Škit před wulkej wodu polěpšić

Podstupim (dpa/ch/SN). Braniborska chce škit před wulkej wodu polěpšić a tuž wotpowědne powodźenske kónčiny znowa wupokazać. Po kartowych materialijach za Čorny Halštrow su nětko tež naćiski za Delnju Sprjewju wuchodnje Berlina zdźěłane. Wobydlerjam po­trjechenych městow, zarjadow a gmejnow maja wone wot 15. do 18. měrca předležeć, zdźěli wčera braniborske ministerstwo za wobswět. K nowym powodźenskim kónčinam słušeja mjez dru­himi regiony Beeskow, Erkner a Fürstenwalde. Potrjechene su dale kónčiny we wokrjesu Dubje-Błóta. Za powodźenske kónčiny płaća wosebite rjadowanja, na přikład při twarskich předewzaćach. Karty pokazuja, w kotrych wobłukach móže jónu w sto lětach k zapławjenjam wul­keje wody dla dóńć.

Bydlenje so wupaliło