Elegantna wuměłča mjez ćěłozwučowarjemi była

póndźela, 31. awgusta 2020 spisane wot:

Erika Zuchold słušeše k naj­elegantnišim ćěłozwučowarkam swěta

Erika Zuchold narodźi so 19. měrca 1947 w durinskej wjesce Lucka we wokrjesu Altenberg jako Erika Barth. Poprawom chcyše wona přeco do cirkusa. Prjedy hač pak swój cil docpě, wopokaza so jako přewšo elegantna ćěłozwučowarka.

Znata po cyłym swěće bu wona hižo jako 17lětna 1964 we wobłuku mišterstwow Němskeje demokratiskeje republiki (NDR) w Halle, hdźež jako prěnja ćěł­ozwučowarka swěta swój flikflak na hrjedźe (Schwebebalken) pokaza. Z tutym wukonom je wona ćěłozwučowanje rewolucionowała. A tak by tež na Olympiskich lětnich hrach w japanskej stolicy Tokio swoje konkurentki překwapić móhła­. Wotpowědne wurisanja za cyłoněmske mustwo je sportowča SC Lipska z wulkim wotstawkom dobyła, a to hišće jako rodźena Barth. Tehdy sym ju tež jako­ tajku zeznał. Wona wšak běše tež čłonka sportoweho kluba SC Lipsk, sek­cije ćěłozwučowanja. Ja pak trenowach a so wubědźowach stajnje kónc tydźenja a w prózdninach jako běhar a čłon tutoho kluba hač do lěta 1965.

Serbski derby jako poslednja testowa hra

póndźela, 31. awgusta 2020 spisane wot:

Sokoł Ralbicy/Hórki – SJ Njebjelčicy 1:1 (0:0)

Za domjacych zasadźeni: Schöne – M. Matka, Kobalc, Kř. Matka, Bejma, Wałda, Lešawa, Šiman, Šewc, Zimmermann, Budar, Janca, Rawš, Rachel, M. Kurjat, Šołta; za hosći hrali: Matješk – Šołta, Haška, Hanuza, F. Domš, Korjeńk, Reinelt, Hrjehor, Paulick, Ričel, O. Domš, Kral.

Awtor dźensa Křesćan Korjeńk

„Přećeljo, přećeljo, najwjetše bohatstwo ...“, tutón­ spěw drje mnozy znaja. A twjerdźu, zo su sebi naši lońši spěwarjo musicala tekst jara derje spomjatkowali. Přećela abo přećelow měć je woprawdźe přewšo rjana a wažna naležnosć.

Sport (28.08.20)

pjatk, 28. awgusta 2020 spisane wot:

Triatlon bjez přihladowarjow

Marian Žur z Lejna a Daniel Nuk z Ra­dworja budźetaj jutře a njedźelu na triatlonowym wubědźowanju KnappenMan serbske barby při Třižonjanskim jězoru zastupować. Lejnjan Žur je so za olym­pisku distancu (1,5 km płuwać, 40 km kolesować, 10 km běhać) zapisał a Ra­dworčan Nuk za KnappenMan S (750 m, 20 km, 5 km). Wšitke wubědźowanja přewjedu bjez přihladowarjow.

Kónctydźenske koparske hry

28.08. 18:30 Sokoł Ralbicy/Hórki –

  ST Wóslink/Skaskow

29.08. 13:30 FC Energija Choćebuz –

  Viktoria Berlin

29.08. 14:00 SC Freital –

  ST Marijina hwězda

30.08. 11:00 Sokoł Ralbicy/Hórki –

  SJ Njebjelčicy

30.08. 11:00 HZ Lubuš/Bluń –

  Módro-běli Kulow

30.08. 14:00 ST Chemie Dohna –

  SJ Chrósćicy

30.08. 15:00 ST 1922 Radwor –

  SZ Eintracht Dobritz

30.08. 15:00 ST Horni kraj Sprjewja –

  Jednota Kamjenc (krajny pokal)

30.08. 16:00 HZ Chrósćicy/Njebjelčicy/Pančicy – FC HŁ Neugersdorf (młodźina A)

Nócny wolejbulowy turněr

Nócny wolejbulowy turněr Žołto-módrych Kulow wuhraja 31. oktobra we wjacezaměrowej hali w Kulowje. Hrać budu runočasnje wo kwalifikaciju za wolej­bulowy turněr wo pokal zawoda Maja, kiž chcedźa 19. januara 2021 na samsnym městnje wuhrać.

Krabatowy firmowy běh

Personalne nowosće w serbskich towarstwach

štwórtk, 27. awgusta 2020 spisane wot:

Trenar serbskeje koparskeje wubranki Frank Ričl je hižo lěta dołho tež nazwučowar pola Jednoty Kamjenc. W nowej sezonje smě so na dalšeho serbskeho hrajerja w swojich rjadach wjeselić. Bosćij­ Bejma změni wot Rakečanskeho sportoweho towarstwa do Lessingoweho města. Tež Feliks Hrjehor wopušći w krajnej klasy hrajace mustwo z Rakec a změni klasu niže do Němskich Pazlic. Štó je nowy pola našich pjeć serbskich koparskich towarstwow a štó praji bože­mje, je Jurij Bjeńš rešeršował.

Elias Bětka přednošuje

štwórtk, 27. awgusta 2020 spisane wot:
Porschdorf (jh/SN). W tak mjenowanym Aktiwnym domje w Porschdorfje mjez Hohnsteinom a Bad Schandauwom přewjedu lětsa 4. a 5. septembra 9. lěćny festi­wal krosnowarjow „Bergsichten“. Zapo­čatk budźe na wo­běmaj dnjomaj stajnje w 20 hodź. Sobotu přednošujetaj w Porsch­dorfje Elias Bětka a Matthias Nolden wo ekstremnym sportowym wužadanju „Seven Summits Alpen – by fair means“. Wobaj běštaj loni 52 000 wysokostnych metrow zhromadnje 3 708 ki­lometrow na kolesu a 145 kilometrow na sně­hakach po puću. Dalše informacije k festiwalowemu programej namakaće w interneće pod www.bergsichten.de/sommerbergsichten.php

Terminy MC Jawory

štwórtk, 27. awgusta 2020 spisane wot:

Tež Motorsportowy klub MC Jawora ma lětsa na motocrossowej čarje Kaponica hišće někotre terminy planowane.

05./06.09. 9–17 hodź. treningowe lěhwo za kadrowych jězdźerjow

26./27.09. 9–17 hodź. treningowe lěhwo za nowačkow

10./11.10. 42. ADAC motocross

24./25.10. 9–16 hodź. treningowe lěhwo a MX testowy dźeń

Poradźeny test w Slepjanskej holi

srjeda, 26. awgusta 2020 spisane wot:

Lok Slepo

– Sokoł Ralbicy/Hórki 1:4 (0:3)

Za Slepo zasadźeni: Knox, Schur – Dokter, Kästel, Paecke, Lampe, Noack, Kranig, Sonnert, B. Schuster, Michlenz, Kirschke, Schur, Kuhnert, V. Schuster, Korla, Knaack, Zeisig; za Sokoł hrajachu: Schöne – Bejma (60. Kobalc), Rawš, Lešawa, M. Matka, Šołta, Rachela, Šiman, Janca (46. Budar), G. Kurjat, M. Kurjat (77. Ćěsla)

Po dołhim času běchu Sokoljo zaso raz jězbu do Slepoho nastupili. Poslednju winowatostnu dypkowu hru přewje­dźe­štej wobě mustwje w sezonje 2010/2011, a to w Ralbicach. Duel bě so 2:2 skónčił. Potom pak su tehdyšu wobwodnu klasu do wokrjesneje wyšeje ligi změnili a mustwje nastupištej na to w Zhorjelskim a Budyskim wokrjesu.

Sokoljo wotchadničku swjećili

srjeda, 26. awgusta 2020 spisane wot:
Swój posledni trening do lětnjeje přestawki su młode koparki a młodźi koparjo Soko­ła Ralbicy/Hórki njedawno zhromadnje přewjedli a runočasnje pod krutymi pra­widłami hygieny wotchadničku swjećili. Najprjedy dźakowachu so ze sylnym při­kle­skom tučasnym trenarjam Michałej Šrajerjej (stejo nalěwo, bambinije), Andréjej Debikej a Tomašej Klimantej (młodźina F), Willijej Schöne a Sebastianej Měršej (mło­dźina E) kaž tež Renéjej Zyndźe (stejo naprawo, młodźina D) za spušćomne dźěło. Po tym přewjedźechu bambinije a F-młodźency na jednej połojcy trawnika koparski turněr a na tamnej ­E- kaž tež D-młodostni. Nimo słódneho lodu sydaštej za kóždeho sportowca hišće kołbaska a mały napoj. Wutrobny dźak wšěm staršim a podpěraćelam, kotřiž su wotchadničku młodych koparjow podpěrali. Foto: Jurij Bjeńš

Dalšu testowu partiju wuspěšnje wobstali

wutora, 25. awgusta 2020 spisane wot:

Rakečanske ST II

– ST Marijina hwězda 1:3 (1:1)

Zestawa hosći: Matik – Fe. Langer, K. Pakoßnick, Hawš, T. Jurš, Čornak, Schmidt, Pjetaš, Lugge, D. Jurš, J. Pakoßnick, Eldor, Ladewig, Fa. Langer, R. Cyž, Kral

Kader prěnjeho koparskeho mustwa ST Marijineje hwězdy za sobotnu testowu partiju w Rakecach njebě runjewon přewulki. Trenarjej Bodej Pjetašej po­brachowachu mjenujcy tójšto stajnych hrajerjow. Najebać to chcychu Pančičenjo tež tónle přihotowansku hru za nowu sezonu wuspěšnje wuhrać, štož so jim poradźi.

słowo lěta 2020

nawěšk

SERBSKE NOWINY podpěruja:

Novi Sad – kulturna stolica Europy

nowostki LND