Wjele projektow zwoprawdźili

pjatk, 14. awgusta 2015
artikl hódnoćić
(0 )

Gubin (SN). W pólskim Gubinje zetkachu so srjedu čłonojo euroregionalneje při­zwolenskeje komisije (EBK) k swojemu poslednjemu posedźenju nachilaceje so spěchowanskeje periody 2007 do 2013. Pólsko-němski gremij fachowcow za tak mjenowany Small project fund a syć projektowych fondsow stej hišće raz wo cyłkownje sydom mjezy přesahowacych projektach rozsudźiłoj, mjez druhim wo němsko-pólskim přistawowym swjedźenju 12. septembra w Gubinje. EBK je so z prěnjeho zetkanja před šěsć lětami 59 razow schadźowała.

Jeničce na němskej stronje eurore­giona je Europski fonds za regionalne wuwiće (EFRE) we wobłuku operaciskeho programa mjezy přesahowaceho zhromadneho dźěła Pólska (wojewódstwo Lubu­skie)-Braniborska w lětach 2007 do 2013 za cyłkownje 380 němsko-pólskich zetkawanskich a syćowych pro­jektow spěchowanje 2,5 milionow eurow přizwolili. Něhdźe 22 000 němskich a 17 000 pólskich wobdźělnikow bě do zetkanjow aktiwnje zapřijatych. K tomu zličichu na zarjadowanjach wjac hač 60 000 wopytowarjow.

wozjewjene w: Słowjanski wukraj
Prošu přizjewće so, chceće-li komentar podać

Serbska debata

nowostki LND