Personal klinikuma stawkuje
Lubij/Žitawa (dpa/SN/ch). Serwisowy personal klinikuma Hornjołužiske hory je dźensa swój protest přećiwo dlijacym so tarifowym jednanjam dale wjedł. Dźěłarnistwo ver.di bě 160 potrjechenych sobudźěłaćerjow k stawkej namołwjało. „Tež hdyž snano k wobmjezowanjam w medicinskim zastaranju dóńdźe, pacientow nochcemy ze stawkom trjechić“, zwurazni wčera nawoda jednanjow dźěłarnistwa André Urmann. Stawk měješe dźensa wot ranja w pjećich hač do pózdnjeho popołdnja trać. Dźěłarnistwo žada sej lěpše dźěłowe wuměnjenja. Serwisowy personal bě 18. měrca posledni króć za tarifowe zrěčenje demonstrował. Třeće jednanske koło 19. měrca wosta dotal bjez wuslědka.
Pokazaja sto filmow