wo azyl, za kotrež je BAMF zamołwity. Wokrjesy měli tuž w přechodnych kwartěrach wot policije registrowanych a strowotnisce přepytowanych ćěkancow po dźesaćdnjowskim inkubaciskim času přiwzać, tež jeli njejsu hišće próstwu wo azyl zapodać móhli.
Twarske wiki zahajene
