Wobskóržba zapalerstwa dla

Wojerecy (dpa/SN/ch). Zhorjelske statne rěčnistwo je štyrjoch podhladnych zapalerskeho nadpada na dom ćěkancow we Wojerecach dla wobskoržiło. Jim wumjetuja, zo su w nocy na 3. junij na chódnik před ćěłozwučowanskej halu, kotraž so jako nuzowy kwartěr wužiwa, samopaslenu palnu bombu ćisnyli, zdźěli wčera statne rěčnistwo. Podhladni běchu za čas njeskutka 17 do 25 lět stari. Nichtó so njezrani. W ćěłozwučowanskej hali bě tehdy 27 ćěkancow wšelakich narodow. Wobskorženi su nětko w běhu přepytowanskeho jednanja swoju winu přiznali. Jim hrozy chłostanje z jastwom šěsć měsacow hač do pjeć lět abo młodźinske chłostanje.

We wustajeńcy rysowali