„Złoty ćah“ – mytos abo fakt?

pjatk, 04. septembera 2015
artikl hódnoćić
(0 )
Spekulacije w zwisku ze „złotym ćahom“ z kónca Druheje swětoweje wójny dźeń a wjace medijow do juhodelnjošleskeho města Wałbrzycha přiwabjeja, tule wusyłanski wóz pólskeho telewizijneho sćelaka TVN24. Před tydźenjomaj běchu so informacije jewili, zo staj mužej – Polak a Němc – wony ćah namakałoj. Tón steji pječa w hoberskim podzemskim tunlowym systemje. Foto:  dpa/Arno Burgi Spekulacije w zwisku ze „złotym ćahom“ z kónca Druheje swětoweje wójny dźeń a wjace medijow do juhodelnjošleskeho města Wałbrzycha přiwabjeja, tule wusyłanski wóz pólskeho telewizijneho sćelaka TVN24. Před tydźenjomaj běchu so informacije jewili, zo staj mužej – Polak a Němc – wony ćah namakałoj. Tón steji pječa w hoberskim podzemskim tunlowym systemje. Foto: dpa/Arno Burgi

Debata wo pozdatnej spektakularnej namakance pola Wałbrzycha

Waršawa. Dosć intensiwnje rozprawjeja pólske a mjeztym tež mjezynarodne medije wo pozdatnej spektakularnej namakance njedaloko delnjošleskeho města Wałbrzycha, wokoło kotrejež so tójšto bajow pleće: „złoty ćah“ z kónca Druheje swětoweje wójny, połny pokładow a drohoćinkow.

Wšitko nastorčił bě před tydźenjomaj pólski prawiznik. W nadawku swojeju mandantow – Polaka a Němca – wón zdźěli, zo staj wobaj wony drohotny ćah namakałoj a zo žadataj sej mzdu dźesać procentow wšeje hódnoty. Šansy na to wšak njejsu ani tak špatne: Hakle w juniju bě pólski parlament nowy zakoń wobzamknył, kotryž tajke dźesaćprocentowske myto předwidźi. Za to pak dyrbjało wěste być, zo je ćah woprawdźe namakany. Pječa je dopokazane, zo bě w meji 1945 ćah z Wrócławja do Wałbrzycha wot­jěł, tam pak nihdy njedojěł. Pólske medije wuslědźichu swědkow, kotřiž su ćah hišće na swojej woči widźeli. Fakt tež je, zo bě we Wrócławju za čas němskeje okupacije wulka wotnožka němskeje Reichsbanki. Ju su na kóncu wójny ewakuowali.

wozjewjene w: Słowjanski wukraj
Prošu přizjewće so, chceće-li komentar podać

Serbska debata

nowostki LND